Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: Siosefa Sāmita ko e Lahí, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Siosefa Sāmita ko e Lahí, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Siosefa Sāmita ko e Lahí.
(1771–1840)
Siosefa Sāmita ko e Lahí, 1972, penivahevahe ʻi he laʻipepa, William Whitaker, Church History Museum.
Naʻe fāʻeleʻi ʻa Siosefa Sāmita ko e Lahí ʻi Topisifila, Masasūseti ʻi he 1771. ʻI he 1796, naʻá ne mali mo Lusi Meki ʻi Tanipilisi, Veamoni. Naʻá ne maʻu ha fakahā kimuʻa (Tokāteline mo e Ngaahi Fuakava 4). ʻI Sune ʻo e 1829, ko e taha ia ʻo e Kau Fakamoʻoni ʻe Toko Valu ki he Tohi ʻa Molomoná, pea ʻi he taʻu hono hokó, ʻi he ʻaho 6 ʻo ʻEpeleli 1830, naʻe papitaiso ai ia ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi Seneka, Niu ʻIoke. Naʻá ne hiki ki Ketilani, ʻOhaiō ʻi he 1831, ʻa ia ne fakanofo ai ia ko ha taulaʻeiki lahi, kau ʻi he Akoʻanga ʻo e Kau Palōfitá, ngāue ʻi he fakataha alēleaʻanga māʻolunga ʻi Ketilaní (Tokāteline mo e Ngaahi Fuakava 102:3), pea naʻe ui ia ko e pēteliake mo e tokoni palesiteni ʻo e Siasí. ʻI he 1836, naʻá ne ʻalu mo hono tokoua ko Sione Sāmitá ʻo ngāue fakafaifekau ki he fakahahake ʻo e ʻIunaiteti Siteití. Naʻá ne hiki ki Hihifo Mamaʻo, Mīsuli ʻi Mē ʻo e 1838, hiki ki Kuinisī, ʻIlinoisi ʻi Fēpueli ʻo e 1839, pea ki Nāvū, ʻIlinoisi ʻi he faʻahitaʻu failaú. ʻI he taʻu hono hokó, naʻá ne mālōlō ʻi Nāvū.
Ngaahi Fakamoʻoni Fakafolofola ʻi he Tokāteline mo e Ngaahi Fuakavá