Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: ‘Alavini Sāmita, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
‘Alavini Sāmita, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
ʻAlavini Sāmita
(1798–1823)
Naʻe fāʻeleʻi ʻa ʻAlavini Sāmita ʻi Tanipilisi, Veamoni, ʻi he 1798, naʻá ne hoko ko e fuofua tamasiʻi ʻa Siosefa Sāmita ko e Lahí mo Lusi Meki ke hao moʻuí pea ko ha taʻokete ia ʻo Siosefa Sāmita ko e Siʻí. Lolotonga ʻa e faʻahitaʻu momoko ʻo e 1816–1817 naʻá ne hiki ai mo hono fāmilí ki Palemaila, Niu ʻIoke. Naʻá ne tokoni ki hono fokotuʻu ʻo e faama ʻa e fāmilí mo tokangaʻi hono langa ʻo e ʻapi ʻo e fāmili Sāmitá ʻi Manisesitā, Niu ʻIoké. Naʻá ne tui mālohi ki he ngaahi fakahā fakalangi ʻa Siosefa Sāmitá peá ne fakalotolahiʻi hono tokouá ke tui faivelenga koeʻuhí ke ne lava ʻo maʻu mo ʻomi ʻa e Tohi ʻa Molomoná. Naʻá ne mālōlō hili ha hoko ha meʻa fakafaitoʻo fakatuʻupakē ʻi Nōvema ʻo e 1823. Naʻe manatua ʻa ʻAlavini ko ha tangata angalelei, anga-fakakaumeʻa, mo fakaʻeiʻeiki, ko ha tangata naʻe ʻikai ʻiate ia ha kākā.
ʻI he 1836, naʻe aʻusia ai ʻe Siosefa Sāmita ha mata meʻa-hā-mai ki he maama fakasilesitialé, naʻá ne mamata ai kia ʻAlavini neongo naʻe mate ʻa ʻAlavini kimuʻa pea toki fakafoki mai ʻa e siasí mo e lakanga fakataulaʻeikí pea naʻe teʻeki ai ke papitaiso ia ʻi he mafai ko iá (Tokāteline mo e Ngaahi Fuakava 137).
Ngaahi Fakamoʻoni Fakafolofola ʻi he Tokāteline mo e Ngaahi Fuakavá