Fakahokohoko Fakataʻú

Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: Fakahokohoko Fakataʻú, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)

Fakahokohoko Fakataʻú, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá

Fakahokohoko Fakataʻú

ʻOku hanga ʻe he fakahokohoko fakataʻu ko ʻení ʻo fokotuʻu ʻa e fakahā takitaha ʻi he Tokāteline mo e Ngaahi Fuakavá ʻi he puipuituʻa ʻo e ngaahi tefitoʻi meʻa naʻe hoko ʻi he hisitōlia ʻo e Siasi.

1805–1823

23 Tīsema 1805	Naʻe fanauʻi ʻa Siosefa Sāmita ko e Siʻí ʻi Seiloni, Veamoni kia Siosefa Sāmita ko e Lahí mo Lusi Meki Sāmita.
ca. 1812	Naʻe puke ʻa Siosefa Sāmita ʻi he mofi taifotí. Naʻe hoko ha faingataʻa pea naʻe fiemaʻu ke fai ha tafa ʻo toʻo ʻa e ngaahi konga ʻo e huí naʻe uesiá mei hono vaʻé.
Faʻahitaʻu Momoko ʻo e 1816–1817	Naʻe hiki ‘a Siosefa ko e Lahí mo Lusi Meki Sāmita mo hona fāmilí ki ha faama ʻi Manisesitā, Niu ʻIoke, ʻoku maile ʻe ua ki he fakahihifo ʻo e kolo ko Palemailá.
Faʻahitaʻu Failau ʻo e 1820	Ko e ʻUluaki Mata Meʻa-Hā-Maí: Hili e laukonga mo fakalaulauloto ki he fakaafe ʻa Sēmisí ke “kole ʻe ia ki he ʻOtuá,” naʻe lotu ʻa Siosefa Sāmita ʻi ha vaoʻakau ofi ki hono ʻapí pea naʻe ʻaʻahi mai ʻa e ʻOtua ko e Tamai Taʻengatá mo Hono ʻAlo ko Sīsū Kalaisí.
21–22 Sepitema 1823	Naʻe ʻaʻahi mai ʻa e ʻāngelo ko Molonaí kia Siosefa Sāmita ʻo talaange ʻoku ʻi ai ha lekooti fakakuongamuʻa ʻoku fufuuʻi ʻi ha tafungofunga ofi mai ʻoku ʻi ai hono kakato ʻo e ongoongoleleí. Naʻe fekauʻi ʻa Siosefa ke foki mai he taʻu kotoa ki he tafungofungá kae ʻoua kuó ne falalaʻanga ke maʻu ʻa e lekōtí. Tokāteline mo e Ngaahi Fuakava 2: Ko ha fakamatala naʻe toʻo mei he hisitōlia ʻo Siosefa Sāmita fekauʻaki mo e ngaahi lea ʻa e ʻāngelo ko Molonaí kia Siosefa Sāmita ko e Palōfitá, lolotonga ʻene ʻi he fale ʻo e tamai ʻa e Palōfitá ʻi Manisesitā, Niu ʻIoke.
19 Nōvema 1823	Naʻe pekia ʻa e taʻokete ʻo Siosefa Sāmita ko ʻAlaviní.

1827–1828

18 Sānuali 1827	Naʻe mali ʻa Siosefa Sāmita mo ʻEma Heili ʻi Saute Peinipilisi, Niu ʻIoke. Naʻá na hiki kimui ange ki he Kolo ko Manisesitā, Niu ʻIoké.
22 Sepitema 1827	Naʻe maʻu ʻe Siosefa Sāmita ʻa e ʻū lauʻi peleti koulá meia Molonai.
Tīsema 1827	Naʻe hiki ʻa Siosefa mo ʻEma Sāmita mei he Kolo Menisesitā, Niu ʻIoké ʻi ha maile ʻe 130 ki he Kolo ko Hāmoni, Penisilivēniá.
Fēpueli 1828	Naʻe ʻave ʻe Māteni Hālisi ha ngaahi mataʻitohi hiki tatau mei he ʻū lauʻi peletí ki ha kau ako mataotao ʻi Niu ʻIoke Siti mo ʻAlapenī, Niu ʻIoke.
ʻEpeleli–Sune 1828	Naʻe liliu ʻe Siosefa Sāmita mo Māteni Hālisi ko e tangata tohí ʻa e konga ʻo e lekōtí ʻoku ʻiloa ko e Tohi ʻa Līhaí.
ca. 14 Sune 1828	Naʻe fakalotoʻi ʻe Māteni Hālisi ʻa Siosefa Sāmita ke tuku ange ʻa e ʻū laʻipeesi mei he tohinima ʻo e Tohi ʻa Molomoná kuo liliú ke ʻalu mo ia ʻo fakaʻaliʻali ki he kau mēmipa ʻo hono fāmilí ʻi Palemaila, Niu ʻIoke. Naʻe ʻilo ʻe Siosefa Sāmita kuo fakamoleki ʻe Māteni e ʻū laʻipēsí ʻi he konga kimuʻa ʻo Siulai 1828.
Siulai 1828	Tokāteline mo e Ngaahi Fuakava 3: Ko e fakahā naʻe foaki kia Siosefa Sāmita ʻi Hāmoni, Penisilivēnia, ʻo kau ki he mole ʻa e ʻū laʻipeesi ʻe 116 kuo liliu mei he ʻuluaki konga ʻo e Tohi ʻa Molomoná. Naʻe kiʻi toʻo fakataimi ʻa e ʻū lauʻi peletí meia Siosefa Sāmita ʻi he taimi ko ʻení.
22 Sepitema 1828	Naʻe toe fakafoki mai kia Siosefa Sāmita ʻa e ʻū lauʻi peletí mo e mālohi ke liliú.

1829

Fēpueli 1829	Tokāteline mo e Ngaahi Fuakava 4: Ko e fakahā naʻe fakafou mai ʻia Siosefa Sāmita ko e Palōfitá ki heʻene tamai ko Siosefa Sāmita ko e Lahí, ʻi Hāmoni, Penisilivēnia.
Māʻasi 1829	Tokāteline mo e Ngaahi Fuakavá 5: Ko e fakahā naʻe fakafou mai ʻia Siosefa Sāmita ko e Palōfitá, ʻi Hāmoni, Penisilivēnia, ʻi he kole ʻa Māteni Hālisi.
7 ʻEpeleli 1829	Naʻe toe hoko atu hono liliu tūkuingata ʻe Siosefa Sāmita ʻa e Tohi ʻa Molomoná ʻi he tohi ʻa Mōsaiá. Naʻe aʻu mai ʻa ʻŌliva Kautele ki he ʻapi ʻo Siosefa Sāmitá ʻi Hāmoni, Penisilivēnia ʻi he ʻaho 5 ʻo ʻEpelelí, pea ngāue ko ha tangata tohi.
‘Epeleli 1829	Tokāteline mo e Ngaahi Fuakava 6: Ko e fakahā naʻe fai mai kia Siosefa Sāmita ko e Palōfitá mo ʻŌliva Kautele ʻi Hāmoni, Penisilivēnia.
‘Epeleli 1829	Tokāteline mo e Ngaahi Fuakava 7: Ko e fakahā naʻe fai mai kia Siosefa Sāmita ko e Palōfitá mo ʻŌliva Kautele ʻi Hāmoni, Penisilivēnia.
‘Epeleli 1829	Tokāteline mo e Ngaahi Fuakava 8: Ko e fakahā naʻe fakafou mai ʻia Siosefa Sāmita ko e Palōfitá kia ʻŌliva Kautele ʻi Hāmoni, Penisilivēnia.
‘Epeleli 1829	Tokāteline mo e Ngaahi Fuakava 9: Ko e fakahā naʻe fakafou mai ʻia Siosefa Sāmita ko e Palōfitá kia ʻŌliva Kautele ʻi Hāmoni, Penisilivēnia.
ca. ‘Epeleli 1829	Tokāteline mo e Ngaahi Fuakava 10: Ko e fakahā naʻe foaki kia Siosefa Sāmita ko e Palōfitá ʻi Hāmoni, Penisilivēnia, meimei ʻi ʻEpeleli 1829, neongo naʻe ʻi ai ha ngaahi konga naʻe ʻosi maʻu ia ʻi he konga kimuʻa ʻo e faʻahitaʻu māfana ʻo e 1828.
Mē 1829	Tokāteline mo e Ngaahi Fuakava 11: Ko e fakahā naʻe fakafou mai ʻia Siosefa Sāmita ko e Palōfitá ki hono tokoua ko Hailame Sāmitá ʻi Hāmoni, Penisilivēnia.
Mē 1829	Tokāteline mo e Ngaahi Fuakava 12: Ko e fakahā naʻe fakafou mai ʻia Siosefa Sāmita ko e Palōfitá kia Siosefa Naiti ko Lahí ʻi Hāmoni, Penisilivēnia.
15 Mē 1829	Naʻe fakafoki mai ʻe Sione Papitaiso ʻa e Lakanga Taulaʻeiki Faka-ʻĒloné pea foaki ia ki he Palōfita ko Siosefa Sāmitá mo ʻŌliva Kautele. Tokāteline mo e Ngaahi Fuakava 13: Ko ha fakamatala naʻe toʻo mei he hisitōlia ʻo Siosefa Sāmitá ʻoku fakamatalaʻi ai hono fakanofo ʻo e Palōfitá mo ʻŌliva Kautele ki he Lakanga Taulaʻeiki Faka-ʻĒloné ofi ki Hāmoni, Penisilivēnia. Hili hono maʻu ʻo e lakanga fakataulaʻeikí, naʻe muimui ʻa Siosefa mo ʻŌliva ʻi he ngaahi fakahinohino ʻa Sione Papitaisó ʻo na fefaipapitaisoʻaki.
ca. 1 Sune 1829	Naʻe fetaulaki ʻa Tēvita Uitemā mo Siosefa Sāmita peá ne tokoni ke na hiki mo ʻŌliva Kautele ki he faama ʻa e fāmili Uitemaá ʻi he Kolo ko Feieti, Niu ʻIoké. Naʻe toki hiki atu ʻa ʻEma Sāmita ʻi ha taimi kimui ange.
Sune 1829	Tokāteline mo e Ngaahi Fuakava 14: Ko e fakahā naʻe fakafou mai ʻia Siosefa Sāmita ko e Palōfitá kia Tēvita Uitemā ʻi Feieti, Niu ʻIoke.
Sune 1829	Tokāteline mo e Ngaahi Fuakava 15: Ko e fakahā naʻe fakafou mai ʻia Siosefa Sāmita ko e Palōfitá kia Sione Uitemā ʻi Feieti, Niu ʻIoke.
Sune 1829	Tokāteline mo e Ngaahi Fuakava 16: Ko e fakahā naʻe fakafou mai ʻia Siosefa Sāmita ko e Palōfitá kia Pita Uitemā ko e Siʻí ʻi Feieti, Niu ʻIoke.
Sune 1829	Tokāteline mo e Ngaahi Fuakava 18: Ko e fakahā naʻe fai mai kia Siosefa Sāmita ko e Palōfitá, ʻŌliva Kautele mo Tēvita Uitemā ʻi Feieti, Niu ʻIoke.
Sune 1829	Tokāteline mo e Ngaahi Fuakava 17: Ko e fakahā naʻe fakafou mai ʻia Siosefa Sāmita ko e Palōfitá kia ʻŌliva Kautele, Tēvita Uitemā, mo Māteni Hālisi, ʻi Feieti, Niu ʻIoke, kimuʻa pea fakahā kiate kinautolu ʻa e ʻū lauʻi peleti kuo tongitongi ʻa ia naʻe ʻi ai ʻa e lekooti ʻo e Tohi ʻa Molomoná.
Konga kimui ʻo Sune 1829	Naʻe fakahā ʻe ha ʻāngelo ʻa e ʻOtuá ʻa e ʻū lauʻi peletí ki he Kau Fakamoʻoni ʻe Toko Tolú. Naʻe fakahā ʻe Siosefa Sāmita ʻa e ʻū lauʻi peletí ki he Kau Fakamoʻoni ʻe Toko Valú.
ca. Faʻahitaʻu māfana ʻo e 1829	Tokāteline mo e Ngaahi Fuakavá 19: Ko e fakahā naʻe fakafou mai ʻia Siosefa Sāmita ko e Palōfitá, ʻi Manisesitā, Niu ʻIoke, ngalingali ko e faʻahitaʻu māfana ʻo e 1829.
ca. 1 Siulai 1829	Naʻe kakato hono liliu ʻo e Tohi ʻa Molomoná ʻi he Kolo ko Feietí, Niu ʻIoke.
25 ‘Aokosi 1829	Naʻe aleaʻi ʻe Māteni Hālisi ke totongi ʻaki ʻene fāmá ʻa hono paaki ʻe E.B. Kalanitini ʻa e tatau ʻe 5,000 ʻo e Tohi ʻa Molomoná ʻi Palemaila, Niu ʻIoke.

