Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: Kitione Kaata, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Kitione Kaata, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Kitione Kaata
(1798–1838)
Naʻe fāʻeleʻi ʻa Kitione Kaata ʻi Kilingiuooti, Konetikati ʻi he 1798. Naʻá ne mali mo Hila (Hilitā) Poueli ʻi he 1822. ʻI ʻOkatopa 1831, naʻe papitaiso ʻa Kaata ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní pea naʻe fakanofo ia ko ha taulaʻeiki ʻi ʻOlenisi, ʻOhaiō. ʻI Sānuali ʻo e taʻu hono hokó, naʻe fakanofo ia ko ha kaumātuʻa pea naʻe uiuiʻi ke ne ngāue fakafaifekau (Tokāteline mo e Ngaahi Fuakava 75:34). Hili ʻene malanga ʻi Penisilivēniá, naʻá ne hiki ki Ketilani, ʻOhaiō, ʻi Sepitema ʻo e 1832. ʻI he taʻu pē hono hokó, naʻá ne toe mali mo Sālote Uti. ʻI he 1837 naʻá ne fua fatongia ʻi he fakataha alēleaʻanga māʻolunga ʻi Ketilaní peá ne hoko ko ha mēmipa ʻo e Sōsaieti Maluʻi ʻo Ketilaní. Naʻá ne hiki ki Hihifo Mamaʻo, Mīsuli ʻi he 1838, pea naʻe tamateʻi ai ia ʻi he Tau ʻi he Vaitafe Pikopikó ʻi he Vāhenga Lei, Mīsulí.
Ngaahi Fakamoʻoni Fakafolofola ʻi he Tokāteline mo e Ngaahi Fuakavá