“Gapas nga lanin’um, mu Nang ni Gag i Got”
Rayog ngodaed e gapad ma rayog ni ngad nanged ngaed tayed u wun’daed ni Got’ e Chitimangdad nu Tharmiy, ma gadad e bitir rok’, Yesus Kristus e tathapeg rodad.
De n’uw nap’an e dag ko na’un nge rran ko media ni fan e na’un rok’ Somoel nib bi’ech, mug powi’iy e ‘ulung e gidii’ nib journalist nug wared nge dag ngoraed langin fare na’un nib thothup. Gu weliy pi fan e pi temple ko fare Galasia ku Yesus Kristus ni fan ko gidii’en Got rok’ ko Tin Tomur e Rran mug fulweg e duwer roraed nib yo’or ma rib mangil.
M’on nug waroed nga lan e seengil nib celestial, mug weliy ni biney e seengil u lane na’un rok’ Somoel e ma dag rogon e gapas nge fel’ ya’an ko fare tabinaew nu tharmiy ni rayog ni ngad suloed ngay u tomurean e yafos ney. Gu fanow ko pi gidii’ romaed ni dabda noned u nap’an ni gamaed be paer u lan fare seengil nib celestial, machane gura fulweg e duwer ni tomurean ni gu waroed ko bin magid e gil ko fare tour.
Tomurean ni gu waroed nga waen u seengil nib celestial ma nap’an nug mukun gaed ko bin magid e gil, mug fith e gidii’ ni fa’an ra baey roraed e tin ni kar guyed ni yaed ba’adaged ni ngar goged. Bee’ ko giddii ko news e ke yoeg ni baey e thamiy nib gaa’, “Dawor gu thamiy ban’en ni woed rogon e binem u lan e yafos rog. Dawor gu nang e bay e mocho’ ni amrogon u dakean e fayleng; Dawori paer e mich u wun’ug ni rayog e gapas nem.
Kug thamiy nib riyul’ mab gel rogon e pi thin ko cha’ney. Ma tin ni rin’ facha’ i journalist e dag bayang nib ga’ fan ko gapas—ngan gel ngay ngan siyeg e wagagay ko gin ni gadaed be paer riy nibe liyeg daed.
Nap’an ni lemnag fapi thin ku facha’ i journalist mug lem nag ko rogon e yafos rodaed nib wagagay ko tiney e rran—tin magawon, tin ni be chuweg e lem rodaed, nge rogon nib thithil ni ma motochiyel nag e lem rodaed—reb e scirpture e ke yib nga laniyaen’ug: “Gapas nga lanin’um, mu Nang ni Gag i Got”
Gu be meybil ni fare Kan ni Thothup e ra yib nag taminlang nga laniyaendaed u nap’an ni gadaed be lem nag e rogon nib tolaeng mab thothup ko gapas u lan e yafos rodad—ba gapas ko ya’el u langin ko fare ya’el ni rayog nag daed ni ngad nanged ngad tayed u wun’daed ni Got’ e Chitimangdaed nu Tharmiy, ma gadad e bitir rok’, Yesus Kristus e Tathapeg rodaed. Biney e tawa’ath ni rib mangil e rayog ko Gidii’en fare Galasia ni gubin ni be gay rogon ni ngar manged e “gidiiʼ rokʼ Somoel ni falʼeg ba mʼag nga thilraed.”
Pasalog nigem
Lan e 1833, ma fapi Gidii’en Got ni be par u Missouri e yaed e gidii’ ni kan gafgow nagraed. Yu’ulung e gidii’ nib kireb e ke chuw nag ko tabinaw roraed ko Jackson County, ma boech e gidii’en fare Galasia e kar gayed rogon ni ngar pired u yu yang nib chugur. Machane de tal’ e gafgow, ma thin ko yam’ e ke yo’or. Lan e pi rogon ney nib mo’maw, ma Somoel e ke dag e motochiyel ko facha’ i Profet Joseph Smith ko Kirtland, Ohio:
“Ere, Par e gapas ulan gum’ircha’em ni mornga’agen Zion; ya gubin e yafos ma bay ulan pa’ag; pasalog nigem ma garanang ni I gag Got.”