1830

Konga kimuʻa ʻo e 1830	Tokāteline mo e Ngaahi Fuakava 74: Ko e fakahā naʻe fai mai kia Siosefa Sāmita ko e Palōfitá ʻi he Vāhenga Ueiní, Niu ʻIoke.
26 Māʻasi 1830	Na‘e maʻu ʻa e fuofua ngaahi tatau ʻo e Tohi ʻa Molomoná ke fakatau atu ʻi Palemaila, Niu ʻIoke.
6 ʻEpeleli 1830	Naʻe fokotuʻu fakaʻofisiale ʻa e Siasi ʻo Kalaisí ʻi he ʻapi ʻo Pita Uitemā ko e Lahí mo Mele Uitemaá ʻi Feieti, Niu ʻIoke.
ʻEpeleli 1830	Tokāteline mo e Ngaahi Fuakava 20: Ko e fakahā ki hono fokotuʻutuʻu ʻo e Siasí mo hono puleʻí, ʻa ia naʻe fakafou mai ʻia Siosefa Sāmita ko e Palōfitá ʻo ofi ki Feieti, Niu ʻIoke. Mahalo naʻe ʻi ai ha ngaahi konga ʻo e fakahaá ni naʻe foaki mai ia ʻi he konga kimuʻa ʻo e faʻahitaʻu māfana ʻo e 1829.
6 ʻEpeleli 1830	Tokāteline mo e Ngaahi Fuakava 21: Ko e fakahā naʻe fai kia Siosefa Sāmita ko e Palōfitá ʻi Feieti, Niu ʻIoke. Naʻe fai mai ʻa e fakahā ko ʻení ʻi he taimi naʻe fokotuʻu ai ʻa e Siasí ʻi he ʻapi ʻo Pita Uitemā ko e Lahí mo Mele Uitemaá.
16 ʻEpeleli 1830	Tokāteline mo e Ngaahi Fuakava 22: Ko e fakahā naʻe fakafou mai ʻia Siosefa Sāmita ko e Palōfitá ʻi Manisesitā, Niu ʻIoke.
ʻEpeleli 1830	Tokāteline mo e Ngaahi Fuakava 23: Ko ha ngaahi fakahā kehekehe ʻe nima naʻe fakafou mai ʻia Siosefa Sāmita ko e Palōfitá ʻi Manisesitā, Niu ʻIoke, kia ʻŌliva Kautele, Hailame Sāmita, Samuela H. Sāmita, Siosefa Sāmita ko e Lahí, mo Siosefa Naiti ko e Lahí.
Sune 1830	Naʻe fokotuʻu ha kolo ʻo e Siasí ʻi Kolesivili, Niu ʻIoke.
Sune–Siulai 1830	Naʻe tala kae tohi ʻe Siosefa Sāmita ʻa e “Ngaahi Mata Meʻa-hā-mai ʻa Mōsesé,” naʻe tali kimui ange ko ha folofola ʻi he Mataʻitofe Mahuʻingá pea ko ha konga ia ʻo ha ngāue lahi ange ke ne tataki fakalaumālie hono toe vakaiʻi ʻo e Tohi Tapú.
9 Sune 1830	Naʻe fakahoko ʻa e fuofua konifelenisi ʻa e Siasí ʻi Feieti, Niu ʻIoke. Naʻe hikinimaʻi ʻi he loto-taha ʻe he niʻihi naʻe kau mai ki he konifelenisí ʻa e “Ngaahi Tefitoʻi Fakamatala mo e Ngaahi Fuakava” ʻo e Siasí (T&F 20).
30 Sune 1830	Naʻe mavahe atu ʻa Samuela Sāmita ko e taha ʻo e fuofua kau faifekau ʻo e Siasi ʻo Kalaisí, ʻo ne fononga ki he ngaahi tūkui kolo hangē ko Menitoni mo Lovinia, Niu ʻIoke.
Siulai 1830	Tokāteline mo e Ngaahi Fuakava 24: Ko e fakahā naʻe fai mai kia Siosefa Sāmita ko e Palōfitá mo ʻŌliva Kautele ʻi Hāmoni, Penisilivēnia.
Siulai 1830	Tokāteline mo e Ngaahi Fuakava 25: Ko e fakahā naʻe fakafou mai ʻia Siosefa Sāmita ko e Palōfitá ʻi Hāmoni, Penisilivēnia. ʻOku fakahā mai ʻi he fakahā ko ʻení ʻa e finangalo ʻo e ʻEikí kia ʻEma Sāmita, ko e uaifi ʻo e Palōfitá.
Siulai 1830	Tokāteline mo e Ngaahi Fuakava 26: Ko e fakahā naʻe fai mai kia Siosefa Sāmita ko e Palōfitá, ʻŌliva Kautele, mo Sione Uitemā, ʻi Hāmoni, Penisilivēnia.
ʻAokosi 1830	Tokāteline mo e Ngaahi Fuakava 27: Ko e fakahā naʻe fai kia Siosefa Sāmita ko e Palōfitá ʻi Hāmoni, Penisilivēnia.
Sepitema 1830	Tokāteline mo e Ngaahi Fuakava 28: Ko e fakahā naʻe fakafou mai ʻia Siosefa Sāmita ko e Palōfitá kia ʻŌliva Kautele ʻi Feieti, Niu ʻIoke.
Sepitema 1830	Tokāteline mo e Ngaahi Fuakava 29: Ko e fakahā naʻe fakafou mai ʻia Siosefa Sāmita ko e Palōfitá, ʻi he ʻao ʻo e kaumātuʻa ʻe toko ono, ʻi Feieti, Niu ʻIoke, ʻi ha ngaahi ʻaho kimuʻa ʻi he konifelenisi naʻe fakahoko aí.
26 Sepitema 1830	Naʻe fakahoko ʻa e konifelenisi hono ua ʻa e Siasí ʻi Feieti, Niu ʻIoke. Naʻe fili ʻa Siosefa Sāmita ke ne maʻu mo tohi ʻa e ngaahi fakahā maʻá e Siasí.
Sepitema 1830	Tokāteline mo e Ngaahi Fuakavá 30: Ko e fakahā naʻe fakafou mai ʻia Siosefa Sāmita ko e Palōfitá kia Tēvita Uitemā, Pita Uitemā ko e Siʻí, mo Sione Uitemā ʻi Feieti, Niu ʻIoke, hili ʻa e konifelenisi ʻaho ʻe tolu naʻe fakahoko aí.
Sepitema 1830	Tokāteline mo e Ngaahi Fuakava 31: Ko e fakahā naʻe fakafou mai ʻia Siosefa Sāmita ko e Palōfitá kia Tōmasi B. Maasi ʻi Feieti, Niu ʻIoke, hili pē ʻa e konifelenisi ʻo Sepitema 1830.
Konga kimuʻa ʻo ʻOkatopa 1830	Tokāteline mo e Ngaahi Fuakava 32: Ko e fakahā naʻe fakafou mai ʻia Siosefa Sāmita ko e Palōfitá kia Paʻale P. Pālati mo Saipa Pitasoni, ʻi Manisesitā, Niu ʻIoke.
ʻOkatopa 1830	Tokāteline mo e Ngaahi Fuakava 33: Ko e fakahā naʻe fakafou mai ʻia Siosefa Sāmita ko e Palōfitá kia ʻĒsela Teia mo Notelopi Suiti ʻi Feieti, Niu ʻIoke.
29 ʻOkatopa 1830	Naʻe aʻu mai ʻa ʻŌliva Kautele, Saipa Pitasoni, Paʻale P. Pālati mo Pita Uitemā ko e Siʻí ki he Vāhenga Keaunga, ʻOhaioó ko ʻenau ʻalu ʻo ngāue fakafaifekau ki he vahefonua fakahihifo ʻo Mīsulí naʻe teʻeki ai ke maau hono fokotuʻutuʻú. Naʻa nau nofo ai ʻi ha ngaahi uike lahi, pea naʻa nau malanga mo papitaiso ai ha niʻihi fakafoʻituitui ʻe toko 100 tupu ʻo kau ai ʻa Sitenei Likitoni mo Feletiliki G. Uiliamisi.
4 Nōvema 1830	Tokāteline mo e Ngaahi Fuakava 34: Ko e fakahā naʻe fakafou mai ʻia Siosefa Sāmita ko e Palōfitá kia ʻOasoni Palati ʻi Feieti, Niu ʻIoke.
7 Tīsema 1830	Tokāteline mo e Ngaahi Fuakava 35: Ko e fakahā naʻe fai mai kia Siosefa Sāmita ko e Palōfitá mo Sitenei Likitoni ofi ki Feieti, Niu ʻIoke.
9 Tīsema 1830	Tokāteline mo e Ngaahi Fuakava 36: Ko e fakahā naʻe fakafou mai ʻia Siosefa Sāmita ko e Palōfitá kia ʻEtuate Pātilisi ofi ki Feieti, Niu ʻIoke.
Tīsema 1830	Tokāteline mo e Ngaahi Fuakava 37: Ko e fakahā naʻe fai mai kia Siosefa Sāmita ko e Palōfitá mo Sitenei Likitoni ofi ki Feieti, Niu ʻIoke ʻo fekauʻi ʻa e Kāingalotú ke nau fakataha ki ʻOhaiō.

