Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: Uiliami Lao, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Uiliami Lao, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Uiliami Lao
(1809–92)
Uiliami Lao, laʻitā.
Naʻe fanauʻi ʻa Uiliami Lao ʻi he Vāhenga Tailoní, ʻAilani ʻi he 1809. Naʻá ne mali mo Seini Silivatoni ʻi he 1833 ʻi ʻIoke, ʻi he Konga ʻo Kānata ki ʻOlungá. ʻI he aʻu ki he 1837, naʻe papitaiso ʻa Lao ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. Naʻá ne hoko ko e palesiteni kaumātuʻa ʻo e kolo ʻo e Siasí ʻi Siasivili, Kānatá lolotonga e 1837 mo e 1838. Naʻá ne hiki ʻi he 1839 ki Kōmeesi, ʻIlinoisi, ʻa ia naʻe fakahingoa kimui ange ko Nāvuú. Naʻe fakahinohinoʻi ia ʻi ha fakahā ʻi Sānuali 1841 ke ne fakatau mai ha ʻinasi ki hono langa ʻo e Fale Nāvuú (Tokāteline mo e Ngaahi Fuakava 124:82). Naʻá ne hoko ko ha tokoni ʻi he Kau Palesitenisī ʻUluakí ʻi Nāvū mei he 1841 ki he 1844 (vakai, Tokāteline mo e Ngaahi Fuakava 124:126). Lolotonga e taimi ko iá, naʻá ne toe ngāue fakafaifekau foki ki Filatelafia, pea naʻá ne ngāue ʻi ha ngaahi lakanga fakapuleʻanga kehekehe. Naʻe toʻo ʻa Lao mei he Kau Palesitenisī ʻUluakí ʻi Sānuali 1844, pea naʻe tuʻusi ia mei he Siasí ʻi ʻEpeleli ʻo e taʻu ko iá. Naʻá ne hanga mo ha kau fakafepaki kehe ʻo fokotuʻu ha siasi foʻou, pea naʻe hoko ʻa Lao ko e taha ʻo e kau faipulusi ʻo e nusipepa ne fakafepaki ki he Siasí ko e Nauvoo Expositor.
Ngaahi Fakamoʻoni Fakafolofola ʻi he Tokāteline mo e Ngaahi Fuakavá