Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: ʻĒsela Puuti, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
ʻĒsela Puuti, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
ʻĒsela Puuti
(1792–1873)
Naʻe fāʻeleʻi ʻa ʻĒsela Puuti ʻi Niutauni, Konetikati ʻi he 1792. Naʻá ne mali mo Toakase Teila ʻi he 1819. Naʻe hoko ʻa Puuti ko ha faifekau Metotisi ʻi Manatua, ʻOhaiō, ʻi he taimi naʻe papitaiso ai ia ko ha mēmipa ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi he 1831. Naʻe ui ia ʻe he ʻEikí ʻi ha fakahā ke ngāue fakafaifekau ki Mīsuli mo ʻAisake Moalī ʻi Sune ʻo e 1831 (Tokāteline mo e Ngaahi Fuakava 52:23), ka naʻe valokiʻi kinaua fakatouʻosi ʻi ha fakahā kimui koeʻuhí ko ha ngaahi ʻuhinga naʻe ʻikai mahino (Tokāteline mo e Ngaahi Fuakava 64:15). Naʻe ʻi ai ha aʻusia kovi ʻa Puuti ʻi he fononga fakafaifekau ko ʻení pea hili iá naʻá ne fakaangaʻi ʻa Siosefa Sāmita pea mo e Siasí. ʻI Sepitema 1831, naʻe fakataʻeʻaongaʻi ai ʻe he kau taki ʻo e Siasí ʻa e totonu ʻa Puuti ke malangá. ʻI he māhina tatau pē, naʻe kamata ke ne paaki ha ʻū tohi ʻi ha nusipepa ʻi ʻOhaiō ʻo fakaʻikaiʻi ʻa e Siasí. Naʻe fekau ʻe he ʻEikí ʻa Siosefa Sāmita mo Sitenei Likitoni ke na fakamoʻoni ki he kakaí ʻo fakafepakiʻi ʻa Puuti kae lava ke taʻofi ʻene ngaahi fakaangá (Tokāteline mo e Ngaahi Fuakava 71).
Ngaahi Fakamoʻoni Fakafolofola ʻi he Tokāteline mo e Ngaahi Fuakavá