10:25

Kotia likolo na Biso moko Nkombo ya Yesu Klisto.

Na Mpaka Robert C. Gay

Ya Bokambi ya Bantuku Nsambo

Tika ete tozwa likolo na biso moko nkombo ya Yesu Klisto—na komonaka lokola Ye amonaka, na kosungaka lokola Ye asungaki, mpe na kondimelaka ete ngolu na Ye ezali ya kokoka.

Bafndeko na ngai mibali mpe basi na mosala kala mingi te, lokola nazalaki komaniola mokumba ya Mokambi Nelson ya kobenga Eklezia na kombo na yango efulamaki, nabaluki epai wapi Mobikisi apesaki motindo na Banefite na oyo etali nkombo ya Eklezia.¹ Ntango natangi maloba ya Mobikisi, nakamwaki na lolenge nini Ye asololaki lisusu na bato ete “bosengeli kotia likolo na bino nkombo ya Klisto.”² Yango etindaki ngai komitala ngai moko mpe kotuna, “Etie ngai likolo na ngaimoko nkombo ya Mobikisi lolenge alingaki ngai nasala yango?”³ Lelo nakolinga kokabola bamoko ya mayoki nayambaki na eyano ya motuna na ngai.

Yambo, kotia likolo na bisomoko nkombo ya Klisto elingi koloba tozali koyinka mpiko na bondimi mpo na komona lokola Nzambe azali komona.⁴ Lolenge nini Nzambe azali komona? Joseph Smith alobaki, “Ntango liboke moko ya loposo ya bato ezali kosambisaka mpe kopesaka etumbu na basusu na bozangi mawa, Moboti Monene ya Molongo mobimba azali kotala likolo ya libota mobimba ya bato na bokebi ya botata mpe botali ya kibotata,” mpo “bolingo na Ye [ezali] ezanga bososoli.”⁵

Mibu mike eleki yaya na ngai ya mwasi akufaki. Azalaki na bomoi moko ya etumba. Ye abundaki na nsango malamu mpe atikala kozala ata mokolo moko te ya makasi. Mobali na ye asundolaki libala na bango mpe atikaki ye na bana ya mike ya kobokola. Na mpokwa ya liwa na ye, na kati ya kisuku moko elongo na bana bazalaki, napesaki ye lipamboli ya bozongi ndako na kimia niyonso. Na ntango wana nayaki komona nazalaki kolimbola mingi bomoi ya ndeko na ngai ya mwasi na balolenge ya bitumba mpe bolembu na ye. Lokola natiaki maboko na ngai na moto na ye na mpokwa wana, nazwaki mpamela moko ya makasi uta na Molimo. Natiaki bokebi mingi na bolamu na ye mpe napesaki nzela ya kotala ye lokola Nzambe atalaki ye—te lokola moto moko azalaki kobunda na nsango malamu mpe bomoi kasi lokola moto moko oyo esengeli komesana na makambo ya pasi oyo ngai nazalaki na yango te. Namonaki ye lokola mama moko ya malamu koleka oyo, atako makama minene, akolisaki bana minei ya kitoko, ya bolamu. Namonaki ye lokola moninga ya mama na biso oyo azwaki ntango ya kotala mpe kozala moninga na ye nsima ya tata ya biso tata kokufa.

Katikati ya mpokwa ana ya suka elongo na ndeko na ngai ya mwasi, nandimi ete Nzambe azalaki kotuna ngai, “Ekoki yo te komona ete moto nyonso nzinganzinga na yo azali na ezalela ya bule?”

Brigham Young ateyaki:

“Nakanisi kokende na lombango epai ya Bansantu … kososolaka mibali mpe basi lokola bango bazali mpe te kososola bango lokola yo ozali.”⁶

Mbala boni elobami —‘Ntango moto moko azali kosala mabe mpe akoki te kozala Mosantu.’ … Tozali koyoka kolapa mpe lokuta … [to] kobuka Sabata. … Bosambisa bato ya bongo te, mpo oyebi te libongisi ya Nkolo kotalaka bango … [Na esika,] ya komema elongo na bango.”⁷

Ekoki moko na bino kokanisa Mobikisi na biso kotikaka bino mpe mikumba na bino koleka na bomoni te na Ye? Mobikisi atalaki likolo ya Mosamalia, moto ya ekobo, mofutisi mpako, moto ya maba, moto ya maladi ya mutu, mpe mosumuki na etaleli kaka moko ya wana. Banso bazalaki bana ya Tata na Ye. Banso basikolamaki.

