Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: Uiliate Lisiate, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Uiliate Lisiate, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Uiliate Lisiate
(1804–54)
UIliate Lisiate, ca. 1845, laʻitā ʻa Lucian R. Foster, Church History Library, PH 4819.
Naʻe fanauʻi ʻa Uiliate Lisiate ʻi Hopikinitoni, Masasūseti ʻi he 1804. Naʻá ne papitaiso ʻi Tīsema 1836 ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi Ketilani, ʻOhaiō. Naʻá ne ngāue fakafaifekau ki ʻIngilani mei he 1837 ki he 1841, lolotonga iá naʻá ne mali mo Sēneta Lisiate pea naʻe fakanofo ia ko ha mēmipa ʻo e Kōlomu ʻo e Kau ʻAposetolo ʻe Toko Hongofulu Mā Uá (Tokāteline mo e Ngaahi Fuakava 118:6). ʻI Tīsema 1841, naʻe hiki ʻa Lisiate ki Nāvū, ʻIlinoisi ʻo ne hoko ai ko e tauhi lekooti ʻi he Temipale Nāvuú, tangata tohi mo e sekelitali ʻa Siosefa Sāmita, pea mo e faihisitōlia ʻa e Siasí, mo ha ngaahi fatongia kehekehe. Naʻe ʻi ai ʻa Lisiate ʻi hono fakapoongi ʻo Siosefa mo Hailame Sāmita ʻi he Fale Fakapōpula Kātesí ʻi Sune 1844 (Tokāteline mo e Ngaahi Fuakava 125:2). Naʻá ne hiki ki he Teleʻa Sōlekí ʻi he Vahefonua ʻIutaá mo e Kāingalotu kehé ʻi he 1846–47 pea naʻá ne foki leva ki he Nofoʻanga Fakafaʻahitaʻu Momokó, ʻa ia naʻe hoko kimui ange ko Nepulasikā. Naʻe fili ia ko e Tokoni Ua kia Pilikihami ʻIongi ʻi he Kau Palesitenisī ʻUluakí ʻi he 1847. ʻI he 1848, naʻá ne tataki ha kulupu ʻo e Kāingalotú ʻo foki ki he Teleʻa Sōlekí, ʻa ia naʻá ne iku ʻo mālōlō ai ʻi he 1854.
Ngaahi Fakamoʻoni Fakafolofola ʻi he Tokāteline mo e Ngaahi Fuakavá