Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: ʻAisake Moalī, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
ʻAisake Moalī, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
ʻAisake Moalī
(1786–1865)
ʻAisake Moalī, laʻitā.
Naʻe fāʻeleʻi ʻa ʻAisake Moalī ʻi Monitaki, Masasūseti. ʻI he 1812 naʻá ne mali mo Lusi Kani, pea fakafuofua ki he taimi ko ʻení naʻá na nofo ʻi Ketilani, ʻOhaiō. Naʻe papitaiso ʻa Moalī ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi Nōvema ʻo e 1830, pea ʻi he taʻu hono hokó, naʻá ne fakangofua ʻa e Kāingalotu mei Niu ʻIoké ke nau nofo ʻi heʻene faama ʻi Ketilaní. ʻI ha fakahā ʻi Sepitema 1831, naʻe valokiʻi ai ʻa Moalī ʻi heʻene talangataʻa ki he ʻEikí mo ʻene tukulotoʻi ha kovi ʻi hono lotó (Tokāteline mo e Ngaahi Fuakava 64:15–16). Mei he 1831 ki he 1833, naʻá ne nofo ʻi Tauʻatāina, Mīsuli (vakai, Tokāteline mo e Ngaahi Fuakava 52:23). Lolotonga ʻene ʻi aí, naʻe fili ia ke ne fokotuʻu ʻa e ngaahi kolo ʻo e Siasí ʻi Mīsulí peá ne ngāue ko ha pīsope. ʻI he faʻahitaʻu māfana mo e fakatōlau ʻo e 1835, naʻá ne ʻalu mo ʻEtuate Pātilisi ʻo ngāue fakafaifekau ki he fakahahake ʻo e ʻIunaiteti Siteití. ʻI he 1837, naʻe fakanofo ʻa Moalī ko ha pēteliake. ʻI he 1839, naʻá ne hiki ki he Vāhenga Henikoka, ʻIlinoisí. ʻI he taʻu hono hokó, naʻe fokotuʻu ia ko e palesiteni ʻo e siteiki ʻi Lima, ʻIlinoisí. ʻI he 1845, naʻá ne hiki ki Nāvū, ʻIlinoisi. Naʻá ne hiki ki ʻIutā ʻi he 1848, pea naʻá ne taki ha kulupu ʻo e Kāingalotú ʻi he Vāhenga Senipiti, ʻIutaá, ʻi he taʻu hono hokó.
Ngaahi Fakamoʻoni Fakafolofola ʻi he Tokāteline mo e Ngaahi Fuakavá