Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: Sione Kouliti, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Sione Kouliti, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Sione Kouliti
(1784–1855)
Naʻe fāʻeleʻi ʻa Sione Kouliti ʻi Niu Hamisea ʻi he 1784. Naʻá ne mali mo ʻOlivia Suanisoni ʻi ha taimi kimuʻa he 1808. Naʻe hiki ʻa Kouliti mo hono fāmilí mei Niu Hamisea ki Veamoni mo Penisilivēnia kimuʻa pea nau toki nofo ʻi Niu ʻIoke ʻi he 1830. ʻI Tīsema ʻo e 1832, naʻe papitaiso ai ʻa Kouliti ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní pea fakanofo ia ko ha kaumātuʻa ʻi he Vāhenga Satokuaá, Niu ʻIoke. Naʻá ne hiki ki Ketilani, ʻOhaiō ʻi he aʻu ki he 1833. ʻI ʻAokosi ʻo e 1833, ʻi he fakahinohino ʻa Siosefa Sāmitá, naʻe fononga ʻa Kouliti mo ʻOasoni Haiti ki Mīsuli ke fakahinohinoʻi ʻa e kau taki ʻo e siasí fekauʻaki mo e fakatonutonu fakalao mo e maluʻi maʻá e kau mēmipa ʻo e Siasí ʻi aí. ʻI he taʻu hono hokó, naʻá ne tokoni kia Siosefa Sāmita ʻomi ha kau ngāue ʻofa ki he fononga tokolahi ʻa e ʻApitanga ʻo ʻIsilelí ki Mīsulí. ʻI he aʻu ki ʻEpeleli 1836, naʻá ne kau ki he Kōlomu Hono Ua ʻo e Kau Fitungofulú, peá ne hoko kimui ange ko ha palesiteni ʻo e Kau Fitungofulú. ʻI he 1846, naʻá ne fengāueʻaki mo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimuí Ni ʻa Sēmisi J. Sitālingí.
Ngaahi Fakamoʻoni Fakafolofola ʻi he Tokāteline mo e Ngaahi Fuakavá