Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: Viniseni Naiti, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Viniseni Naiti, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Viniseni Naiti
(1804–42)
Naʻe fanauʻi ʻa Viniseni Naiti ʻi Noauisi, Masasūseti ʻi he 1804. Naʻá ne mali mo Māʻata Makapalaiti ʻi he 1826. Naʻe papitaiso ʻa Naiti ʻi he faʻahitaʻu failau ʻo e 1834 ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. ʻI ha taʻu hono hokó naʻá ne hiki ki Ketilani, ʻOhaiō, ʻa ia naʻe fakanofo ai ia ko ha kaumātuʻa mo ha taulaʻeiki lahi. Naʻá ne hoko ʻi Ketilani ko ha tokoni kia Pīsope Niueli K. Uitenī pea naʻá ne maʻu ʻinasi ʻi he Sosaieti Maluʻi ʻo Ketilaní. Naʻá ne hiki ʻi he 1837 ki Hihifo Mamaʻo, Mīsuli. ʻI he taʻu hono hokó, naʻe fili ia ke ne hoko ko ha pīsope leʻoleʻo ʻi ʻĀtama-ʻonitai-ʻĀmani, Mīsuli. Hili hono tuli ʻo Naiti mei Mīsuli mo e Kāingalotu kehé, naʻá ne tokoni ke fakatau mai ha kelekele ʻeka ʻe tahamano valuafe maʻá e Siasí ʻi he Vahefonua ʻAiouaá. Naʻá ne nofo leva ʻi Kōmeesi, ʻIlinoisi, ʻa ia naʻe fakahingoa kimui ange ko Nāvuú, ʻa ia naʻe ui ai ia ko e pīsope ʻo e Uooti Louá pea naʻá ne ngāue ʻi he ngaahi lakanga fakapuleʻanga. ʻI Sānuali 1841, naʻe fakahinohinoʻi ʻa Naiti ʻi ha fakahā ke ne fakatau mai ha sitoka ki hono langa ʻo e Fale Nāvuú pea “ke pule ki he ngāue fakapīsopé” (Tokāteline mo e Ngaahi Fuakava 124:74, 141). Naʻá ne mālōlō ʻi he taʻu hono hokó ʻi Nāvū.
Ngaahi Fakamoʻoni Fakafolofola ʻi he Tokāteline mo e Ngaahi Fuakavá