Ekoki yo kokanisa Ye kopesaka mokongo uta na moto moko na makanisi, na ntina ya esika na bango na bokonzi ya Nzambe to basusu elongo na mposa makasi mpe lisumu?⁸ Nakoki te Na miso ya Klisto, molimo moko na moko ezali na motuya ezangi ndelo. Moto moko te asalama mpo na kokueya. Bomoi ya seko ekoki mpo na moto nyonso.⁹

Uta na mpamela ya molimo na mbeto ya nkufa ya ndeko na ngai ya mwasi, nayekolaki liteya moko monene: ete soki tomoni lokola Ye azali komona, ya biso ekozala elonga mbala mibale—bosikoli ya baoyo totali mpe bosikoli ya bisomoko.

Yamibale, kotia likolo na bisomoko kombo ya Klisto, tosengeli te komona lokola Nzambe azali komona, kasi tosengeli kosala mosala na Ye mpe kosalela lokola ye asalelaki. Tobwaki liloba, epesami na bolingi ya Nzambe, kosangisa Yisalaele, mpe kotika polena biso “engenga liboso ya bato.”¹⁰ Toyambi mpe tozali kobika mayokani mpe makuli ya Eklezia na Ye ezongisami.¹¹ Soki tosali yango, Nzambe akozinga biso na nguya ya kopambola bisomoko, mabota na biso, mpe babomoi ya basusu.¹² Mituna yomoko, “Eyebi ngai moto moko oyo asengeli te na banguya ya lola na bomoi na bango?”

Nzambe akosala makambo minene kati na biso soki tomisantisi bisomoko.¹³ Tokomisantisa bisomoko na kopetolaka mitema na biso.¹⁴ tokopetola mitama na biso soki toyoki Ye,¹⁵ toyamboli masumu na biso,¹⁶ tokomi ya kobongwana,¹⁷ mpe tolingi lokola Ye alingaka.¹⁸ Moyekoli atunaki bisos, “Mpona soki bolingi baoyo balingi bino, litomba nini bokozwa?”¹⁹

Kala te nayekolaki na ntina ya mayele moko na bomoi ya Mpaka James E. Talmage oyo etindaki kopema mpe kotala lolenge nini nalingaka mpe nasalelaka baoyo nzinganzinga na ngai. Lokola elenge molakisi, yambo akoma Apostolo, na kati ya epidemie ya liwa ya diphterie ya mbala mwambe ya 1892, Mpaka Talmage akundolaki libota moko ya bapaya, bandimi ya Eklezia te, oyo bazali pembeni na ye mpe oyo ebebisamaki na bokono. Moto moko te alingaki komitia yemoko na likama ya kokende na kati ya ndako ebebisami. ¨Mpaka Talmage, atako bongo, na mbala moko akendaki na ndako yango. Ye akutaki bana minei: moko ya mibu mibale-na-ndambu-ya-mibu akufi na mbeto, moko ya-mibu-mitano mpe ya-mibu-zomi na pasi makasi, mpe moko ya kolemba ya-mibu-zomi na misato. Baboti baniokwamaki na bapota mpe kolemba.

Mpaka Talmage alatisaki bakufi mpe baye na bomoi, apangusaki bisuku, asokolaki bilamba ebebisama, mpe atumbaki bilamba ya salité makasi etondisami na bokono. Asalaki mokolo mobimba mpe nsima azongaki ntongo mosusu. Ya ya-mibu-zomi akufaki na katikati ya butu. Atombolaki mpe amemaki ya-mibu-mitano. Ye akosolaki soyi ya makila na elongo na ye mobimba mpe bilamba na ye. Ye akomaki, “Nakokaki kotia ye mosika na ngai te,” mpe amemaki ye kino ye akufaki na maboko na ye. Ye asungaki mpo na bokundi ya bana misato mpe abongisa bilei mpe asokolaki bilamba mpo na libota ya mawa. Nsima ya kozongaka na ndako, Ndeko Talmage alongolaki bilamba na ye, asokolaki na nkisi moko ya zinc, amilongolaki mosika na libota na ye, mpe aniokwamaki na bobundisi ebele ya bokon.²⁰

Nde boye babomoi ebele ezingi biso na moboko ezali. Bansantu batie nkombo ya Mobiki likolo na bangomoko na kokomaka bule mpe kosalisaka banso kolandaka te epai wapi to boniboni bango bavandi—baboyo ekobika soki biso tosali bongo.²¹

Na suka, nandimi ete kotia nkombo na Ye likolo na bisomoko tosengeli kolikia na Ye. Na liyangani moko nasanganaki Eyenga moko, elenge moko ya mwasi atunaki eloko moko lokola oyo elandi: “Mobandi na ngai mpe ngai tokbwanaki, mpe ye aponi kolongwa na Eklezia. Ye ayebisi ngai ete akozala na esengo ata mokolo moko te. Lolenge yango ekoki kozala?”