1831

2 Sānuali 1831	Naʻe fakahoko ʻa e konifelenisi hono tolu ʻa e Siasí ʻi Feieti, Niu ʻIoke. Tokāteline mo e Ngaahi Fuakava 38: Ko e fakahā naʻe fakafou mai ʻia Siosefa Sāmita ko e Palōfitá ʻi Feieti, Niu ʻIoke. Naʻe hoko ʻeni ʻi ha konifelenisi ʻa e Siasí.
5 Sānuali 1831	Tokāteline mo e Ngaahi Fuakava 39: Ko e fakahā naʻe fakafou mai ʻia Siosefa Sāmita ko e Palōfitá kia Sēmisi Kovili ʻi Feieti, Niu ʻIoke.
6 Sānuali 1831	Tokāteline mo e Ngaahi Fuakava 40: Ko e fakahā naʻe fai mai kia Siosefa Sāmita ko e Palōfitá mo Sitenei Likitoni ʻi Feieti, Niu ʻIoke.
4 Fēpueli 1831	Naʻe hiki ʻa Siosefa mo ʻEma Sāmita ki Ketilani, ʻOhaiō.
4 Fēpueli 1831	Tokāteline mo e Ngaahi Fuakava 41: Ko e fakahā naʻe fakafou mai ʻia Siosefa Sāmita ko e Palōfitá ki he Siasí, ʻi Ketilani, ʻOhaiō, ʻo fakahinohinoʻi mai ʻa e ngaahi fokotuʻutuʻu ʻi aí mo uiuiʻi ʻa ʻEtuate Pātilisi ke hoko ko e fuofua pīsope ʻa e Siasí.
9 Fēpueli 1831; 23 Fēpueli 1831	Tokāteline mo e Ngaahi Fuakava 42: Ko e fakahā naʻe ʻomai ʻi ha konga ʻe ua kia Siosefa Sāmita ko e Palōfitá ʻi Ketilani, ʻOhaiō.
Fēpueli 1831	Tokāteline mo e Ngaahi Fuakava 43: Ko e fakahā naʻe fakafou mai ʻia Siosefa Sāmita ko e Palōfitá ʻi Ketilani, ʻOhaiō.
Konga kimui ʻo Fēpueli 1831	Tokāteline mo e Ngaahi Fuakava 44: Ko e fakahā naʻe fai mai kia Siosefa Sāmita ko e Palōfitá mo Sitenei Likitoni ʻi Ketilani, ʻOhaiō.
Māʻasi 1831	Naʻe foki ʻa Paʻale P. Pālati ki Ketilani, ʻOhaiō mei heʻene ngāue fakafaifekau ki he vahefonua naʻe teʻeki ai ke maau hono fokotuʻutuʻú.
7 Māʻasi 1831	Tokāteline mo e Ngaahi Fuakava 45: Ko e fakahā naʻe fakafou mai ʻia Siosefa Sāmita ko e Palōfitá ki he Siasí ʻi Ketilani, ʻOhaiō.
8 Māʻasi 1831	Tokāteline mo e Ngaahi Fuakava 46: Ko e fakahā naʻe fakafou mai ʻia Siosefa Sāmita ko e Palōfitá ki he Siasí ʻi Ketilani, ʻOhaiō.
8 Māʻasi 1831	Tokāteline mo e Ngaahi Fuakava 47: Ko e fakahā naʻe fakafou mai ʻia Siosefa Sāmita ko e Palōfitá ʻi Ketilani, ʻOhaiō.
10 Māʻasi 1831	Tokāteline mo e Ngaahi Fuakava 48: Ko e fakahā naʻe fakafou mai ʻia Siosefa Sāmita ko e Palōfitá ʻi Ketilani, ʻOhaiō.
9 ʻEpeleli 1831	Naʻe fokotuʻu ʻa Sione Uitemā ke ne tauhi e lekooti mo e hisitōlia ʻo e Siasí ʻi ha fakataha makehe ʻa e kaumātuʻa ʻo e Siasí naʻe fai ʻi Ketilani, ʻOhaiō.
Mē 1831	Naʻe tūʻuta mai e Kāingalotu mei he kolo Kolesivili, Niu ʻIoké ki Tomasoni, ʻOhaiō.
7 Mē 1831	Tokāteline mo e Ngaahi Fuakava 49: Ko e fakahā naʻe fakafou mai ʻia Siosefa Sāmita ko e Palōfitá kia Sitenei Likitoni, Paʻale P. Pālati mo Līmani Kopelī ʻi Ketilani, ʻOhaiō.
9 Mē 1831	Tokāteline mo e Ngaahi Fuakava 50: Ko e fakahā naʻe fakafou mai ʻia Siosefa Sāmita ko e Palōfitá ʻi Ketilani, ʻOhaiō.
20 Mē 1831	Tokāteline mo e Ngaahi Fuakava 51: Ko e fakahā naʻe fakafou mai ʻia Siosefa Sāmita ko e Palōfitá ʻi Tomasoni, ʻOhaiō.
3–6 Sune 1831	Naʻe fakahoko ha konifelenisi ʻa e Siasí ʻi Ketilani, ʻOhaiō ʻa ia naʻe fuofua fakahoko ai e ngaahi fakanofo ki he lakanga ʻo e taulaʻeiki lahí.
6 Sune 1831	Tokāteline mo e Ngaahi Fuakava 52: Ko e fakahā naʻe fakafou mai ʻia Siosefa Sāmita ko e Palōfitá ki he kaumātuʻa ʻo e Siasí ʻi Ketilani, ʻOhaiō.
8 Sune 1831	Tokāteline mo e Ngaahi Fuakava 53: Ko e fakahā naʻe fakafou mai ʻia Siosefa Sāmita ko e Palōfitá kia ʻAlekenoni Sitenei Kilipate ʻi Ketilani, ʻOhaiō.
10 Sune 1831	Tokāteline mo e Ngaahi Fuakava 54: Ko e fakahā naʻe fakafou mai ʻia Siosefa Sāmita ko e Palōfitá kia Niueli Naiti ʻi Ketilani, ʻOhaiō, ʻo fakahinohinoʻi ki he kaīngalotu ʻi Tomasoni, ʻOhaioó ke nau mavahe mei he faama ʻa Līmani Kopelií ʻo fononga ki Mīsuli.
14 Sune 1831	Tokāteline mo e Ngaahi Fuakava 55: Ko e fakahā naʻe fakafou mai ʻia Siosefa Sāmita ko e Palōfitá kia Uiliami W. Felipisi ʻi Ketilani, ʻOhaiō.
15 Sune 1831	Tokāteline mo e Ngaahi Fuakava 56: Ko e fakahā naʻe fakafou mai ʻia Siosefa Sāmita ko e Palōfitá ʻi Ketilani, ʻOhaiō.
19 Sune 1831	Naʻe fononga ʻa Siosefa Sāmita mo ha niʻihi kehe ki Tauʻatāina, Mīsuli ke fili ʻa e tuʻuʻanga ʻo Saioné. Naʻa nau tūʻuta ʻi he ʻaho 14 ʻo Siulai 1831.
20 Siulai 1831	Tokāteline mo e Ngaahi Fuakava 57: Ko e fakahā naʻe fakafou mai ʻia Siosefa Sāmita ko e Palōfitá ʻi Saione, Vāhenga Siakisoní, Mīsuli.
1 ‘Aokosi 1831	Tokāteline mo e Ngaahi Fuakava 58: Ko e fakahā naʻe fakafou mai ʻia Siosefa Sāmita ko e Palōfitá ʻi Saione, Vāhenga Siakisoní, Mīsuli.
3 ‘Aokosi 1831	Naʻe fakatapui ʻe Siosefa Sāmita, Sitenei Likitoni mo ha niʻihi kehe ʻa e kolo ko Saioné pea mo e feituʻu ʻe tuʻu ai e temipalé ʻi Tauʻatāina, Vāhenga Siakisoní, Mīsuli.
4 ‘Aokosi 1831	Naʻe tokangaʻi ʻe Siosefa Sāmita ʻa e ʻuluaki konifelenisi ʻa e Siasí ʻi Mīsulí, ʻa ia naʻe fai ʻi he Kolo ko Kaó, Vāhenga Siakisoní.
7 ‘Aokosí 1831	Tokāteline mo e Ngaahi Fuakava 59: Ko e fakahā naʻe fakafou mai ʻia Siosefa Sāmita ko e Palōfitá ʻi Saione, Vāhenga Siakisoní, Mīsuli.
8 ‘Aokosi 1831	Tokāteline mo e Ngaahi Fuakava 60: Ko e fakahā naʻe fakafou mai ʻia Siosefa Sāmita ko e Palōfitá ʻi Tauʻatāina, Vāhenga Siakisoní, Mīsuli.
9 ‘Aokosi 1831	Naʻe mavahe ʻa Siosefa Sāmita mei Tauʻatāina, Mīsuli. Naʻá ne tūʻuta ki Ketilani, ʻOhaiō ʻi he ʻaho 27 ʻo ʻAokosi 1831.
12 ‘Aokosi 1831	Tokāteline mo e Ngaahi Fuakava 61: Ko e fakahā naʻe fakafou mai ʻia Siosefa Sāmita ko e Palōfitá ʻi he kauvai ʻo e Vaitafe Mīsulí ʻi he Pikoʻanga ko Makiliuení.
13 ‘Aokosi 1831	Tokāteline mo e Ngaahi Fuakava 62: Ko e fakahā naʻe fakafou mai ʻia Siosefa Sāmita ko e Palōfitá ʻi he kauvai ʻo e Vaitafe Mīsulí ʻi Saletoni, Mīsuli.
30 ‘Aokosi 1831	Tokāteline mo e Ngaahi Fuakava 63: Ko e fakahā naʻe fakafou mai ʻia Siosefa Sāmita ko e Palōfitá ʻi Ketilani, ʻOhaiō.
11 Sepitema 1831	Tokāteline mo e Ngaahi Fuakava 64: Ko e fakahā naʻe fakafou mai ʻia Siosefa Sāmita ko e Palōfitá ki he kaumātuʻa ʻo e Siasí ʻi Ketilani, ʻOhaiō.
12 Sepitema 1831	Naʻe hiki ʻa Siosefa mo ʻEma Sāmita ki he faama ʻa Sione mo ʻĀlisi (ʻElesā) Sionisoní ʻi he Kolo Hailamé, ʻOhaiō.
13 ʻOkatopa 1831	Naʻe pulusi ʻe he Ohio Star ʻa e fuofua tohi ʻe hiva ʻa ʻEselā Puuti, ko e tangata naʻe Siasi kimuʻa, ʻo ʻene fakaangaʻi ʻa e Siasí pea mo e Palōfitá ʻi Lavena, ʻOhaiō.
25– 26 ʻOkatopa 1831	Naʻe tokangaʻi ʻe Siosefa Sāmita ʻa e konifelenisi ʻi he Kolo ʻOulení, Vāhenga Kuiahonga, ʻOhaioó ʻa ia naʻe fakanofo ai ha kau taulaʻeiki lahi ʻe toko hongofulu mā nima.
29 ʻOkatopa 1831	Tokāteline mo e Ngaahi Fuakava 66: Ko e fakahā naʻe fakafou mai ʻia Siosefa Sāmita ko e Palōfitá ʻi Hailame, ʻOhaiō.
30 ʻOkatopa 1831	Tokāteline mo e Ngaahi Fuakava 65: Ko e fakahā fekauʻaki mo e lotú naʻe fakafou mai ʻia Siosefa Sāmita ko e Palōfitá ʻi Hailame, ʻOhaiō.
1 Nōvema 1831	Naʻe tali ʻe ha konifelenisi ʻa e Siasí naʻe fai ʻi Hailame, ʻOhaiō ke pulusi ʻa e ngaahi fakahā ʻa Siosefa Sāmitá ke hoko ko e Tohi ʻo e Ngaahi Fekaú. Tokāteline mo e Ngaahi Fuakava 1: Ko e fakahā naʻe fakafou mai ʻia Siosefa Sāmita lolotonga e konifelenisi ʻa e kaumātuʻá ne hoko ko e talamuʻaki ʻa e ʻEikí ki he ngaahi fakahaá.
Konga kimuʻa ʻo Nōvema 1831	Tokāteline mo e Ngaahi Fuakava 67: Ko e fakahā naʻe fakafou mai ʻia Siosefa Sāmita ko e Palōfitá ʻi Hailame, ʻOhaiō. Ko e meʻa naʻe hokó ko ha konifelenisi makehe fekauʻaki mo hono pulusi ʻo e ngaahi fakahaá.
1 Nōvema 1831	Tokāteline mo e Ngaahi Fuakava 68: Ko e fakahā naʻe fakafou mai ʻia Siosefa Sāmita, ʻi Hailame, ʻOhaiō, ko e tali ki ha lotu ke fakahā mai ʻa e fakakaukau ʻa e ʻEikí fekauʻaki mo ʻOasoni Haiti, Luke S. Sionisoni, Laimani E. Sionisoni, mo Uiliami E. Makaleliní.
3 Nōvema 1831	Tokāteline mo e Ngaahi Fuakava 133: Ko e fakahā naʻe fakafou mai ʻia Siosefa Sāmita ko e Palōfitá ʻi Hailame, ʻOhaiō. Naʻe ʻuluaki tānaki mai ʻa e vahe ko ʻení ko ha fakalahi ki he tohí pea toki vaheʻi pē kimui ange ke hoko ko ha vahe ʻo e tohí.
11 Nōvema 1831	Tokāteline mo e Ngaahi Fuakava 107: Ko e fakahā fekauʻaki mo e lakanga fakataulaʻeikí naʻe fakafou mai ʻia Siosefa Sāmita ko e Palōfitá ʻi Ketilani, ʻOhaiō. Naʻe fakatahaʻi ʻa e fakahā ko ʻení mo ha fakahā naʻe maʻu ʻi ʻEpeleli 1835 pea tali ke hoko ko e vahe 107.
11 Nōvema 1831	Tokāteline mo e Ngaahi Fuakava 69: Ko e fakahā naʻe fakafou mai ʻia Siosefa Sāmita ko e Palōfitá ʻi Hailame, ʻOhaiō.
12 Nōvema 1831	Tokāteline mo e Ngaahi Fuakava 70: Ko e fakahā naʻe fakafou mai ʻia Siosefa Sāmita ko e Palōfitá ʻi Hailame, ʻOhaiō, ʻo fili ai ʻa Siosefa Sāmita, Māteni Hālisi, ʻŌliva Kautele, Sione Uitemā, Sitenei Likitoni, mo Uiliami W. Felipisi ke nau tokangaʻi ʻa e ngaahi fakahā ʻa Siosefa Sāmitá.
1 Tīsema 1831	Tokāteline mo e Ngaahi Fuakava 71: Ko e fakahā naʻe fai mai kia Siosefa Sāmita ko e Palōfitá mo Sitenei Likitoni ʻi Hailame, ʻOhaiō ʻo fakahinohinoʻi kinaua ke taʻofi hono toe vakaiʻi ʻo e Tohi Tapú kae lava ke na malanga ʻi he ngaahi vāhenga ʻo ʻOhaioó pea mo fakaleleiʻi ʻa e ngaahi ongo tāufehiʻa naʻe hoko ki he Siasí koeʻuhi ko e ngaahi tohi naʻe pulusi ʻe ha mēmipa kimuʻa ʻo e Siasí ko ʻEselā Puuti.
4 Tīsema 1831	Tokāteline mo e Ngaahi Fuakava 72: Ko hano fakatahatahaʻi ʻo ha fakahā ʻe tolu naʻe maʻu ʻi he ʻaho tatau pē naʻe fakafou mai ʻia Siosefa Sāmita ko e Palōfitá ʻi Ketilani, ʻOhaiō: naʻe fili ʻa Niueli K. Uitenī ke hoko ko e pīsope ʻi ʻOhaiō ke ne tokangaʻi e ngaahi meʻa fakatuʻasino ʻa e Siasí ʻi aí; naʻe fokotuʻutuʻu mai ai e ngaahi fatongia ʻo e pīsopé mo e ngaahi fakahinohino naʻe ʻomi fekauʻaki mo hono tānaki ʻo Saioné.