Be mich u wun’ug ni pi machib ku Somoel ni ngan “Pasalog nigey” e bay fan riy ni gathi yigo’ dani non fa yaen. Sana’ Fan rok’ e gadaed ra tay nga laniyaen daed ngad gayed e ayuw Rok’ nge gelngin “ni gubin e ngiyalʼ ngo fithikʼ gubin banʼen, nge gubin yang ni [gadaed] bay riy.” Arrogon, “pasalog nigey” e sana’ ba rogon ni be tay nga laniyaen’daed ni ngad tayed e lem rodaed ko Tathapeg ni dabda tal gaed ni’Ir e lukungun e gapas ko ya’el ni be gel nagdaed ni ngad rined ngad gel gaed ko tin nib mo’maw.
Toey nga dakean fare Waer
Mich nib riyul’ e be tay ni gubin ngiyal’ u langin ma dakean fare Somoel i Yesus Kristus—u Langin ni’Ir Fak ni Thothup mab Yigo’ ni kan gargeleg ku fare Chitmangiy ni manechubog ma dakean e muruwel rok’ ko thapeg ni ke polo’ nag.
Ya ke muguʼuliy fare motochiyel, ere bay matʼawon ngakʼ e piʼin nib michaenʼraed ngakʼ; ma piʼin nib michaenʼ ngakʼ e bay ra lʼeged paʼaraed ko tin nib mangil banʼen; ere be non ni paʼ e gidiiʼ.”
Yesus Kristus eaTabiyul rodaed, Ta’ayuw rodaed, ma Tapowiy rodad ku Chitmangdad ni manechubog ma farengi war ni thingar da faleg’ed lukngun e yafos rodad nga dakean.
Ke weliy Helaman,“Mu tayew u wunʼmew, mu tayew u wunʼmew ni fare war ni Tabiyul rodaed, niʼir Kristus, ni fachaʼ ni Fak Got, e thingar mu ufungew e dayif romew nga dakean; ya napʼan ni fare moʼoniyanʼ e nge piiʼ e nifeng rokʼ nib gel, arragon, nifngin e yokoʼ rokʼ, arragon, u napʼan ni gubin e nʼuw ni ays nge yokoʼ rokʼ nib gel e nge aw ngomew, ma dariy gelingin ni nge miliymew iyaen nga butʼ ko fare dodow ko gafgow ni dariy nʼumngin i napʼan, ni bachan fare malang ni kam dumow gow nga dakean, niʼir ba dayif nib miyuluy, nib dayif ni faʼanra toey e gidiiʼ e naʼun nga dakean ma dabi puth nga butʼ.”
Fare ya’an ko Kristus ni ‘Ir fare “malang” ni thingar da faleg’ed dayif ko yafos rodaed nga dakean ea ba gel ea ayuw riy. Wenig ngomed ngam guyed u lan e biney e verse ni fare Tathapeg e gathi Ir fare dayif. Machane amrogon, be non ngodaed ni ngad fal’eged e dayif rodad nga Dakean.
Fare dayif e farengi yang ko ba na’un ni ma paer u fithik’ e but’. Ba dayif ni rib gel e ma pii’ e ayuw ko yoko’ ma ku boech e gafgow nib gel. Ba dayif nib mat’aw e ku ma pii’ boech e tomal ko yang nib gaa’ ni dabni gel ko fare but’ ni bay u tangin ma ra pii’ e foer nib tagpaes ni fan ko toey,
Ba thaa’ nib gel’ u thilin fare but’ ma fare dayif e ba gaa’ fan ni fa’an ra paer e na’un nib gel. Ma fan ko boech matoey, anchor pins nge steel rods e rayog ni ngan ngongol ni ngan tay fare dayif ko ba na’un ko “bedrock,” fare waer nib ‘el nu bay u tangin pin’en boed e but nge malang.
