Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: Siaosi Mila, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Siaosi Mila, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Siaosi Mila
(1794–1856)
Siaosi Mila, laʻitā ʻo ha tā valivali ʻaki e kala, Church History Library, PH 1700 3076.
Naʻe fāʻeleʻi ʻa Siaosi Mila ofi ki Sitenativila, Vesīnia. Naʻá ne mali mo Mele C. Falai ʻi he 1822 pea naʻe papitaiso ia ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻe Sione Teila ʻi he 1839. ʻI he 1840, naʻá ne hiki ki Kōmeesi, ʻIlinoisi, ʻa ia naʻe toki fakahingoa foʻou kimui ko Nāvuú, pea naʻe fakanofo ai ia ko ha taulaʻeiki lahi ʻe Siosefa Sāmita, Hailame Sāmita mo Niueli Naiti. ʻI Nāvuú, naʻá ne hoko ai ko e talāsiti mo e palesiteni ʻo e Kautaha Fale ʻa Nāvuú (Tokāteline mo e Ngaahi Fuakava 124:62, 70). ʻI he 1841, naʻe fokotuʻu ia ko e pīsope. Naʻe hoko foki ʻa Mila ko e palesiteni ʻo e kau taulaʻeiki lahí pea naʻe tali ia ki he Fakataha Alēlea ʻo e Toko Nimangofulú. ʻI he konga kimuʻa ʻo e 1840 tupú, naʻe ngāue fakafaifekau ai ʻa Mila ki he Vahefonua ʻAiouaá mo ʻIlinoisi, ki Kenitaki, ki he vaotā ʻulu painí ʻi he Vahefonua Uisikonisiní ke fakatau mai ha papa ki he Temipale Nāvuú mo e Fale Nāvuú pea toe ngāue ki Kenitaki ke fakamalanga maʻa Siosefa Sāmita ke hoko ko e palesiteni ʻo e ʻIunaiteti Siteití. Naʻe kau ʻa Mila ʻi he kau talāsiti tauhi ʻe toko tolu maʻá e Siasí ʻi he hili ʻa e pekia ʻa Siosefa Sāmita ʻi he 1844. Kimui ange ʻi he taʻu ko iá, naʻe fokotuʻu ia ko e “pīsope hono ua” ʻi he malumalu ʻo Niueli K. Uitenií. Naʻe fengāueʻaki taimi nounou ʻa Mila mo e kulupu ʻo e Kāingalotu naʻe taki ʻe Laimani Uaiti ki Tekisisi ʻi he 1848, hili iá naʻe tuʻusi ʻa Mila [mei he Siasí] pea iku ʻo ne kau ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimuí Ni ʻa Sēmisi J. Sitalingí.
Ngaahi Fakamoʻoni Fakafolofola ʻi he Tokāteline mo e Ngaahi Fuakavá