1832

5 Sānuali 1832	Naʻe tūʻuta ʻa ʻŌliva Kautele mo Sione Uitemā ki Tauʻatāina, Mīsuli mo e ʻū laʻipeesi ʻo e fakahaá ke paaki ai. Naʻe toki tūʻuta ʻa Uiliami W. Felipisi kimui ange ʻi he māhina ko iá mo e mīsini paaki naʻá ne fakatau ʻi Sinisinati, ʻOhaiō.
10 Sānuali 1832	Tokāteline mo e Ngaahi Fuakava 73: Ko e fakahā naʻe fai mai kia Siosefa Sāmita ko e Palōfitá mo Sitenei Likitoni ʻi Hailame, ʻOhaiō.
25 Sānuali 1832	Naʻe fakahoko ha konifelenisi lahi ʻi ʻEmiheesi, ʻOhaiō. Naʻe hikinimaʻi mo fakanofo ʻa Siosefa Sāmita ko e palesiteni ʻo e lakanga fakataulaʻeiki māʻolungá. Tokāteline mo e Ngaahi Fuakava 75: Ko e fakahā naʻe fakafou mai ʻia Siosefa Sāmita ko e Palōfitá ʻi ʻEmiheesi, ʻOhaiō ʻo fehokotaki lelei mo e konifelenisi naʻe fai aí.
16 Fēpueli 1832	Tokāteline mo e Ngaahi Fuakava 76: Ko e fakahā naʻe fai mai kia Siosefa Sāmita ko e Palōfitá mo Sitenei Likitoni ʻi Hailame, ʻOhaiō.
ca. Māʻasi 1832	Tokāteline mo e Ngaahi Fuakava 77: Ko e fakahā naʻe fai mai kia Siosefa Sāmita ko e Palōfitá ʻi Hailame, ʻOhaiō.
1 Māʻasi 1832	Tokāteline mo e Ngaahi Fuakava 78: Ko e fakahā naʻe fakafou mai ʻia Siosefa Sāmita ko e Palōfitá ʻi Ketilani, ʻOhaiō.
7 Māʻasi 1832	Tokāteline mo e Ngaahi Fuakava 80: Ko e fakahā naʻe fakafou mai ʻia Siosefa Sāmita ko e Palōfitá kia Sitīveni Puaneti, ʻi Hailame, ʻOhaiō.
8 Māʻasi 1832	Naʻe fili ʻa Sese Kause mo Sitenei Likitoni ko e ongo tokoni kia Siosefa Sāmita ʻi he kau palesitenisī ʻo e lakanga fakatauaʻeiki māʻolungá ʻi he Kolo ko Hailamé, ʻOhaiō. Ko ha sitepu ʻeni ki hono fokotuʻu totonu ʻo e Kau Palesitenisī ʻUluakí.
12 Māʻasi 1832	Tokāteline mo e Ngaahi Fuakava 79: Ko e fakahā naʻe fakafou mai ʻia Siosefa Sāmita ko e Palōfitá ʻi Hailame, ʻOhaiō.
15 Māʻasi 1832	Tokāteline mo e Ngaahi Fuakava 81: Ko e fakahā naʻe fakafou mai ʻia Siosefa Sāmita ko e Palōfitá ʻi Hailame, ʻOhaiō ʻo fekauʻaki mo hono ongo tokoni ʻi he kau palesitenisī ʻo e lakanga fakataulaʻeiki māʻolungá. Naʻe ʻuluaki ui ʻa Sese Kause ko ha tokoni. ʻI he taimi naʻe ʻikai ke ne fua fatongia ai ʻo fakatatau mo e anga ʻoku taau mo e lakanga ko ʻení, naʻe liliu ai ʻa e ui ko iá kia Feletiliki G. Uiliamisi.
24–25 Māʻasi 1832	Naʻe valitaaʻi mo fakapipiki fulufuluʻi moa ʻa Siosefa Sāmita mo Sitenei Likitoni ʻi he valenga poó ʻi he Kolo ko Hailamé, ʻOhaiō.
1 ʻEpeleli 1832	Naʻe fononga ʻa Siosefa Sāmita mei Ketilani, ʻOhaiō, ki Tauʻatāina, Mīsuli ʻo tūʻuta ki ai ʻi he ʻaho 24 ʻo ʻEpeleli 1832.
26 ʻEpeleli 1832	Tokāteline mo e Ngaahi Fuakava 82: Ko e fakahā naʻe fai kia Siosefa Sāmita ko e Palōfitá ʻi Tauʻatāina, Vāhenga Siakisoní, Mīsuli, ʻo fakahinohinoʻi ha kau tangata ʻe toko hiva—Siosefa Sāmita, Sitenei Likitoni, ʻŌliva Kautele, Sione Uitemā, Māteni Hālisi, Uiliami W. Felipisi, ʻEtuate Pātilisi, Niueli K. Uitenī, mo ʻAlekenoni Siteniei Kilipate—ke nau kau fakataha ʻi he meʻa naʻe ʻiloa ko e Kautaha Uouangatahá.
30 ʻEpeleli 1832	sTokāteline mo e Ngaahi Fuakava 83: Ko e fakahā naʻe fakafou mai ʻia Siosefa Sāmita ko e Palōfitá ʻi Tauʻatāina, Mīsuli ʻi he fakataha alēlea ʻa e Palōfitá mo hono ngaahi tokouá.
6 Mē 1832	Naʻe fononga ʻa Siosefa Sāmita mei Tauʻatāina, Mīsuli ki Ketilani, ʻOhaiō, ʻo tūʻuta ki ai ʻi Sune ʻo e 1832.
29 ‘Aokosi 1832	Tokāteline mo e Ngaahi Fuakava 99: Ko e fakahā naʻe fakafou mai ʻia Siosefa Sāmita ko e Palōfitá kia Sione Moataki ʻi Hailame, ʻOhaiō.
12 Sepitema 1832	Naʻe hiki ʻa Siosefa mo ʻEma Sāmita mo hona fāmilí mei Hailame, ʻOhaiō ki Ketilani, ʻOhaiō ʻo kamata ke nofo ʻi ʻolunga ʻi he falekoloa ʻo Niueli K. Uitenií.
22–23 Sepitema 1832	Tokāteline mo e Ngaahi Fuakava 84: Ko e fakahā naʻe fakafou mai ʻia Siosefa Sāmita ko e Palōfitá ʻi Ketilani, ʻOhaiō.
Konga kimuʻa ʻo ʻOkatopa 1832	Naʻe fononga ʻa Siosefa Sāmita mo Niueli K. Uitenī ki Niu ʻIoke Siti mo e ngaahi kolo kehe ʻi he fakahahake ʻo e ʻIunaiteti Siteití ke fakatau mai ha koloa mo malanga. Naʻá na foki ʻi he ʻaho 6 ʻo Nōvema 1832.
27 Nōvema 1832	Tokāteline mo e Ngaahi Fuakava 85: Ko e fakahā naʻe fakafou mai ʻia Siosefa Sāmita ko e Palōfitá ʻi Ketilani, ʻOhaiō. Ko e vahe ko ʻení ko e konga ia ʻo ha tohi naʻe fai ʻe he Palōfitá kia Uiliami W. Felipisi, ʻa ia naʻe lolotonga nofo ʻi Tauʻatāina, Mīsuli.
6 Tīsema 1832	Tokāteline mo e Ngaahi Fuakava 86: Ko e fakahā naʻe fakafou mai ʻia Siosefa Sāmita ko e Palōfitá ʻi Ketilani, ʻOhaiō.
21 Tīsema 1832	Naʻe fakamanamana ʻa Kalolaina Saute ke mavahe mei he ʻIunaiteti Siteití ko e fakafepaki ki he ngaahi tute fakapuleʻangá.
25 Tīsema 1832	Tokāteline mo e Ngaahi Fuakava 87: Ko e fakahā mo e kikite ki he taú naʻe fakafou mai ʻia Siosefa Sāmita ko e Palōfitá ʻo ofi ki Ketilani, ʻOhaiō.
27 Tīsema 1832	Naʻe fakahoko ha konifelenisi ʻa e kau taulaʻeiki lahí ʻi Ketilani, ʻOhaiō.
27–28 Tīsema 1832; 3 Sānuali 1833	Tokāteline mo e Ngaahi Fuakava 88: Ko e fakahā naʻe fakafou mai ʻia Siosefa Sāmita ko e Palōfitá ʻi Ketilani ʻOhaiō. Makehe mei hono fakahā mai ha ngaahi moʻoni lahi mo e ngaahi fekaú, naʻe fakahinohino mai ʻe he fakahā ko ʻení ki he Kāingalotú ke nau langa ha temipale ʻi Ketilani, ʻOhaiō mo fokotuʻu ʻa e Akoʻanga ʻo e Kau Palōfitá.

1833

22–23 Sānuali 1833	Naʻe fakahoko ʻa e fuofua fakataha ʻa e Akoʻanga ʻo e Kau Palōfitá ʻi Ketilani, ʻOhaiō.
27 Fēpueli 1833	Tokāteline mo e Ngaahi Fuakava 89: Ko e fakahā naʻe fakafou mai ʻia Siosefa Sāmita ko e Palōfitá ʻi Ketilani, ʻOhaiō ʻo fekauʻaki mo e meʻakai moʻui leleí ʻa ia naʻe ʻiloa ko e Lea ʻo e Potó.
8 Māʻasi 1833	Tokāteline mo e Ngaahi Fuakava 90: Ko e fakahā kia Siosefa Sāmita ko e Palōfitá naʻe ʻomi ʻi Ketilani, ʻOhaiō. Ko e fakahā ko ʻení ko ha sitepu hoko atu pē ia ʻi hono fokotuʻu ʻo e Kau Palesiteni ʻUluakí.
9 Māʻasi 1833	Tokāteline mo e Ngaahi Fuakava 91: Ko e fakahā naʻe fakafou mai ʻia Siosefa Sāmita ko e Palōfitá ʻi Ketilani, ʻOhaiō.
15 Māʻasi 1833	Tokāteline mo e Ngaahi Fuakava 92: Ko e fakahā naʻe fai mai kia Siosefa Sāmita ko e Palōfitá ʻi Ketilani, ʻOhaiō.
6 Mē 1833	Tokāteline mo e Ngaahi Fuakava 93: Ko e fakahā naʻe fakafou mai ʻia Siosefa Sāmita ko e Palōfitá ʻi Ketilani, ʻOhaiō ki he anga ʻo Kalaisí mo e moʻoní.
1 Sune 1833	Tokāteline mo e Ngaahi Fuakava 95: Ko e fakahā naʻe fakafou mai ʻia Siosefa Sāmita ko e Palōfitá ʻi Ketilani, ʻOhaiō ʻo hokohoko atu ʻa e fakahinohino fakalangi ki hono langa e fale ʻo e ʻEikí mo valokiʻi e Kāingalotú ki he ʻikai ke kamata ʻa e langá.
4 Sune 1833	Tokāteline mo e Ngaahi Fuakava 96: Ko e fakahā naʻe fakafou mai ʻia Siosefa Sāmita ko e Palōfitá, ʻo fakahā mai ʻa e fokotuʻutuʻu ʻo e koló pe siteiki ʻo Saioné ʻi Ketilani, ʻOhaiō.
6 Sune 1833	Naʻe kamata hono langa ʻe he Kāingalotú ʻa e Temipale Ketilaní.
2 Siulai 1833	Naʻe fakaʻosi ʻaki ʻe Siosefa Sāmita ʻene ngāué ʻa hono toe vakaiʻi ʻo e Tohi Tapú ʻi Ketilani, ʻOhaiō.
20 Siulai 1833	Naʻe hoko e kikihi ʻa e kau fakamoveuveú ke tuli e Kāingalotú mei he Vāhenga Siakisoni, Mīsulí, ke nau maumauʻi ai e ʻōfisi paaki ʻi Tauʻatāiná mo fakamoveteveteʻi holo e ʻū laʻipeesi ʻo e Tohi ʻo e Ngaahi Fekaú naʻe teʻeki ai ke kakató ʻi he hala puleʻangá. Naʻe hao pē ha ngaahi tatau siʻisiʻi. Naʻe valitaaʻi mo fakapipiki fulufuluʻi moa ʻa ʻEtuate Pātilisi mo Sālesi ʻĒleni.
23 Siulai 1833	Koeʻuhí ko hono fakamālohiʻi ʻo e Kāingalotú ʻi he Vāhenga Siakisoni, Mīsulí, naʻa nau loto leva ai ke nau mavahe mei he vahengá.
23 Siulai 1833	Naʻe kau ʻa Siosefa Sāmita ʻi hono fakatoka e ʻū makatuliki ʻo e Temipale Ketilaní.
2 ‘Aokosi 1833	Tokāteline mo e Ngaahi Fuakava 97: Ko e fakahā naʻe fakafou mai ʻia Siosefa Sāmita ko e Palōfitá ʻi Ketilani, ʻOhaiō ʻo fekauʻaki hangatonu mo e ngaahi meʻa ʻa e Kāingalotu ʻi Saioné, ʻi he Vāhenga Siakisoni, Mīsulí.
2 ‘Aokosi 1833	Tokāteline mo e Ngaahi Fuakava 94: Ko e fakahā naʻe fakafou mai ʻia Siosefa Sāmita ko e Palōfitá ʻi Ketilani, ʻOhaiō.
6 ‘Aokosií 1833	Tokāteline mo e Ngaahi Fuakava 98: Ko e fakahā naʻe fakafou mai ʻia Siosefa Sāmita ko e Palōfitá ʻi Ketilani, ʻOhaiō ko e nunuʻa ʻo hono fakatangaʻi ʻo e Kāingalotú ʻi Mīsulí.
9 ‘Aokosi 1833	Naʻe tūʻuta ʻa ʻŌliva Kautele ʻi Ketilani, ʻOhaiō, mo e lipooti kakato ki he ngaahi ʻohofi ʻi Mīsulí.
Konga kimui ʻo Sepitema 1833	Naʻe tautapa e Kāingalotu ʻi he Vāhenga Siakisoni, Mīsulí ki he kōvana ko Taniela Tangikiliní ke fakatonutonu e meʻa ne nau loto-mamahi aí. ʻI he ʻaho 19 ʻo ʻOkatopá naʻe faleʻi ai ʻe Tangikilini ke fakaleleiʻi e ngaahi meʻá ni ʻi he fakamaauʻangá.
5 ʻOkatopa 1833	Naʻe mavahe ʻa Siosefa Sāmita mei Ketilani, ʻOhaiō ʻi ha ngāue fakafaifekau malanga ki Mauni Pelēseni, Konga ʻo Kānata ki ʻOlungá. Naʻá ne foki ʻi he ʻaho 4 ʻo Nōvema 1833.
12 ʻOkatopa 1833	Tokāteline mo e Ngaahi Fuakava 100: Ko e fakahā naʻe fai kia Siosefa Sāmita ko e Palōfitá mo Sitenei Likitoni ʻi Pelisipeki, Niu ʻIoke.
31 ʻOkatopa 1833	Naʻe lahi ha ngaahi feituʻu kehekehe ʻi he Vāhenga Siakisoni, Mīsulí naʻe ʻohofi ai ʻe he kau fakatangá ʻa e Kāingalotú. Naʻe mate ha toko taha mei he Kāingalotú mo ha toko ua ʻi he kau fakafepakí. Naʻe ui mo fakatahatahaʻi e kau tau ʻa e puleʻangá ke nau fakafepakiʻi ʻa e Kāingalotú. ʻI he ʻaho 8 ʻo Nōvemá, naʻe hola e Kāingalotú mei he Vāhenga Siakisoní pea nau meimei hiki kotoa ki he Vāhenga Keleí, Mīsuli.
16–17 Tīsema 1833	Tokāteline mo e Ngaahi Fuakava 101: Ko e fakahā naʻe fai kia Siosefa Sāmita ko e Palōfitá ʻi Ketilani, ʻOhaiō.

1834

17 Fēpueli 1834	Tokāteline mo e Ngaahi Fuakava 102: Ko e miniti ʻo hono fokotuʻu ʻo e fuofua fakataha alēlea māʻolunga ʻa e Siasí, ʻi Ketilani, ʻOhaiō. Naʻe lekooti ʻa e miniti totonú ʻe ʻŌliva Kautele mo ʻOasoni Haiti pea naʻe toe vakaiʻi ia ʻe he Palōftiá ʻi he ʻaho hono hokó pea naʻe loto-taha ʻa e fakataha alēlea maʼolungá ke tali kakato ia.
24 Fēpueli 1834	Tokāteline mo e Ngaahi Fuakava 103: Ko e fakahā naʻe fakafou mai ʻia Siosefa Sāmita ko e Palōfitá ʻi Ketilani, ʻOhaiō, ʻo fakahinohinoʻi mai ha fononga maau (naʻe ʻiloa kimui ange ko e “ʻApitanga ʻo Saioné” pe “ʻApitanga ʻo ʻIsilelí”) ke fakafiemālieʻi e Kāingalotu naʻe tuli mei he Vāhenga Siakisoni Mīsulí pea fakafoki kinautolu ki honau ngaahi kelekelé.
23 ʻEpeleli 1834	Tokāteline mo e Ngaahi Fuakava 104: Ko e fakahā naʻe fai mai kia Siosefa Sāmita ko e Palōfitá ofi ki Ketilani, ʻOhaiō fekauʻaki mo hono toe fokotuʻutuʻu ʻo e Kautaha Uouangatahá. Mahalo pē naʻe tala-kae-tohi ʻeni ʻi ha fakataha alēlea ʻo e kau mēmipa ʻo e Kautaha Uouangatahá.
5 Mē 1834	Naʻe tataki ʻe Siosefa Sāmita ʻa e ʻApitanga ʻo ʻIsilelí (“ʻApitanga ʻo Saioné”) ʻo nau mavahe mei Ketilani, ʻOhaiō ʻi he taumuʻa ke fakafoki e Kāingalotu ʻi he Vāhenga Siakisoni, Mīsulí ki honau kelekelé.
15 Sune 1834	Naʻe lipooti ʻe Paʻale P. Pālati mo ʻOasoni Haiti kia Siosefa Sāmita naʻe ʻikai ke tali ʻe he kōvana Mīsuli ko Taniela Tangikiliní ʻa e kole ke fakafeaʻo ʻe he kau tau ʻa e puleʻangá ʻa e Kāingalotú ke foki ki honau kelekelé ʻi he Vāhenga Siakisoní.
19 Sune 1834	Naʻe aʻu atu ʻa e ʻApitanga ʻo ʻIsilelí ki he Vaitafe Taumātaʻú ʻi he Vāhenga Keleí, ʻa ia naʻe fakatahataha mai ai ha kau fakamoveuveu ke ʻohofi e ʻapitangá. Naʻe hola e kau fakamoveuveú koeʻuhí ko ha fuʻu ʻuha lōvai mālohi ʻaupito.
22 Sune 1834	Tokāteline mo e Ngaahi Fuakava 105: Ko e fakahā naʻe fakafou mai ʻia Siosefa Sāmita ko e Palōfitá ʻi he Vaitafe Taumātaʻu, Mīsulí fekauʻaki mo hono huhuʻi ʻo Saioné pea mo e tali ki he ngaahi fakamamahi ʻi Mīsuli.
16 ‘Aokosi 1834	Naʻe kole ʻe Siosefa Sāmita ki he fakataha alēlea māʻolunga ʻa Mīsulí ke nau fakamoʻoni ʻi ha tohi tangi ki he kōvana Mīsuli ko Taniela Tangikiliní ʻo kole ki ai ke maluʻi ʻe he puleʻangá ʻa e Kāingalotu ʻi he Vāhenga Siakisoní.
24 Sepitema 1834	Naʻe fili ʻe he fakataha alēlea māʻolungá ʻa Siosefa Sāmita, ʻŌliva Kautele, Sitenei Likitoni, mo Feletiliki G. Uiliamisi ke hoko ko ha kōmiti ke nau fokotuʻutuʻu mo pulusi ʻa e ngaahi fakahaá.
25 Nōvema 1834	Tokāteline mo e Ngaahi Fuakava 106: Ko e fakahā naʻe fakafou mai ʻia Siosefa Sāmita ko e Palōfitá ʻi Ketilani, ʻOhaiō ko e fakataumuʻa kia Uāleni A. Kautele ko e taʻokete ʻo ʻŌliva Kautele.

