Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: Noa Paketi, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Noa Paketi, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Noah Paketi
(1796–1860)
Naʻe fanauʻi ʻa Noa Paketi ʻi Peleinifila, Masasūseti. Naʻá ne mali mo Sōfia Punitī ʻi he 1820 pea naʻe papitaiso ia ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻe Paʻale P. Pālati ʻi he 1832. Naʻe fakanofo ʻe Siosefa Sāmita ʻa Paketi ko ha taulaʻeiki ʻi Tīsema 1832, pea hili iá naʻe fokotuʻu ʻa Paketi ke ngāue fakafaifekau ʻi Paakamani, ʻOhaiō, ʻa ia naʻá ne lolotonga nofo aí. ʻI he 1833, naʻá ne mavahe atu ke toe ngāue fakafaifekau ki he feituʻu fakahahake ʻo e ʻIunaiteti Siteití, naʻe fakanofo ia ko ha kaumātuʻa, pea naʻe fokotuʻu ia ko e palesiteni ʻo e kolo ʻo e Siasí ʻi Paakamaní. Naʻá ne hiki ki Ketilani, ʻOhaiō ʻi he 1835, pea naʻe fakanofo ia ʻi he 1836 ko ha taulaʻeiki lahi pea naʻá ne hoko ko ha mēmipa ʻo e fakataha alēlea māʻolungá. Naʻá ne hoko foki ko ha tokotaha maʻu sitoka ʻi he Sōsaieti Maluʻi ʻo Ketilaní. ʻI he aʻu ki he 1839, naʻe ʻosi hiki ʻa Paketi ki Kōmeesi, ʻIlinoisi, ʻa ia naʻe fakahingoa kimui ko Nāvuú. Naʻá ne ngāue ai ko ha tokoni ʻi he kau palesitenisī ʻo e kōlomu ʻo e kau taulaʻeiki lahí kia Toni Kālosi Sāmita pea toki hoko atu kia Siaosi Mila mei he 1840 ki he 1846. Naʻe ngāue fakafaifekau ʻa Paketi ki ha ngaahi feituʻu kehekehe ʻi he ʻIunaiteti Siteití ʻi he 1841–43 mo e 1845. ʻI he 1845, naʻá ne toe hoko foki ko ha fakafofonga maʻá e Siasí ke tānaki ha paʻanga ʻi Misikeni maʻá e Temipale Nāvuú. Naʻá ne hiki ki he Vahefonua ʻIutaá ʻi he 1850.
Ngaahi Fakamoʻoni Fakafolofola ʻi he Tokāteline mo e Ngaahi Fuakavá