Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: Sōsaia Patafiliti, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Sōsaia Patafiliti, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Sōsaia Patafiliti
(1795–1871)
Sōsaia Patafiliti, kimuʻa he 1871, laʻitā.
Naʻe fāʻeleʻi ʻa Sōsaia Patafiliti ʻi Tanisiteipolo, Masasūseti. Naʻá ne mali mo Poli Molitoni ʻi he 1819. Naʻá na hiki kimui ange ki Meini, ʻa ia naʻe papitaiso ai ia ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi he 1833. Naʻá ne hiki ki Ketilani, ʻOhaiō ʻi he fakafuofua ki he 1834. ʻI he 1834 mo e 1836, naʻá ne ngāue fakafaifekau ki Meini mo Veamoni. Naʻe fakanofo foki ia ko ha Fitungofulu ʻi he 1836. Naʻe hoko ʻa Patafiliti ko ha tokotaha maʻu sitoka ʻi he Sōsaieti Maluʻi ʻo Ketilaní. ʻI he 1837, naʻe fili ai ia ko ha palesiteni ʻo e Kau Fitungofulú. Naʻá ne tokoni ʻi he hiki ʻo e ʻApitanga Ketilaní ki Mīsuli ʻi he 1838; hili ha taʻu ʻe taha mei ai, naʻá ne ngāue ʻi ha kōmiti naʻá ne tataki hono hiki ʻo e Kāingalotú mei Mīsulí. Naʻe tuʻusi [mei he Siasí] ʻa Patafiliti ʻi he 1844; naʻe toe papitaiso fakafoki ia ki he Siasí ʻi he aʻu ki Sānuali ʻo e 1846. Naʻá ne toe mali mo Makeleta Loaleni ʻi Sānuali 1846 peá ne toe mali ki ha fefine ko Kalalinitā ʻi he 1853, mahalo ʻi Kalefōnia. Naʻe papitaiso ia ki he Siasi Fokotuʻutuʻu Foʻou ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi he 1865 ʻi Kalefōnia.
Ngaahi Fakamoʻoni Fakafolofola ʻi he Tokāteline mo e Ngaahi Fuakavá