1835

14 Fēpueli 1835	Naʻe fili ʻe Siosefa Sāmita, ʻŌliva Kautele, Tēvita Uitemā, mo Māteni Hālisi ʻa e Kau ʻAposetolo ʻe Toko Hongofulu Mā Uá ʻi Ketilani, ʻOhaiō.
28 Fēpueli–1 Māʻasi 1835	Naʻe fili ʻa e kau mēmipa ʻo e ʻApitanga ʻo ʻIsilelí ko e kau mēmipa ʻo e Kau Fitungofulú.
ca. ʻEpeleli 1835	Tokāteline mo e Ngaahi Fuakava 107: Ko e fakahā fekauʻaki mo e lakanga fakataulaʻeikí naʻe fakafou mai ʻia Siosefa Sāmita ko e Palōfitá ʻi Ketilani, ʻOhaiō ʻo fakafuofua ki ʻEpeleli 1835. ʻOku fakakau ʻi he veesi 60–100 ha fakahā naʻe fakafou mai ʻia Siosefa Sāmita ʻi he ʻaho 11 ʻo Nōvema 1831.
4 Mē 1835	Naʻe mavahe atu e Kau ʻAposetolo ʻe Toko Hongofulu Mā Uá mei Ketilani, ʻOhaiō ki he fakahahake ʻo e ʻIunaiteti Siteití mo e Konga ʻo Kānata ki ʻOlungá ke tokangaʻi ʻa e ngaahi kolo mamaʻo atu ʻo e Siasí.
Siulai 1835	Naʻe tokoni ha niʻihi kehe ʻo lava ai ʻe Siosefa Sāmita ke fakatau mai ha ngaahi sino kuo fakatolonga (mummies) mo e ʻū pepa kiliʻi kaho (papyri) mei ʻIsipite meia Maikolo Sanitela ʻi Ketilani, ʻOhaiō.
17 ‘Aokos 1835	ʻI ha fakatahaʻanga lahi ʻa e Siasí ʻi Ketilani, ʻOhaiō naʻe tali ai ke pulusi ʻa e pulusinga ʻuluaki ʻo e Tokāteline mo e Ngaahi Fuakavá. Tokāteline mo e Ngaahi Fuakava 134: Ko hano talaki fakahā ʻo e tui fekauʻaki mo e ngaahi puleʻangá mo e ngaahi laó fakalūkufua, ʻa ia naʻe tali ʻi he loto-taha ʻi ha fakataha lahi ʻa e Siasí naʻe fai ʻi Ketilani, ʻOhaiō.
Sepitema 1835	Naʻe pulusi ʻe he Siasí ʻa e Tokāteline mo e Ngaahi Fuakavá ʻi Ketilani, ʻOhaiō. Ko e feinga ko ia ke pulusi e ngaahi fakahaá naʻe fakafeʻātungia lahi ia ʻe he fakamamahi ʻa e kau fakamoveuveú ʻi Mīsuli ʻi he 1833.
Faʻahitaʻu Fakatōlau ʻo e 1835	Naʻe ngāue hokohoko ʻa Siosefa Sāmita ki hono liliu ʻo e Tohi ʻa ʻĒpalahamé koeʻuhí ko hono fakatau mai ʻo e ʻū pepa kiliʻi kaho faka-ʻIsipité ʻi Siulai 1835.
12 Nōvema 1835	Naʻe fakahinohinoʻi ʻe Siosefa Sāmita ʻa e kau ʻaposetoló fekauʻaki mo e ouau ʻo hono fufulu ʻo e vaʻé pea mo e ʻamanaki ke fakahoko ʻa e ʻenitaumení ʻi Ketilani, ʻOhaiō.
26 Tīsema 1835	Tokāteline mo e Ngaahi Fuakava 108: Ko e fakahā naʻe fakafou ʻia Siosefa Sāmita ko e Palōfitá ʻi Ketilani, ʻOhaiō. Naʻe maʻu ʻa e vahe ko ʻení ʻi he kole ʻa Laimani Selamani.

1836

13 Sānuali 1836	Naʻe tokangaʻi ʻe Siosefa Sāmita ha fakataha ʻa e kau takí ʻi Ketilani, ʻOhaiō ʻa ia naʻe fokotuʻutuʻu ai ʻo kakato ʻa e fakataha alēlea ʻa e pīsopé pea mo e fakataha alēlea māʻolunga ʻo Ketilani mo Mīsulí.
21 Sānuali 1836	Tokāteline mo e Ngaahi Fuakava 137: Ko e fakahā naʻe fai kia Siosefa Sāmita ko e Palōfitá ʻi he temipalé ʻi Ketilani, ʻOhaiō. Ko e meʻa naʻe faí ko hono fakahoko ʻo e ngaahi ouaú ko e teuteu ki hono fakatapui ʻo e temipalé.
Konga kimuʻa ʻo e 1836	Naʻe pulusi ʻe he Siasí ʻa e A Collection of Sacred Hymns for the Church of the Latter Day Saints. Ko e ngaahi himí naʻe filifili ia ʻe ʻEma Heili Sāmita pea teuteuʻi ʻe W. W. Felipisi ʻi he ʻōfisi paaki ʻa e Siasí ʻi Ketilani, ʻOhaioó. Neongo ʻoku ʻasi ai ha ʻaho pulusi ki he 1835, ka naʻe toki ʻatā pē ia ʻi he konga kimuʻa ʻo e 1836.
27 Māʻasi 1836	Naʻe fakatapui e Temipale Ketilaní. Tokāteline mo e Ngaahi Fuakava 109: Ko e lotu naʻe fakahoko ʻi hono fakatapui ʻo e temipalé ʻi Ketilani, ʻOhaiō. Fakatatau ki he fakamatala naʻe hiki ʻe he Palōfitá, naʻe fakahā mai ʻa e lotu ko ʻení kiate ia ʻi ha fakahā.
3 ʻEpeleli 1836	Tokāteline mo e Ngaahi Fuakava 110: Ko e ngaahi meʻa-hā-mai naʻe fakahā kia Siosefa Sāmita ko e Palōftiá mo ʻŌliva Kautele ʻi he temipale ʻi Ketilani, ʻOhaioó, ʻo kau ai e hā mai ʻa Sīsū Kalaisi, ʻo tali ʻa e temipalé, mo Mōsese, ʻIlaiase, mo ʻIlaisiā, ʻa ia naʻa nau takitaha foaki mai ʻa e ngaahi kī ʻo e lakanga fakataulaʻeikí.
1 Siulai 1836	Naʻe loto ʻa e kau taki ʻo e Siasí ʻi Mīsulí ki he kole ʻa e kakai totonu ʻo e fonuá ke mavahe ʻa e Kāingalotú mei he Vāhenga Kelei, Mīsulí.
25 Siulai 1836	Naʻe fononga ʻa Siosefa Sāmita mo ha niʻihi kehe ke malanga, fakahoko ha pisinisi ʻi Niu ʻIoke Siti, mo fakatotoloʻi ha lipooti ʻe ʻi ai ha fuʻu paʻanga lahi ʻe lava ke maʻu ʻe he Siasí ʻi Seilemi, Masasuseti. Naʻa nau foki ʻi he kongaloto ʻo Sepitema 1836.
6 ‘Aokosi 1836	Tokāteline mo e Ngaahi Fuakava 111: Ko e fakahā naʻe fakafou mai ʻia Siosefa Sāmita ko e Palōfitá ʻi Seilemi, Masasuseti fekauʻaki mo e ngaahi moʻua ʻa e kau taki ʻo e Siasí pea mo e fononga naʻe fai ʻe Siosefa Sāmita mo ha niʻihi kehe ki Niu ʻIngilani ko e feinga ke maʻu ha paʻanga ke totongi ʻaki ʻa e moʻua ko iá.
2 Nōvema 1836	Naʻe fakangofua ‘e he kau maʻu ʻinasi ʻi he Pangikē ʻa e Sōsaieti Maluʻi ʻo Ketilaní ʻaʻene konisitūtoné. Naʻe fili ai ʻa Siosefa Sāmita ko e “tokotaha tauhi paʻangá.” Naʻe fakaava ʻa e kautahá ke fakahoko fatongia mo kamata ke tuku atu ha paʻanga ʻi he konga kimuʻa ʻo Sānuali 1837. Naʻe ʻikai ke tali ʻe he falealea ʻo ʻOhaioó ʻa e kole ke maʻu ha ngofua fakapangikeé ʻi he ʻaho 10 ʻo Fēpueli 1837.
29 Tīsema 1836	Naʻe fakamoʻoni hingoa ʻa Lilipeni W. Pōkesi ko e kōvana ʻo Mīsulí, ʻi ha lao ke fokotuʻu ʻa e Vāhenga Keleí ko e nofoʻanga ia ʻo e Kāingalotú.

1837

Mē 1837	Naʻe ʻi he tuʻunga fakatuʻutāmaki ʻa e ʻekonōmika ʻo e ʻIunaiteti Siteití ʻi he ʻikai fakaʻau ke mole ʻa e ngaahi pangikeé pea hoko mai ai pē mo e tōlalo fakaʻekonōmiká.
Mē 1837	Naʻe taki ʻe Uāleni Pālesi ha niʻihi ʻo kau ai ha niʻihi ʻo e kau mēmipa ʻo e Kōlomu ʻo e Toko Hongofulu Mā Uá, ke nau lea ʻo fakafepakiʻi ʻa Siosefa Sāmita.
28 Mē 1837	Naʻe lea ʻa Siosefa Sāmita ki he kāingalotu ʻo e Siasí ʻi ha fakataha ʻi he ʻaho Sāpaté ʻi he Temipale Ketilaní, ʻo taukapoʻi ia mei hono kau fakaangá.
11–13 Sune 1837	Naʻe vaheʻi ʻe Siosefa Sāmita ʻa e ongo ʻaposetolo ko Hiipa C. Kimipolo mo ʻOasoni Haití pea mo e taulaʻeiki ko Siosefa Filitingí ke nau hoko ko ha kau faifekau ki ʻIngilani. Hili ha ʻaho ʻe ua mei ai naʻa nau mavahe mei Ketilani, ʻOhaiō fakataha mo Uiliate Lisiate.
ʻi he ʻaho 7 Siulai 1837	Naʻe fakafisi ʻa Siosefa Sāmita mo Sitenei Likitoni mei heʻena hoko ko e ongo ʻōfisa ʻi he Sosaieti Maluʻi ʻo Ketilaní. Naʻe fakatau atu ʻe Siosefa hono ʻinasi ʻi he kautahá ʻi ha māhina ʻe taha kimuʻa.
23 Siulai 1837	Tokāteline mo e Ngaahi Fuakava 112: Ko e fakahā naʻe fakafou mai ʻia Siosefa Sāmita ko e Palōfitá kia Tōmasi B. Māʻasi ʻi Ketilani, ʻOhaiō fekauʻaki mo e ngaahi fatongia ʻo e Kau ʻAposetolo ʻe Toko Hongofulu Mā Uá, ko e Kau Palesitenisī ʻUluakí, ngāue fakafaifekaú mo e ngaahi kī ʻo e lakanga fakataulaʻeikí.
27 Sepitema 1837	Naʻe fononga ʻa Siosefa Sāmita ki he fakatokelauhihifo ʻo Mīsulí ke fakamāʻopoʻopo ʻa e Siasí ʻi ai mo tala e ngaahi feituʻu ke nofo ai e Kāingalotú. Naʻá ne foki ki Ketilani, ʻOhaiō ʻi he konga kimuʻa ʻo Tīsema 1837.

