Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: ʻAmasa M. Laimani, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
ʻAmasa M. Laimani, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
ʻAmasa M. Laimani
(1813–77)
ʻAmasa M. Laimani, laʻitā, Church History Library, PH 1700 3741.
Naʻe fāʻeleʻi ʻa ʻAmasa M. Laimani ʻi Laimani, Niu Hamisea, ʻi he 1813. ʻI ʻEpeleli 1832, naʻe papitaiso ia ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. Naʻá ne ngāue fakafaifekau tuʻo lahi ʻi he ngaahi taʻu 1830 tupú mo e konga kimuʻa ʻo e ngaahi taʻu 1840 tupú. Naʻá ne kau ʻi he fononga ʻa e ʻApitanga ʻo ʻIsilelí ki Mīsulí ʻi he 1834. ʻI he taʻu hono hokó, naʻá ne hoko ai ko ha mēmipa ʻo e Kau Fitungofulú peá ne mali mo Malia Luʻisa Tena ʻi Ketilani, ʻOhaiō. ʻI he vahaʻa ʻo e 1837 mo e 1841, naʻe hikihiki holo ai ʻa Laimani ʻi ha ngaahi feituʻu kehekehe, kau ai ʻa Hihifo Mamaʻo, Mīsuli, pea mo Nāvū, ʻIlinoisi. ʻI Nāvuú, naʻá ne hoko ai ko ha mēmipa ʻo e Kōlomu ʻo e Kau ʻAposetolo ʻe Toko Hongofulu Mā Uá, ko ha tokoni ʻi he Kau Palesitenisī ʻUluakí, pea mo ha mēmipa ʻo e Fakataha Alēlea ʻo e Toko Nimangofulú. ʻI he 1847 mo e 1848, naʻá ne hoko ko e kapiteni ʻo e kau fononga saliote ʻi he fononga ki he Teleʻa Sōlekí ʻi he Vahefonua ʻIutaá (vakai, Tokāteline mo e Ngaahi Fuakava 136:14). Naʻe fili ia ʻi he 1851 ke ne fokotuʻu ha nofoʻanga ʻo e Siasí ʻi Seni Penatino, Kalefōnia. Naʻe hoko ʻa Laimani ko e palesiteni ʻo e Misiona ʻIulopé mei he 1860 ki he 1862. ʻI he 1867, naʻe toʻo ia mei he Kōlomu ʻo e Toko Hongofulu Mā Uá, pea naʻe tuʻusi ia mei he Siasí ʻi he 1870. ʻI he taʻu tatau pē, naʻá ne hoko ai ko e palesiteni ʻo e Siasi ʻo Saioné (naʻe ʻiloa kimui ko e “Kau Kotipeití”).
Ngaahi Fakamoʻoni Fakafolofola ʻi he Tokāteline mo e Ngaahi Fuakavá