Boed rogon, ma lukngun e pi yafos rodad e ba tu’f ni nge paer ko farengi waer ku Kristus ni fa’an gadad ra paer ni gadad ba ge ma dab da thil gaed. Fapi m’ag nge ga’ming nib thothup ko fare Gospel ku fare Tathapeg ni kan sulweg yarmin e rayog ni ngan ta’areb nag ko fapi anchor pins nge steel rods ni yima ngongoliy ni ra kol nib gel ni dabi yaen’ ko farengi “waer” ku Yesus Kristus. Gubin e yay ni gadad ra thapeg, sap ngay, ngaed biech niged e m’ag rodaed nib thothup, ma anchors ko ya’el rodad e ra kol nib gel ni dabi yaen’ ko farengi “waer” ku Yesus Kristus.
“Ere, en ra michaenʼ ngakʼ Got e riyulʼ ni rayog ni nge athapeg rebe fayleng nib felʼ, arragon, ni boed rogon bangi banʼen u baʼani matʼaw i paʼ Got, nib athap ni ma yib u dakean e mich, ni ma yuluuy e yaʼel ko gidiiʼ, niʼir ra tay raed ni yaed bagael ma yaed ba miyuluy, ni gubin e ngiyalʼ ma yaed be rinʼ e tin nib felʼ e muruwel, me wawliyraed ngar liyoer gaed ngakʼ Got.”
Buch’uw nge buch’uw, “nap’an boech e tayim,” “mat’aw [ma par] ko lem rodaed, ni dabimus,” ma “faluu’ rodaed [ra gel’ ku boech] u p’oewchen Got,” nge “fare Kan ni Thothup e fager [rodad].” Gadaed ra paer nib gel ma dab da yaen nga bang. Fa’an ra fare lukngun e yafos rodad e ma fal’eg nga dakean fare Tathapeg, me yira tawa’ath nagdaed ni ngad “pasalog niged”—ngaed tayed u wun’daed ni Got’ e Chitimangdad nu Tharmiy, ma gadad e bitir rok’, Yesus Kristus e tathapeg rodad .
Ngiyal’ nib Thothup, Gin nib Thothup, ma fare Tabinaew
Ma pii’ Somoel ngiyal’ nge gin nib thothup ni ngan ayuwegdad ni ngad thamiyed ngad filed mornga’agen biney e gapas ni bay u langin ea ya’el rodaed.
Boed rogon, fare rran ni Madom e rran ku Got, ba ngiyal’ nib thothup ni kan tay nga palog ni ngad tay nga wun’daed ngad liyor niged Chitimangiy u dakean fithingan Fak’, ni ngad ‘uned e ga’ming ko priesthood, ma ngad thapeged ngad bi’ech niged e m’ag nib thothup. Gubin e wik, ma gadad ma liyoer nag fare Somoel u nap’an ni ngad filed u tabinaw rodaed ni gadaed “gubin ni bay ko gidii’en Got” u nap’an fare sacrament ma ku boech e mu’ulung. Nap’an e rran Rok’ nib thothup, ma lem, ngongol, nge ya’an rodaed e tin ni Gadaed ma dag ngak’ Got ma ku ba tin ni dag e t’uf rodaed Rok’. Gubin e Madom, fa’an gadaed ra rin, ma rayog ngodaed e gapad ma rayog ni ngad nanged ngaed tayed u wun’daed ni Got’ e Chitimangdad nu Tharmiy, ma gadad e bitir rok’, Yesus Kristus e tathapeg rodad.
Bin luknguy e ban’en ko liyor ko Madnom rodad e ngad “dared nga fare na’un ko meybil ngad pii’ed e maligach [rodad] ko fare rran nib thothup ku [Somoel].” Fa “[pi] na’un ko meybil” ni gadad ma mukun u langin ko Madnom e na’un ko mu’ulung ma kuboech e na’un nib mat’aw.—gin nib thothup ko gapas, liyor, nge fil. Gubin e na’un e ke yibliy mat’awon e priesthood ni binem e gin ni rayog ni nge paer fare Kan ni Thothup rok’ Somoel ma bitir ku Got e rayog ni nge yib “ko fare llowaen’ ko Tabiyul roraed.” Fa’an gadaed ra rin, ma rayog ngodad e gapas ma rayog ni ngad nanged ngad tayed u wun’daed ni Got’ e Chitimangdad nu Tharmiy, ma gadad e bitir Rok’, Yesus Kristus e tathapeg rodad.