1838

15 Sānuali 1838	Naʻe fakaʻauha e ʻōfisi paaki ʻa e Siasí ʻi Ketilani, ʻOhaioó ʻe ha tokotaha tūfale.
14 Māʻasi 1838	Naʻe tūʻuta ʻa Siosefa mo ʻEma Sāmita mo hona fāmilí ki Hihifo Mamaʻo, Vāhenga Kalatiuelá, Mīsuli mei Ketilani, ʻOhaiō.
Māʻasi 1838	Tokāteline mo e Ngaahi Fuakava 113: Naʻe fai ʻe Siosefa Sāmita ko e Palōfitá ha ngaahi tali ki he ngaahi fehuʻi pau fekauʻaki mo e tohi ʻa ʻĪsaiá, ʻo ofi ki Hihifo Mamaʻo, Mīsuli.
11 ʻEpeleli 1838	Tokāteline mo e Ngaahi Fuakava 114: Ko e fakahā naʻe fakafou mai ʻia Siosefa Sāmita ko e Palōfitá ʻi Hihifo Mamaʻo, Mīsuli.
26 ʻEpeleli 1838	Tokāteline mo e Ngaahi Fuakava 115: Ko e fakahā naʻe fakafou mai ʻia Siosefa Sāmita ko e Palōfitá ʻi Hihifo Mamaʻo, Mīsuli ʻo fakahā mai ʻa e finangalo ʻo e ʻOtuá fekauʻaki mo hono langa hake ʻo e feituʻu ko iá pea mo e fale ʻo e ʻEikí pea mo hono fokotuʻu e hingoa ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní.
18 Mē 1838	Naʻe fononga ʻa Siosefa Sāmita mei Hihifo Mamaʻo, Mīsuli ʻo fou atu ʻi he Vāhenga Tēvisí, Mīsuli ke fili ha ngaahi feituʻu foʻou maʻá e Kāingalotú ke nau nofo ai.
19 Mē 1838	Tokāteline mo e Ngaahi Fuakava 116: Ko e fakahā naʻe fai mai kia Siosefa Sāmita ko e Palōfitá ofi ki Uaitisi Feli, ʻi ha feituʻu naʻe ui ko Sipilingi Hili, Vāhenga Tēvisí, Mīsuli ke fakaʻilongaʻi ʻa e tuʻuʻanga ʻo ʻĀtama-ʻonitai-ʻĀmani.
6 Siulai 1838	Naʻe mavahe ha Kāingalotu ʻe toko 500 nai mei Ketilani, ʻOhaiō ke nau hiki ki Mīsuli. Naʻa nau tūʻuta ʻi he Hihifo Mamaʻó, Mīsuli ʻi he ʻaho 2 ʻo ʻOkatopa 1838.
8 Siulai 1838	Tokāteline mo e Ngaahi Fuakava 117: Ko e fakahā naʻe fakafou mai ʻia Siosefa Sāmita ko e Palōfitá ʻi Hihifo Mamaʻo, Mīsuli fekauʻaki mo e ngaahi ngāue ke fai leva he taimi ko iá ʻe Uiliami Mākisi, Niueli K. Uitenī, mo ʻŌliva Kelenisā.
8 Siulai 1838	Tokāteline mo e Ngaahi Fuakava 118: Ko e fakahā naʻe fakafou mai ʻia Siosefa Sāmita ko e Palōfitá ʻi Hihifo Mamaʻo, Mīsuli ko e tali ki heʻene kole fekauʻaki mo e Kōlomu ʻo e Toko Hongofulu Mā Uá.
8 Siulai 1838	Doctrine and Covenants 119: Ko e fakahā naʻe fakafou mai ʻia Siosefa Sāmita ko e Palōfitá ʻi Hihifo Mamaʻo, Mīsuli ko e tali ki heʻene tautapa fekauʻaki mo e vahehongofulú.
8 Siulai 1838	Tokāteline mo e Ngaahi Fuakava 120: Ko e fakahā naʻe fakafou mai ʻia Siosefa Sāmita ko e Palōfitá ʻi Hihifo Mamaʻo, Mīsuli ʻo fakahaaʻi ʻa e anga hono vahehongofuluʻi ʻo e ngaahi koloá ʻo hangē ko e fakahinohino ʻi he vahe 119.
ca. 9 ʻOkatopa 1838	Naʻe ʻikai ke loto ʻa e kōvana Mīsuli ko Lilipeni W. Pōkesí ke kau ʻi he fakalalahi e fakafepaki ki he Kāingalotú ʻi he fakatokelauhihifo ʻo Mīsulí.
25 ʻOkatopa 1838	Hili ha ngaahi taimi ʻo e fakautuutu ʻa e fepakipakí ʻi he fakatokelauhihifo ʻo Mīsulí, naʻe tamateʻi ha sōtia ʻe taha mei he Vāhenga Leí mo ha Kāingalotu ʻe toko tolu, ʻo kau ai ʻa e ʻaposetolo ko Tēvita W. Pāteni ʻi ha kiʻi fetāʻaki ofi ki he Fangaʻuta Loká, Mīsuli ʻa ia naʻe ʻiloa ko e “Tau ʻi he Vaitafe Pikopikó.”
27 ʻOkatopa 1838	Naʻe tuku atu ʻe he kōvana Mīsuli ko Lilipeni W. Pōkesí ha tuʻutuʻuni ne fakamafaiʻi ai hono tuli fakaʻaufuli pe fakaʻauha ʻo e Kāingalotú mei he siteití.
30 ʻOkatopa 1838	Naʻe ʻohofi ʻe he kau fakamoveuveú ha kiʻi kolo mamaʻo ʻo e Kāingalotu ʻi he Fahiʻanga Papa Hauní, Vāhenga Kalatiuelá, Mīsuli ʻo tamateʻi ai ha toko hongofulu mā fitu pea fakalaveaʻi ai ha toko hongofulu mā fā.
31 ʻOkatopa 1838	Tuʻunga ʻi ha kumi ʻuhinga loi ki ha fakataha fakamelino, naʻe ʻave ai ʻe he kau sōtia Mīsulí ʻa Siosefa Sāmita mo ha niʻihi kehe ʻo taki pōpula ki tuʻa mei Hihifo Mamaʻo, Mīsuli. Naʻe ʻuluaki tuku kinautolu ʻi Tauʻatāina, pea toki hiki mei ai ki Lisimoni, Mīsuli.
1 Tīsema 1838	Naʻe toe ʻave ʻa Siosefa mo Hailame Sāmita, Sitenei Likitoni, Laimani Uaiti, Kēlepi Polouini, mo ʻAlekisānita Makalei mei Lisimoni ki he Fale Fakapōpula Lipetií, ʻi he Vāhenga Keleí, Mīsuli.

1839

Fēpueli 1839	Naʻe kamata leva ha hiki fakatokolahi ʻa e Kāingalotú mei Mīsuli. Ko e tokolahi taha ʻo e Kāingaotu ko ʻení naʻa nau hiki ki ʻIlinoisi.
20 Māʻasi 1839	Tokāteline mo e Ngaahi Fuakava 121: Ko e lotu mo e ngaahi kikite naʻe tohi ʻe Siosefa Sāmita ko e Palōfitá ʻi ha tohi ki he Siasí lolotonga ʻene hoko ko ha pōpula ʻi he fale fakapōpula Lipetií, Mīsuli.
ca. 22 Māʻasi 1839	Tokāteline mo e Ngaahi Fuakava 122: Ko e folofola ʻa e ʻEikí kia Siosefa Sāmita ko e Palōfitá, lolotonga ʻene nofo pōpula ʻi he fale fakapōpula Lipetií, Mīsuli. Ko e vahe ko ʻení ko e hoko atu ia ʻo e tohi ʻi he ʻaho 20 ʻo Māʻasí.
ca. 22 Māʻasi 1839	Tokāteline mo e Ngaahi Fuakava 123: Ko e fatongia ʻo e Kāingalotú ʻo felāveʻi mo honau kau fakatangá, ʻo hangē ko ia naʻe tohi ʻe Siosefa Sāmita ko e Palōfitá, lolotonga ʻene nofo pōpula ʻi he fale fakapōpulá ʻi Lipetī, Mīsuli. Ko e vahe ko ʻení ko e hoko atu ia ʻo e tohi ʻi he ʻaho 20 ʻo Māʻasí.
6–8 ʻEpeleli 1839	Naʻe ʻave ʻa Siosefa Sāmita mei he Fale Fakapōpula Lipetií ki Kalatini, Mīsuli ki ha fakamaauʻanga sula ke hopoʻi e ngaahi hia naʻe mahaloʻi naʻe fakahoko ʻi he Vāhenga Tēvisí.
16 ʻEpeleli 1839	Naʻe fakaʻatā ʻa Siosefa Sāmita mo ha kaungā pōpula ke nau hola ʻi he Vāhenga Salitoní, Mīsuli lolotonga hono ʻave kinautolu ki ha hopo ʻi he Vāhenga Kolomupiá, Mīsuli.
22 ʻEpeleli 1839	Naʻe toe fakataha ʻa Siosefa Sāmita mo ʻEma Sāmita mo ʻena fānaú, ʻa ia naʻa nau nofo ʻi he ʻapi ʻo Sione mo Sala Kilivilení ʻi Kuinisī, ʻIlinoisi. Naʻe hiki ʻa e fāmili Sāmitá ʻi Mē 1839 ki ha fale ʻakau ʻi Kōmeesi (ʻa ia naʻe ʻiloa kimui ange ko Nāvū), ʻIlinoisi.
26 ʻEpeleli 1839	Naʻe fakataha ʻa e kau mēmipa ʻo e Kōlomu ʻo e Kau ʻAposetolo ʻe Toko Hongofulu Mā Uá ʻi he kelekele ʻo e temipalé ʻi Hihifo Mamaʻó ke kamata ʻenau ngāue fakafaifekau ki mulí mei he feituʻu ko iá ko e talangofua ki he fekau ʻi he Tokāteline mo e Ngaahi Fuakava 118:5. Naʻe fakahoko fakafufū pē ʻa e fakatahá koeʻuhí ko e fakatanga ʻi he feituʻu ko iá.
30 ʻEpeleli 1839	Naʻe kamata ke fakatau mai ʻe he kau fakafofonga ʻo e Siasí ha kelekele maʻá e Kāingalotú ʻi Kōmeesi (naʻe ui kimui ange ko Nāvū), ʻIlinoisi. Naʻe toe fakatau mai ha ʻū konga kelekele lahi ange ʻi ʻIlinosi mo ʻAiouā ʻi he konga kimui ʻo e faʻahitaʻu māfaná.
22–23 Siulai 1839	Koeʻuhí ko e tō ʻa e mahaki fakaʻauha ko e malēliá ʻi ʻIlinoisí, naʻe tāpuakiʻi ai ʻe Siosefa Sāmita ʻa e Kāingalotu naʻe puké ke nau sai ʻi he ngaahi feituʻu ofi ki Kōmeesi (naʻe ui kimui ange ko Nāvū), ʻIlinoisí.
8 ‘Aokosí 1839	Naʻe ʻalu ʻa Sione Teila mo Uilifooti Utalafi mei ʻIlinoisi ki he ʻOtu Motu Pilitāniá, ʻo kamataʻi ʻa e malanga ʻa e Kōlomu ʻo e Toko Hongofulu Mā Uá ʻi he fonua mulí. Naʻe hoko atu ai ʻa Pilikihami ʻIongi mo Hiipa C. Kimipolo ʻi Sepitema 1839.
29 Nōvema 1839	Naʻe fakataha ʻa Siosefa Sāmita mo ʻIlaiase Hikipī mo e palesiteni ʻo e ʻIunaiteti Siteití ko Mātini Veni Piulení, ʻa ia naʻe ʻikai ke ne tali ʻenau kole ke fakatonutonu e ngaahi faihala naʻe hoko ʻi Mīsulí.

1840

23 Māʻasi 1840	Naʻe ʻikai ke tali ʻe he Fale Alea ʻo e ʻIunaiteti Siteití e kole ʻa e Siasí ke fakatonutonu ʻa e ngaahi faihala naʻa nau mamahi ai ʻi Mīsulí.
21 ʻEpeleli 1840	Naʻe hanga ʻe he pule lahi ʻo e pōsiti ʻōfisi ʻo e ʻIunaiteti Siteití ʻo liliu fakaʻofisiale ʻa e hingoa ʻo e pōsiti ʻōfisi ʻo Kōmeesi, ʻIlinoisí ki he Nāvū, ʻIlinoisi.
Mē 1840	Naʻe kamata ke pulusi ʻe he kau ʻAposetolo naʻa nau taki ʻa e Misiona Pilitāniá ʻa e Millennial Star ʻi ʻIngilani. Ko e nusipepa ia naʻe pulusi fuoloa taha ʻi he hisitōlia ʻo e Siasí: naʻe pulusi ʻa e pulusinga fakaʻosí ʻi he 1970.
ca. 19 Siulai 1840	Naʻe fakahoko ʻe Siosefa Sāmita ha lea ʻo fakamamafaʻi ʻa hono mahuʻinga ke langa ʻa e Temipale Nāvuú. Naʻá ne fakahā ʻa e palani totonu ki he temipalé ʻi he konga kimuʻa ʻo Sepitema 1840.
15 ‘Aokosi 1840	Lolotonga hano malangaʻi ʻe Siosefa Sāmita ʻa e meʻafakaʻeiki ʻo Seimoa Pulunisoní ʻi Nāvū, ʻIlinoisí, naʻá ne fakafeʻiloaki ai ʻa e tokāteline ʻo e papitaiso fakafofonga maʻá e kau pekiá.
4 ʻOkatopa 1840	ʻI ha konifelenisi lahi naʻe fai ʻi Nāvū, ʻIlinoisi, naʻe fakahoko ʻe Siosefa Sāmita ha malanga fekauʻaki mo e papitaiso maʻá e kau pekiá pea hili iá naʻá ne papitaiso ha kakai ʻe meimei toko 100 nai koeʻuhí ko e taumuʻa ko iá ʻi he Vaitafe Misisipí.
16 Tīsema 1840	Naʻe fakamoʻoni hingoa ʻa e kōvana ʻIlinoisi ko Tōmasi Kaliní ʻi ha lao ki hono fakatahatahaʻi e kolo ko Nāvuú pea mo fakamafaiʻi hano fokotuʻu ʻo e Konga Kau ʻa Nāvuú mo ha ʻunivēsiti ʻi Nāvū.

