Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: Siosefa ʻIongi, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Siosefa ʻIongi, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Siosefa ʻIongi
(1797–1881)
Siosefa ʻIongi, hili ʻa e 1847, laʻitā, Church History Library, PH 1700 3768.
Naʻe fāʻeleʻi ʻa Siosefa ʻIongi ʻi Hopikinitoni, Masasūseti, ko ha taʻokete ʻo Pilikihami ʻIongi. Naʻe papitaiso ia ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní pea fakanofo ia ko ha kaumātuʻa ʻi ʻEpeleli 1832. ʻI he taʻu ko iá, naʻá ne ʻalu ai ʻi ha ngaahi ngāue fakafaifekau ki Niu ʻIoke mo e Konga ʻo Kānata ki ʻOlungá. ʻI he faʻahitaʻu fakatōlau ʻo e 1832, naʻá ne hiki ki Ketilani, ʻOhaiō, ʻi he hili iá naʻá ne ngāue fakafaifekau tuʻo ua ki he Konga ʻo Kānata ki ʻOlungá. Naʻá ne mali mo Sēini Pikanela ʻi he 1834. Kimui ange ʻi he taʻu ko iá, naʻá ne kau ʻi he fononga ʻa e ʻApitanga ʻo ʻIsilelí ki Mīsulí. ʻI he 1835, naʻe fakanofo ʻa ʻIongi ko ha Fitungofulu, naʻe fokotuʻu ia ko e palesiteni ʻo e ʻUluaki Kōlomu ʻo e Kau Fitungofulú, pea naʻá ne ngāue fakafaifekau ki he fakahahake ʻo ʻIunaiteti Siteití. Naʻá ne hoko ko ha tokotaha maʻu sitoka ʻi he Sōsaieti Maluʻi ʻo Ketilaní. Naʻe hiki ʻa ʻIongi ki Mīsuli ʻi he 1838, ʻa ia naʻá ne mamata tonu ai ki he fakapō fakatokolahi ʻi he Fale Fahiʻanga Papa ʻa Hauní kimuʻa peá ne toki kau ki he hikifononga ʻa e Kāingalotú mei he siteití. ʻI he 1840, naʻá ne nofo ʻi Nāvū, ʻIlinoisi. ʻI aí, ʻi he 1844, naʻe fili ai ia ko e “palesiteni ʻuluaki ʻi he ngaahi kōlomu kotoa ʻo e kau fitungofulú.” Naʻe fakakau ia ki he Fakataha Alēlea ʻo e Toko Nimangofulú ʻi he taʻu hono hokó. Mei he 1846 ki he 1850, naʻá ne nofo ʻi he Nofoʻanga Fakafaʻahitaʻu Momokó (kimui ange ʻi ʻOmahā, Nepulasikā), pea ʻi Katavila, ʻAiouā. Naʻá ne hiki ki he Vahefonua ‘Iutaá ʻi he 1850.
Ngaahi Fakamoʻoni Fakafolofola ʻi he Tokāteline mo e Ngaahi Fuakavá