Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: Tōmasi Kolova, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Tōmasi Kolova, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Tōmasi Kolova
(1807–86)
laʻitā ʻo Tōmasi Kolova, kimuʻa ʻi he 1886.
Naʻe fanauʻi ʻa Tōmasi Kolova ʻi Uaitiholo, Niu ʻIoke. Naʻá ne mali mo Kalolaine Uaitingi ʻi he 1828 pea naʻe papitaiso ia ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻe Uāleni A. Kautele ʻi he 1834. ʻI he taʻu hono hokó, naʻe hiki ʻa Kolova ki Ketilani, ʻOhaiō. Naʻe fakanofo ia ʻi he 1836 ko ha kaumātuʻa pea naʻe ui ia ki he fakataha alēlea māʻolunga ʻo Ketilaní. Naʻá ne hiki mo hono fāmilí ki Hihifo Mamaʻo, Mīsuli ʻi he 1837, pea naʻá ne toe fua fatongia ai ʻi he fakataha alēlea māʻolungá. Naʻá ne hoko ko ha mēmipa ʻo ha kōmiti ʻi Hihifo Mamaʻo naʻa nau tokangaʻi hono fetukutuku ʻo e Kāingalotú mei Mīsuli ʻi he 1839. ʻI he taʻu tatau pē ko iá, naʻá ne hiki ki Kōmeesi, ʻIlinoisi, ʻa ia naʻe fakahingoa kimui ange ko Nāvuú, pea toe ui ia ki he fakataha alēlea māʻolunga aí. Naʻá ne toe mali mo Kalolaine Nikasoni Hāpati ʻi he 1841. Naʻe fakahoko ʻe Kolova ha ngāue fakafaifekau taimi nounou ʻe tolu ʻi he konga kimuʻa ʻo e 1840 tupu peá ne toki hiki ki he Teleʻa Sōlekí, ʻi he Vahefonua ʻIutaá ʻi ʻOkatopa 1847.
Ngaahi Fakamoʻoni Fakafolofola ʻi he Tokāteline mo e Ngaahi Fuakavá