1841

19 Sānuali 1841	Tokāteline mo e Ngaahi Fuakava 124: Ko e fakahā naʻe fai mai kia Siosefa Sāmita ko e Palōfitá ʻi Nāvū, ʻIlinoisi ʻo fokotuʻu ai ʻa Nāvū ko ha “makatuliki ʻo Saione” pea fakahinohinoʻi mai ai hono langa ʻo ha temipale pea mo e Fale Nāvuú.
1 Fēpueli 1841	Naʻe fakahoko ʻa e fuofua fili fale aleá ʻo fakatatau mo e tuʻutuʻuni ʻa e kolo foʻoú ʻi Nāvū, ʻIlinoisi. Naʻe fokotuʻutuʻu e fakataha alēlea ʻa e koló ʻi he konga kimui ʻo e uike ko iá.
1 Māʻasi 1841	Naʻe fakapaasi ʻe he Fakataha Alēlea ʻo e Kolo ko Nāvuú ha tuʻutuʻuni ko e “ngaahi kautaha lotu mo e siasi kotoa pē, ʻo tatau ai pē pe ko e hā, te nau tauʻatāina pea maʻu ʻa e ngaahi Faingamālie tatau.”
Māʻasi 1841	Tokāteline mo e Ngaahi Fuakava 125: Ko e fakahā naʻe fakafou mai ʻia Siosefa Sāmita ko e Palōfitá ʻi Nāvū, ʻIlionisi fekauʻaki mo e fakatahataha ʻa e Kāingalotú ʻi he Vahefonua ʻAiouaá.
5 Sune 1841	Naʻe puke pōpula ʻa Siosefa Sāmita ʻi he Fangaʻuta Pea, ʻIlinoisí koeʻuhí ko ha kole ʻa e kōvana mālōlō ʻo Mīsuli ko Lilipeni W. Pōkesí ke fakafoki ia ki he feituʻu naʻá ne faihia aí. Naʻe aofangatuku ʻe ha fakamaauʻanga ʻi Monimauti, ʻIlinoisi ʻi he ʻaho 10 ʻo Suné naʻe taʻetotonu ʻa e mafai ko iá.
9 Siulai 1841	Tokāteline mo e Ngaahi Fuakava 126: Ko e fakahā naʻe fakafou mai ʻia Siosefa Sāmita ko e Palōfitá ʻi Nāvū, ʻIlinoisi ʻo faleʻi ʻa Pilikihami ʻIongi naʻe ʻikai ke toe fiemaʻu ke ne fononga lōloa pea faleʻi ia ke ne nofo pē mo hono fāmilí.
24 ʻOkatopa 1841	Naʻe fakatapui ʻe ʻOasoni Haiti ʻa Palesitaine ke foki mai ki ai ʻa e “hako ʻo Siuta kuo fakamoveteveteʻí.”
8 Nōvema 1841	Naʻe fakatapui ha faiʻanga papitaiso ne ngaohi mei he papá ʻi he konga ki lalo ʻo e Temipale Nāvuú. Naʻe kau atu ʻa Siosefa Sāmita ki he fakatapuí.

1842

1 Māʻasi 1842	Naʻe pulusi ha fakamatala ʻa Siosefa Sāmita ki he hisitōlia ʻo e Siasí pea mo ha fakamatalaʻi fakalūkufua ʻo e ngaahi tefitoʻi tuí ʻi Nāvū ʻi he Times and Seasons—ʻa ia naʻe ʻave kimuʻa ki ha ʻētita nusipepa ʻi Sikākō ko Sione Ueniuefi. Ko e tupuʻanga ia ʻo e Ngaahi Tefito ʻo e Tuí.
17 Māʻasi 1842	Naʻe kau ʻa Siosefa Sāmita ʻi hono fokotuʻu ʻo e Kautaha Fineʻofa ʻo e Kakai Fefine ʻo Nāvuú, pea hoko ʻa ʻEma Sāmita ko hono fuofua palesitení.
4 Mē 1842	Naʻe fakamatalaʻi ʻe Siosefa Sāmita ha ngaahi ouau toputapu mo e ngaahi fakahinohino naʻe ʻiloa ko e “ʻenitaumení” kia Hailame Sāmita, Pilikihami ʻIongi, mo ha niʻihi kehe ʻi he loki ki ʻolunga ʻo hono falekoloa ʻi Nāvū, ʻIlinoisí.
6 Mē 1842	Naʻe fanaʻi ʻa e kōvana mālōlō ʻo Mīsuli ko Lilipeni W. Pōkesí ʻo ne lavea lahi ʻi hono ʻapi nofoʻangá ʻi Tauʻatāina, Vāhenga Siakisoní, Mīsuli.
22 Siulai 1842	Naʻe kole ʻe he kōvana Mīsuli ko Tōmasi Lainoló ke fakafoki fakalao ʻa Siosefa Sāmita mo ʻŌlini Poota Lokiueli hili hono tukuakiʻi kinaua ki hono fanaʻi ʻo Lilipeni W. Pōkesí.
1 Sepitema 1842	Tokāteline mo e Ngaahi Fuakava 127: Ko e tohi meia Siosefa Sāmita ko e Palōfitá ki he Kāingalotu ʻi Nāvū, ʻIlinoisí ʻa ia ʻoku ʻi ai ʻa e ngaahi fakahinohino ki he papitaiso maʻá e kau pekiá.
6 Sepitema 1842	Tokāteline mo e Ngaahi Fuakava 128: Ko ha tohi meia Siosefa Sāmita ko e Palōfitá ki he Siasí, ʻoku ʻi ai ha ngaahi fakahinohino lahi ange ki he papitaiso maʻá e kau pekiá.

1843

6 Sānuali 1843	Naʻe tukuange ʻa Siosefa Sāmita mei hono puke pōpula ia ki hono fanaʻi ʻo Lilipeni W. Pōkesí.
9 Fēpueli 1843	Tokāteline mo e Ngaahi Fuakava 129: Ko e ngaahi fakahinohino naʻe fai ʻe Siosefa Sāmita ko e Palōfitá, ʻi Nāvū, ʻIlinoisi ʻo fakahā mai ʻa e ngaahi kī mahuʻinga lahi ʻe tolu ʻa ia ʻe lava ʻo ʻiloʻi ai hono faikehekehe mo hono anga-totonu ʻo e kau ʻāngelo tauhí mo e ngaahi laumālié.
2 ʻEpeleli 1843	Tokāteline mo e Ngaahi Fuakava 130: Ko e ngaahi fakahinohino naʻe fai ʻe Siosefa Sāmita ko e Palōfitá ʻi Leimasi, ʻIlinoisi.
16–17 Mē 1843	Tokāteline mo e Ngaahi Fuakava 131: Ko e ngaahi fakahinohino naʻe fai ʻe Siosefa Sāmita ko e Palōfitá ʻi Leimasi, ʻIlinoisi.
12 Siulai 1843	Tokāteline mo e Ngaahi Fuakava 132: Ko e fakahā naʻe fakafou mai ʻia Siosefa Sāmita ko e Palōfitá, ʻi Nāvū, ʻIlinoisi, ʻa ia ʻoku fekauʻaki mo e fuakava foʻou mo taʻengatá, ʻoku kau ai ʻa e taʻengata ʻo e fuakava ʻo e nofomalí pea mo e tefitoʻi moʻoni ʻo e mali tokolahí. Neongo naʻe lekooti ʻa e fakahaá ʻi he 1843, ka ʻoku fakahā mai ʻe he fakamoʻoní ko e niʻihi ʻo e ngaahi tefitoʻi moʻoni naʻe ʻi he fakahā ko ʻení naʻe ʻosi ʻiloʻi pē ia ʻe he Palōfitá ʻi he konga kimuʻa ʻo e 1831.

1844

11 Māʻasi 1844	Naʻe tokangaʻi ʻe Siosefa Sāmita ha fakataha ne fokotuʻutuʻu ai e Fakataha Alēlea ʻo e Toko Nimangofulú, ko ha sino ngāue ʻo e Siasí naʻe fakataumuʻa ki hono fokotuʻu ʻa e puleʻanga ʻo e ʻOtuá ʻi he māmaní “ke puleʻi e faʻahinga ʻo e tangatá ʻi he ngaahi meʻa fakalaó.”
7 ʻEpeleli 1844	ʻI ha konifelenisi ʻa e siasí ʻi Nāvu, ʻIlinoisi, naʻe fakahoko ai ʻe Siosefa Sāmita hano malangaʻi ʻo e meʻafakaʻeiki ʻo Kingi Fōletí, ʻo fakamatalaʻi ai ha ngaahi tokāteline foʻou fekauʻaki mo e moʻui ʻi he maama fakalaumālié pea mo e ʻulungaanga ʻo e ʻOtuá.
7 Sune 1844	Naʻe pulusi ʻa e ʻuluaki pulusinga ʻo e Nauvoo Expositor ʻa ia ne fakaʻaiʻai ai ke fakataʻeʻaongaʻi e lao ʻo Nāvuú pea fai mo ha ngaahi tukuakiʻi loi mo fakatupuʻita ʻo Siosefa Sāmita pea mo e Kāingalotú.
10 Sune 1844	Naʻe pehē ʻe he Fakataha Alēlea ʻo e Kolo ko Nāvuú, pea takimuʻa ai ʻa Siosefa Sāmita, ko e Nauvoo Expositor ko ha fakakina ia ki he kakaí pea naʻe tuʻutuʻuni ke fakaʻauha ʻa ʻenau mīsini pākí.
12 Sune 1844	Naʻe puke pōpula ʻa Siosefa Sāmita ki hono maumauʻi ʻo e mīsini paaki ʻa e Nauvoo Expositor pea naʻe toe tukuange pē ia ʻe he Fakamaauʻanga Fakakolo ʻo Nāvuú. Naʻe toe puke pōpula ia mo tukuange ʻi he ʻaho 17 ʻo Suné.
24 Sune 1844	Naʻe mavahe ʻa Siosefa Sāmita mei Nāvū ke fehangahangai mo hano fakaʻilo ia ʻi Kātesi, ʻIlinoisi ki hono maumauʻi ʻo e Nauvoo Expositor. Naʻe fononga fakataha mo ia ʻa Hailame Sāmita mo ha niʻihi kehe. Naʻe ʻave pōpula kinautolu ʻo tauhi ʻi he fale fakapōpula Kātesí.
27 Sune 1844	Naʻe tamateʻi ʻa Siosefa mo Hailame Sāmita ʻe ha kau fakatanga ne nau fakamahafu lolotonga hono tauhi kinaua ʻi he fale fakapōpula ʻi Kātesi, ʻIlinoisí. Naʻe lavea lahi ʻa Sione Teila.
ca. Siulai 1844	Tokāteline mo e Ngaahi Fuakava 135: Ko e fanongonongo hono fakapoongi ʻo Siosefa Sāmita ko e Palōfitá mo hono tokoua ko Hailame Sāmita ko e Pēteliaké ʻi Kātesi, ʻIlinoisi ʻi he ʻaho 27 ʻo Sune 1844. Naʻe fakakau ʻa e fakamatala ko ʻení ʻi he fakaʻosinga ʻo e pulusinga 1844 ʻo e Tokāteline mo e Ngaahi Fuakavá, ʻa ia naʻe meimei maau ke pulusi ʻi he taimi naʻe fakapoongi ai ʻa Siosefa mo Hailame Sāmitá.
8 ‘Aokosi 1844	Hili e fanongo kia Sitenei Likitoni mo Pilikihami ʻIongí, naʻe loto ʻa e Kāingalotu naʻe fakatahataha maí ke hikinimaʻi e Kōlomu ʻo e Kau ʻAposetolo ʻe Toko Hongofulu Mā Uá ke nau tataki ʻa e Siasí.

1845

29 Sānuali 1845	Naʻe fakataʻeʻaongaʻi ʻa e lao ʻo Nāvuú ʻe he fale alea ʻo ʻIlinoisí. ʻI he ngaahi māhina ne hoko aí, naʻe ʻikai ke ola lelei ʻa e toutou feinga ke maʻu ha lao ke fetongi ʻakí.
1 Māʻasi 1845	ʻI he fakalalahi ʻa e fakafepakí ʻi Nāvū, ʻIlinoisí, naʻe ʻave ʻe he Fakataha Alēlea ʻo e Toko Nimangofulú ha kulupu fakataha mo Luisi Teina ki he feituʻu fakahihifó ke fekumi ki ha feituʻu foʻou maʻá e Kāingalotú. Naʻe mavahe atu ʻa e fonongá ʻi he ʻaho 23 ʻo ʻEpeleli 1845.
28 Māʻasi 1845	Naʻe tataki ʻe Laimani Uaiti ha kulupu mei he Vahefonua Uisikonisiní ke sivisiviʻi ha nofoʻanga ʻi Tekisisi.
30 Mē 1845	Naʻe pehē ʻe ha kau sula ʻo e Fakamaauʻanga ʻi he Vāhenga Henikoká ʻi Kātesi, ʻIlinoisi, naʻe ʻikai ke halaia ʻa e kau tangata ʻe toko nima naʻe hopoʻi ki hono fakapoongi ʻo Siosefa Sāmitá.
28 ‘Aokosi 1845	Naʻe kamata palani ʻa Pilikihami ʻIongi mo e kau taki kehe ʻo e Siasí ʻi Nāvū, ʻIlinoisí ha fononga ki he konga ki ʻolunga ʻo Kalefōniá ʻi he faʻahitaʻu failau ʻo e 1846.
1 Sepitema 1845	Naʻe foki mai ʻa Taniela Sipenisā mo Sālesi Samuei ki Nāvū, ʻIlinoisi mei heʻena ngāue fakafaifekau ki he “vahefonua ʻo e Kau ʻInitiá” hili ha fepōtalanoaʻaki mo Luisi Teina.
9 Sepitema 1845	Naʻe fili ʻa e Fakataha Alēlea ʻo e Toko Nimangofulú ke fokotuʻutuʻu ha ngaahi kulupu hikifonua ke nau mavahe mei Nāvū, ʻIlinoisi ki he Hihifó ʻi he faʻahitaʻu failau ʻo e 1846.
20 Sepitema 1845	Naʻe tuʻutuʻuni ʻe he kōvana ʻIlinoisi ko Tōmasi Fōtí ke toe fakafoki ʻe he kau sōtia ʻa e puleʻangá ʻa e melinó ki he Vāhenga Henikoka, ʻIlinoisí.
24 Sepitema 1845	Naʻe pulusi ʻe Pilikihami ʻIongi mo Uiliate Lisiate ha fakamatala ʻo fakahaaʻi ai e taumuʻa ʻa e Kāingalotú ke nau mavahe mei ʻIlinoisí kae koloá ke fakafoki ʻa e melinó pea mo maʻu ʻe he Kāingalotú ha tokoni ʻi hono fakatau atu honau kelekelé. Naʻe fakatahataha hake ha kakai ʻoku nau fehiʻa ʻi he Kāingalotú mei he ngaahi vāhenga kaungāʻapí ki Kātesi, ʻIlinoisi ʻi he ʻaho 1–2 ʻo ʻOkatopá pea naʻa nau tali ʻa e fakamatala naʻe ʻoatú.
5 ʻOkatopa 1845	Naʻe fakataha mai ʻa e Kāingalotú ki he fungavaka ʻuluaki ʻo e loki fakataha ʻi he Temipale Nāvuú ʻo fakatapui e konga ko ia ʻo e falé ko e teuteu ki he konifelenisi lahi ʻa e Siasí.
6 ʻOkatopa 1845	Naʻe tali ʻe ha konifelenisi lahi ʻa e Siasí ʻa e tuʻutuʻuni ke hiki ki he feituʻu fakahihifó ʻi he faʻahitaʻu failau hono hokó. Naʻe fakapapau ʻa e kau mēmipá ke ʻoua naʻa liʻaki ha taha ʻe loto ke hiki ki he hihifó.
30 Nōvema 1845	Naʻe fakatapui ʻe he kau taki ʻo e Siasí ʻa e loki ʻi ʻolunga ʻo e Temipale Nāvuú.
10 Tīsema 1845	Naʻe kamata ke fakahoko ʻe he Siasí ʻa e ʻenitaumení ʻi he Temipale Nāvuú. ʻI he konga kimuʻa ʻo e 1846, naʻe kamata ke silaʻi ʻe he kau ʻaposetoló ʻa e ngaahi hoa malí ki taimi mo ʻitāniti.
18 Tīsema 1845	Naʻe tukuakiʻi hala ʻa Pilikihami ʻIongi mo ha kau taki kehe pea fakaʻilo kinautolu ki he ngāue kākā.

