Lipooti mei he Potungāue ʻAotita ʻa e Siasí, 2023
Ki he Kau Palesitenisī ʻUluaki ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní
Siʻi Kau Taki: Hangē ko ia ʻoku fakamatalaʻi ʻi he fakahā ʻi he vahe 120 ʻo e Tokāteline mo e Ngaahi Fuakavá, ʻoku fakamafaiʻi ʻe he Fakataha Alēlea ki Hono Fakaʻaongaʻi ʻo e Ngaahi Vahehongofulú—ʻa ia ʻoku kau ki ai ʻa e Kau Palesitenisī ʻUluakí, ko e Kōlomu ʻo e Kau ʻAposetolo ʻe Toko Hongofulu Mā Uá, pea mo e Kau Pīsopeliki Pulé—ʻa e fakamole kotoa pē ʻoku fakahoko ʻaki ʻa e paʻanga ʻa e Siasí. ʻOku vahevahe ʻe he ngaahi potungāue ʻa e Siasí ʻa e paʻangá ʻo fakatatau mo e ngaahi patiseti, tuʻutuʻuni mo e ngaahi founga ngāue kuo fakangofuá.
Ko e Potungāue ʻAotita ʻa e Siasí, ko ha kau taukei tauhitohi kuo fakamoʻoniʻi pea tauʻatāina mei he ngaahi potungāue kotoa ʻa e Siasí, ko honau fatongiá ke fai ʻa e ngaahi ʻaotitá ʻo fakataumuʻa ke fakapapauʻi ʻa e ngaahi tokoni ʻoku maʻú, fakamole naʻe fakahokó, pea mo maluʻi ʻa e koloa ʻa e Siasí.
Fakatatau mo e ngaahi ʻaotita kuo fakahokó, ʻoku pehē ai ʻe he Potungāue ʻAotita ʻa e Siasí, ko e naunau kotoa pē, ngaahi tokoni naʻe maʻu maí, fakamole naʻe fakahokó, pea mo e ngaahi koloa ʻa e Siasí ki he taʻu 2023, kuo lekooti pea fakahoko ia ʻo fakatatau mo e ngaahi patiseti, tuʻutuʻuni, mo e ngaahi founga fakatauhitohi ʻa e Siasí kuo fakangofuá. ʻOku muimui ʻa e Siasí ʻi he ngaahi founga ʻoku akoʻi ki hono kau mēmipá ke moʻui ʻo fakatatau ki he patisetí, fakaʻehiʻehi mei he fakamoʻuá, pea fakahū ha paʻanga ki he taimi ʻo e faingataʻá.
Fakahū atu ia ʻi he loto-fakaʻapaʻapa moʻoni,
Potungāue ʻAotita ʻa e Siasí
Jared B. Larson
Talēkita Pulé