Mobiki ayanolaki motuna oyo ntango alobaki na Banephite, “Kasi soki [bomoi na bino] etongami te likolo ya nsango malamu ya ngai, likolo ya misala ya bato, to likolo ya misala mya zabulu, solo nalobi epai na bino [bino boko] zali na bosepeli na [ya bino] misala mpo na eleko moko, mpe uta mpe uta wapi nsuka ezali te.”²² Kuna na pete kaka ezali te na bosepeli ya kowumela libanda ya nsango malamu ya Yesu Klisto .

Nzokande, kati ya liyangani nateyaki na oyo etali batu malamu ebele nayebi oyo bazali kobunda na mikumba minene mpe mitindo oyo ezali kokitisaka na malamu mpo na bango. Na mitunaki ngai moko, “Nini lisusu Mobikisi akokaki koloba na bango?”²³ Nandimi Ye akokaki kotuna, “Bozali kolikya na ngai?”²⁴ Na mwasi oyo ya kotanga makila Ye alobaki, “bondimi na yo ebikisi yo, kende na kimia”.²⁵

Moko ya makomi na ngai nalingaka ezali Yoane 4:4, wapi totangi, “Ekokaki na ye koleka na Samalia.”

Ntina nini nalingi likomi oyo? Mpo ete Yesu azalaki te na bosenga ya kokende na Samalia. Bayuda ya ntango na Ye basepelaki na Basamalia te mpe kobembuka na nzela moko ya Smalia. Kasi Yesu aponaki kokende kuna koloba liboso ya mokili nyonso mpo na mbala yambo ete Ye azali Mesiya oyo alakamaki. Mpo na etinda oyo, Ye aponaki kaka te lisanga moko ya batu babwakama kasi lisusu mwasi moko—mpe kaka mwasi pamba te kasi mwasi moko kobikaka na lisumu—mutu moko azwamaki na ntango yango kozala moto pamba. Nandimi ete Yesu asaIaki yango boye ete moko na moko na biso akoka ntango nyonso kososola ete bolingo na Ye ezali monene koleka bobangi na biso, bamposa na biso, bantembe na biso, bakomekama na biso, masumu na biso, mabota na biso ebukana, makanisi na biso mpe bozangi kimia na biso, bozangi na biso esika ya kovanda, bobendi na biso ya mwasi na mwasi mpe-mobali na mobali, bokono biso ya mabe koleka, bobola na biso, bobebisamina biso, mpe kozalaka na biso ya biso moko.²⁶ Ye alingi banso toyeba ete ezali na eloko moko te mpe moto moko te Ye azali na makoki ya kobikisa mpe kokangola na bosepeli ya kowumela.²⁷

Ngolu na Ye ekoki.²⁸ Ye moko akitisaki biloko nyonso na nse. Nguya ya Bomikabi na Ye ezali nguya ya koleka likolo ya mokumba na biso ya bomoi.²⁹ Etinda na mwasi na malamu ezali ete Ye ayebi mikakatano ya bomoi na biso³⁰ mpe ete tokoki ntango nyonso kotambola elongo na Ye atako esika tozali. Na ye mpe moko na moko na biso, Ye alobaki, “Oyo akomela mayi oyo nakopesa ye akoyoka lisusu mposa ya mayi te; kasi [bakozwa] liziba ya mayi, kotiolaka tii na bomoi ya seko.”³¹

Na bamobenbo nyonso ya bomoi, mpo na nini bozali ntango nyonso kologwa mosika na Mobikisi kaka moko oyo azali na nguya nyonso ya kobikisa mpe kokangola yo? Atako ntalo nini osengeli kofuta mpo na kolikya na Ye ezali na motuya. Bandeko mibali mpe basi, ltika biso topona kokolisa bondimi na biso na Tata ya Lola mpe Mobikisi na biso, Yesu Klisto.

Natatoli na nse ya molimo na ngai, ete Eklezia ya Yesu Klisto ya Basantu ya Mikolo ya Nsuka ezali Eklezia ya Mobikisi, ekambami na Klisto ya bomoi na nzela ya profeta. Losambo na ngai ezali et biso tokotia na bondimi nyonso likolo na biso moko nkombo ya Yesu Klisto—na komonaka lokola Ye azali komona, mpe na na kosalisaka lokola ye asalisaka, mpe na kolikiaka ete mawa na ye ekoki po na kokangola ndako na biso mpe kokobaka na esengo. Na nkombo ya Yesu Klisto.