Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: Sione E. Peisi, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Sione E. Peisi, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Sione E. Peisi
(1799–1867)
Naʻe fāʻeleʻi ʻa Sione E. Peisi ʻi Telenitoni, Niu ʻIoke ʻi he 1799. Naʻá ne mali mo Petisī Tomisoni ʻi he 1831. ʻI he 1833, naʻe papitaiso ʻa Peisi ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi Palaunihema, ʻOhaiō pea fakanofo ia ko ha kaumātuʻa hili ha māhina ʻe taha mei ai. Naʻá ne toe mali mo Lavona Sitīveni ʻi he taʻu tatau pē. ʻI he 1835, naʻe hiki ʻa Peisi ki Ketilani, ʻOhaiō. ʻI he lolotonga ʻo e 1836 ki he 1837, naʻá ne malangaʻi ʻa e ongoongoleleí ʻi he Konga ‘o Kānata ki ‘Olungá, pea ʻi he 1838 naʻá ne taki ai ha kulupu ʻo ha kau papi uluí mei he Konga ʻo Kānata ki ʻOlungá ki Mīsuli. ʻI Siulai 1838, naʻe fokotuʻu ia ʻe ha maʻu fakahā ke ne fakakakato ha tuʻunga ne ʻatā ʻi he Kōlomu ʻo e Kau ʻAposetolo ʻe Toko Hongofulu Mā Uá (Tokāteline mo e Ngaahi Fuakava 118:6). Naʻá ne toe mali mo Mele Suti ʻi he 1839. ʻI he vahaʻa ʻo e 1840 mo e 1844, naʻe ngāue fakafaifekau malanga ʻa Peisi ʻi he fakahahake ʻo e ʻIunaiteti Siteití, tokangaʻi ʻa e Siasí ʻi Pitisipeeki, pea ngāue fakafaifekau ki Uāsingatoni, D.C. ʻI he 1845, naʻá ne hoko ko ha mēmipa ʻo e Fakataha Alēlea ʻo e Toko Nimangofulú. ʻI Fēpueli 1846, naʻe toʻo ʻa Peisi mei he Kōlomu ʻo e Toko Hongofulu Mā Uá, pea tuʻusi ia [mei he Siasí] ʻi Sune ʻo e taʻu ko iá. Lolotonga e konga kimui ʻo e ngaahi taʻu 1840 tupú, naʻá ne fengāueʻaki taimi nounou mo ha niʻihi ʻo e ngaahi siasi ne nau hohoko ko ʻenau tukuʻau mei he Palōfita ko Siosefa Sāmitá. ʻI he 1862, naʻe kau ʻa Peisi ki he Siasi ʻo Kalaisí (Hendrickites).
Ngaahi Fakamoʻoni Fakafolofola ʻi he Tokāteline mo e Ngaahi Fuakavá