1846–1847

4 Fēpueli 1846	Ko e mavahe ʻa e fuofua kulupu ʻo e Kāingalotú mei Nāvū ʻo kolosi atu he Vaitafe Misisipí ki he Vahefonua ʻAiouaá.
8 Fēpueli 1846	Naʻe fakangata ʻe he kau taki ʻo e Siasí hono fakahoko e ngaahi ouau ʻi he Temipale Nāvuú hili hono fakahoko hokohoko ia ʻi ha ngaahi ʻaho lahi. Naʻa nau tūʻulutui takatakai ʻi he ʻōlitá ʻo kolea e tāpuaki ʻa e ʻOtuá maʻanautolu ʻoku fononga ki he hihifó.
15 Fēpueli 1846	Naʻe kolosi ʻa Pilikihami ʻIongi ʻi he Vaitafe Misisipí ki he Vahefonua ʻAiouaá.
Sānuali 1847	Tokāteline mo e Ngaahi Fuakava 136: Ko e folofola mo e finangalo ʻo e ʻEikí, naʻe fakafou mai ʻia Pilikihami ʻIongi ʻi he Nofoʻanga Fakafaʻahitaʻu Momokó, ʻi he kauvai fakahihifo ʻo e Vaitafe Mīsulí, ofi ki Kaunisila Palafu, ʻAiouā.
24 Siulai 1847	Naʻe tūʻuta ʻa Pilikihami ʻIongi pea mo e ʻuluaki kulupu ʻo e Kāingalotú ki he Teleʻa Sōlekí.
27 Tīsema 1847	Naʻe hikinimaʻi ʻa Pilikihami ʻIongi ko e palesiteni hono ua ʻo e Siasí ʻi ha konifelenisi ʻi Kanesivila, ʻAiouā. Naʻe hikinimaʻi ʻa Hiipa C. Kimipolo mo Uiliate Lisiate ko e ongo tokoni ʻi he Kau Palesitenisī ʻUluakí.

1877–1898

6 ʻEpeleli 1877	Naʻe fakatapui ʻa e Temipale Seni. Siaosí ʻe Taniela H. Uele, ko ha tokoni ʻi he Kau Palesitenisī ʻUluakí.
10 ʻOkatopa 1880	Naʻe hikinimaʻi ʻa Sione Teila ko e palesiteni hono tolu ʻo e Siasí ʻi he konifelenisi lahí. Naʻe hikinimaʻi ʻa Siaosi Q. Kēnoni mo Siosefa F. Sāmita ko e ongo tokoni ʻi he Kau Palesitenisī ʻUluakí.
17 Mē 1884	Naʻe fakatapui ʻa e Temipale Lōkani ʻIutaá ʻe Sione Teila.
17 Mē 1888	Naʻe fakatapui ʻa e Temipale Manitai ʻIutaá ʻe Lolenisou Sinou.
7 ʻEpeleli 1889	Naʻe hikinimaʻi ʻa Uilifooti Utalafi ko e palesiteni hono fā ʻo e Siasí ʻi he konifelenisi lahí. Naʻe hikinimaʻi ʻa Siaosi Q. Kēnoni mo Siosefa F. Sāmita ko e ongo tokoni ʻi he Kau Palesitenisī ʻUluakí.
6 ʻOkatopa 1890	Fanongonongo Fakamafaiʻi 1: ʻI ha fakamatala naʻe ʻiloa ko e “The Manifesto (Ko e Tuʻutuʻuní),” naʻe fakahā ai ʻe Uilifooti Utalafi kuo ʻikai ke toe hoko atu ʻe he Siasí hono fakahoko ʻo e mali tokolahí.
6 ʻEpeleli 1893	Naʻe fakatapui ʻa e Temipale Solekí ʻe Uilifooti Utalafi.
13 Sepitema 1898	Naʻe hikinimaʻi ʻa Lolenisou Sinou ʻe he Kōlomu ʻo e Kau ʻAposetolo ʻe Toko Hongofulu Mā Uá ke hoko ko e palesiteni hono nima ʻo e Siasí. Naʻe hikinimaʻi ia ʻi he konifelenisi lahi ʻo e ʻaho 9 ʻo ʻOkatopa 1898. Naʻe hikinimaʻi ʻa Siaosi Q. Kēnoni mo Siosefa F. Sāmita ko e ongo tokoní.

1901–1978

17 ʻOkatopa 1901	Naʻe vaheʻi ʻa Siosefa F. Sāmita ko e palesiteni hono ono ia ʻo e Siasí. Naʻe hikinimaʻi ia ʻi ha konifelenisi makehe ʻi he ʻaho 17 ʻo Nōvema 1901. Naʻe hikinimaʻi ʻa Sione R. Uainitā mo ʻAnitoni H. Lani ke hoko ko e ongo tokoni.
3 ʻOkatopa 1918	Tokāteline mo e Ngaahi Fuakava 138: Ko ha meʻa-hā-mai naʻe foaki kia Palesiteni Siosefa F. Sāmita ʻi Sōleki Siti, ʻIutā. Naʻe fakahā ʻe Palesiteni Sāmita ʻi he konifelenisi lahí naʻá ne maʻu ha ngaahi fetuʻutaki fakalangi lolotonga e ngaahi māhina kimuʻá ʻo fekauʻaki mo hono huhuʻi ʻo e kakai pekiá. Naʻe hiki ʻa e fakamatalá hili e fakaʻosinga ʻo e konifelenisí pea naʻe loto-taha ʻa e Kau Palesitenisī ʻUluakí, Fakataha Alēlea ʻo e Toko Hongofulu Mā Uá, pea mo e Pēteliaké ke tali kakato ia ʻi he ʻaho 31 ʻo ʻOkatopa 1918.
23 Nōvema 1918	Naʻe fakanofo mo vaheʻi ʻa Hiipa J. Kalānite ke hoko ko e palesiteni hono fitu ʻo e Siasí. Naʻe hikinimaʻi ia ʻi he konifelenisi lahi hono hokó, ʻa ia naʻe toloi ki he ʻaho 1 ʻo Sune 1919 koeʻuhí ko e mahaki fakaʻauha ʻo e mofí (influenza). Naʻe hikinimaʻi ʻa ʻAnitoni H. Lani mo Sālesi W. Penilose ke hoko ko e ongo tokoníi.
27 Nōvema 1919	Naʻe fakatapui ʻa e Temipale Laʻie Hauaiʻí ʻe Hiipa J. Kalānite (ko e temipale hono fitú; ko e fuofua temipale ia ne tuʻu ʻo mavahe mei he konitinēniti ʻIunaiteti Siteití).
26 ‘Aokosi 1923	Naʻe fakatapui ʻa e Temipale Katisitoni ʻAlapetá ʻe Hiipa J. Kalānite (ko e temipale hono valú; ko e fuofua temipale ia ne tuʻu ʻi tuʻa mei he ʻIunaiteti Siteití).
23 ʻOkatopa 1927	Naʻe fakatapui ʻa e Temipale Mesa ʻAlesoná ʻe Hiipa J. Kalānite (ko e temipale hono hivá).
21 Mē 1945	Naʻe vaheʻi ʻa Siaosi ʻAlipate Sāmita ko e palesiteni hono valu ʻo e Siasí. Naʻe hikinimaʻi ia ʻi he konifelenisi lahi ʻo e ʻaho 5 ʻo ʻOkatopa 1945. Naʻe hikinimaʻi ʻa J. Lūpeni Kalake mo Tēvita O. Makei ke hoko ko e ongo tokoní.
23 Sepitema 1945	Naʻe fakatapui ʻa e Temipale ʻAitahō Folo ʻAitahoó ʻe Siaosi ʻAlipate Sāmita (ko e temipale hono hongofulú).
9 ʻEpeleli 1951	Naʻe hikinimaʻi mo vaheʻi ʻa Tēvita O. Makei ko e palesiteni hono hiva ia ʻo e Siasí ʻi he konifelenisi lahí. Naʻe hikinimaʻi ʻa Sitīveni L. Lisiate mo J. Lūpeni Kalake ke hoko ko e ongo tokoní.
11–15 Sepitema 1955	Naʻe fakatapui ʻa e Temipale Peeni Suisalaní ʻe Tēvita O. Makei (ko e temipale hono hongofulu mā tahá; ko e fuofua temipale ʻi ʻIulopé).
11 Māʻasi 1956	Naʻe fakatapui ʻa e Temipale Losi ʻEniselesi Kalefōniá ʻe Tēvita O. Makei (ko e temipale hono hongofulu mā uá).
20 ʻEpeleli 1958	Naʻe fakatapui ʻa e Temipale Hemilitoni Nuʻu Silá ʻe Tēvita O. Makei (ko e temipale hono hongofulu mā tolú; ko e fuofua temipale ʻi he Pasifiki Sauté).
7 Sepitema 1958	Naʻe fakatapui ʻa e Temipale Lonitoni ʻIngilaní ʻe Tēvita O. Makei (ko e temipale hono hongofulu mā faá).
17 Nōvema 1964	Naʻe fakatapui ʻa e Temipale ʻOkalani Kalefōniá ʻe Tēvita O. Makei (ko e temipale hono hongofulu mā nimá).
23 Sānuali 1970	Naʻe vaheʻi ʻa Siosefa Filitingi Sāmita ko e palesiteni hono hongofulu ia ʻo e Siasí. Naʻe hikinimaʻi ia ʻi he konifelenisi lahi ʻo e ʻaho 6 ʻo ʻEpeleli 1970. Naʻe hikinimaʻi ʻa Hāloti B. Lī mo N. ʻEletoni Tena ke hoko ko e ongo tokoní.
18 Sānuali 1972	Naʻe fakatapui ʻa e Temipale ʻOkiteni ʻIutaá ʻe Siosefa Filitingi Sāmita (ko e temipale hono hongofulu mā onó).
7 Siulai 1972	Naʻe vaheʻi ʻa Hāloti B. Lī ko e palesiteni hono hongofulu mā taha ia ʻo e Siasí. Naʻe hikinimaʻi ia ʻi he konifelenisi lahi ʻi he ʻaho 6 ʻo ʻOkatopa 1972. Naʻe hikinimaʻi ʻa N. ʻEletoni Tena mo Melioni G. Lomenī ke hoko ko e ongo tokoní.
9 Fēpueli 1972	Naʻe fakatapui ʻa e Temipale Polovo ʻIutaá ʻe Siosefa Filitingi Sāmita (ko e temipale hono hongofulu mā fitú).
30 Tīsema 1973	Naʻe vaheʻi ʻa Sipenisā W. Kimipolo ko e Palesiteni hono hongofulu mā ua ia ʻo e Siasí. Naʻe hikinimaʻi ia ʻi he konifelenisi lahi ʻo e ʻaho 6 ʻo ʻEpeleli 1974. Naʻe hikinimaʻi ʻa N. ʻEletoni Tena mo Melioni G. Lomenī ke hoko ko e ongo tokoní.
19 Nōvema 1974	Naʻe fakatapui ʻa e Temipale Uasingatoni D.C. ʻe Sipenisā W. Kimipolo (ko e temipale hono hongofulu mā valú).
8 Sune 1978	Fanongonongo Fakamafaiʻi 2: Naʻe fanongonongo ʻa e fakahā ʻo hono toʻo ʻo e ngaahi fakangatangata fakaematakalí, ʻa ia naʻe fakaʻaongaʻi kimuʻa ki he fakanofo ki he lakanga fakataulaʻeikí mo e ngaahi ouau fakatemipalé. Naʻe fakamatalaʻi ʻa e fakahaá pea naʻe hikinimaʻi ia ʻi he loto-taha ʻi he konifelenisi lahi ʻo e ʻaho 30 ʻo Sepitema 1978.
30 ʻOkatopa 1978	Naʻe fakatapui ʻa e Temipale Sao Paulo, Palāsilá ʻe Sipenisā W. Kimipolo (ko e temipale hono hongofulu mā hivá; ko e fuofua temipale ʻi ʻAmelika Latiná).