Fare temple e kureb e Gin nib Thothup ni kan tay ni ngan liyor ngan pigpig ku Got ngan fil e tin riyul’ mab manichubog. Gadaed ma lem, rin’, ma ngad tayed e maad u lan fare na’un ku fare Somoel nib thil ko gubin yang ni gadad ra yaen ngay ni gubin ngiyal’. U lane na’un Rok’ nib thothup, fa’an gadad ra rin, ma rayog ngodad e gapas ma rayog ni ngad nanged ngad tayed u wun’daed ni Got’ e Chitimangdad nu Tharmiy, ma gadad e bitir Rok’, Yesus Kristus e tathapeg rodad .
Fapi fan nib ga’ ko ngiyal’ nge gin nib thothup e ta’ab rogon: ni gan ni ngan tay e lem ni bo’or yay’ nga dakean Chitimangdad nu Tharmiy nge tunom Rok’, fare Somoel Yesus Kristus nge Biyul’ Rok’, fare gelngin fare Kan ni Thothup, ma fapi michmich ni bay ko fapi ga’ming nge m’ag nib thothup ku fare Gospel ku Somoel ni kan Sulyarmen.
Gube yoeg bayay e daba’ ban’en ni kugog kafaram. Tabinaw rodad e thingari paer ni gin ni tayim nib thotup nge gin nib thothup ni gidii’ nge tabinaw riy ni rayog ngay e “gapas” ma rayog ni ngad tayed u wun’daed ni Got’ e Chitimangdad nu Tharmiy, ma gadaed e bitir Rok’, Yesus Kristus e tathapeg rodad. Rib gaa’ fan ni ngad chuw gaed ni ngad liyor gaed ko Madnom ngad liyor gaed u lan e na’un ku Somoel. Machane kemus ni nap’an ni gadad be sul nga tabinaw rodad ni bay rodad e lem ko tin ko ya’el nge gel ni ke yib ko ginem nib thothup nge ngongol ma rayog ni ngad tayed e lem rodad ko fan nib gaa’ ko yafos dakean e fayleng ngad gel gaed ko fapi lumel nib gel u dakean fayleng rodaed.
Thingari gel nagdaed e ngongol rodaed ko Madom, temple, nge tabinaw ko fare gelngin fare Kan ni Thothup, ni ku bay e thaa’ ni ku gel ko fare Chitimangiy nge fare Fak, ma ku bay e “nib machalbog laniyaenʼmed ko athap” nga lan e pi michmich ku Got nib manechubog.
Nap’an ni kan mukun tabinaw nge Galasia ni ta’areb u lan e Kristus, ma ra yib e gafgow ko gubin yang, machane dab da mo’owar u wun’daed nge gum’ircha’dad. Gadad be maen-aen’ ko tin ni liyegdad nge tin mo’maw, machane dab da muguw gaed. Yi ra gafgow nag daed, machane gadaed ra nang fan ni gathi yigo’ gadaed. Rayog ngodad e gel ko ya’el ni ngad manged gel, ma dab da thilgaed, ma ngad riyul’ gaed.
M’ag nge Mich
Gu be michmicheg ni nap’an ni gadad be fal’efg lukngun e yafos rodaed nga dakean farengi “malang” ni Yesus Kristus, ma rayog ni ngan tawa’ath nagdad ko fare Kan ni Thothup ni ngad thapeged e gapas ko ya’el ni rayog nagdad ni ngad nanged ngad tayed nga laniyaen’daed ni Got e Chitamangdad nu Tharmiy, ma gadad e bitir rok’, Yesus Kristus e Tabiyul rodad, ma rayog ni ngan tawa’ath nagdad ni ngad rin’ed ngad gel gaed ko tin mo’maw.
Be falflaen’ug ni ngu micheg ni Got e Chitimangdad nu Tharmiy, gadad e bitir Rok’, ma Yesus Kristus e Ir e Tabiyul rodad ma ir farengi “waer” ko thapeg rodaed. Gube micheg u dakean fithngan fare Somoel nib Thothup Yesus Kristus, amen.