Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: Sione Uitemā, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Sione Uitemā, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Sione Uitemā
(1802–78)
Sione Uitemā, fakafuofua ki he 1870, laʻitā, Church History Library, PH 1700 77.
Naʻe fāʻeleʻi ʻa Sione Uitemā ‘i Penisilivēnia. Naʻe papitaiso ia ‘i he Vāhenga Seneka, Niu ʻIoké ʻi Sune 1829. Naʻe hoko ʻa Uitemā ko e taha ʻo e kau tangata tohi ʻa Siosefa Sāmitá lolotonga hono liliu ʻo e Tohi ʻa Molomoná pea mo hono toe vakaiʻi ʻo e Tohi Tapú, pea ko e taha ia ʻo e Kau Fakamoʻoni ʻe Toko Valu ʻo e Tohi ʻa Molomoná. Naʻe ʻi ai ha ngaahi fakahā kimuʻa naʻe fakataumuʻa kakato pe fakakonga kia Uitemā (Tokāteline mo e Ngaahi Fuakava 15; 26; 30). ʻI Tīsema 1830, naʻá ne hiki mei Niu ʻIoke ki Ketilani, ʻOhaiō. ʻI he 1831, naʻe fokotuʻu ia ko e Faihisitōlia ʻa e Siasí (Tokāteline mo e Ngaahi Fuakava 47) pea kamata ke ne tohi ha hisitōlia ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní (Tokāteline mo e Ngaahi Fuakava 69). ʻI he 1833, naʻá ne mali mo Sela Malia Siakisoni. ʻI he 1834, naʻe fili ai ia ko ha tokoni ki he kau palesitenisī ʻo e Siasí ʻi Mīsulí. Naʻá ne ngāue kimui ange ko e ʻētita ʻo e Latter Day Saints’ Messenger and Advocate, (Tokotaha Talafekau mo e Fakalaloa ʻa e Kāingalotu ʻo e Siasí) pea ʻi he lolotonga e 1836 mo e 1837, naʻá ne tokoni ki he Kāingalotú ke fokotuʻu ʻa e nofoʻanga ʻi Hihifo Mamaʻo, Mīsuli. Ka neongo iá, naʻe tuʻusi ia [mei he Siasí] ʻi Māʻasi 1838 pea naʻe tuli ia mei Hihifo Mamaʻo ʻi Sune ʻo e taʻu ko iá.
Ngaahi Fakamoʻoni Fakafolofola ʻi he Tokāteline mo e Ngaahi Fuakavá
Tokāteline mo e Ngaahi Fuakava 15, 26, 30, 35, 47, 69, 70, 82