ʻŌliva Kautele

(1806–50)

ʻŌliva Kautele, ca. 1845, laʻitā fakakuongamuʻa, tatau mei he Coe studio, 1883, Church History Library, PH 1700 3773.

Naʻe fanauʻi ʻa ʻŌliva Kautele ʻi Uelosi, Veamoni ʻi he 1806. Naʻá ne ngāue ko ha faiako ʻi Manisesitā, Niu ʻIoke, ʻi he taimi naʻá ne fetaulaki ai mo e fāmili Sāmitá. Naʻá ne kamata tokoni kia Siosefa Sāmita ʻi he 1829, ke liliu lea ʻa e Tohi ʻa Molomoná ʻi Hāmoni, Penisilivēnia, pea naʻe fai mai ha ngaahi fakahā lahi fekauʻaki mo ia ʻi he lolotonga e taimi ko iá (Tokāteline mo e Ngaahi Fuakava 6–9). Lolotonga e liliu leá, naʻe papitaiso ʻa Kautele peá ne maʻu e mafai ʻo e lakanga fakataulaʻeikí (Tokāteline mo e Ngaahi Fuakava 13), pea ʻi he konga kimui ʻo e taʻu ko iá naʻá ne hoko ko e taha ʻo e Kau Fakamoʻoni ʻe Toko Tolu ʻo e Tohi ʻa Molomoná (Tokāteline mo e Ngaahi Fuakava 17). Naʻá ne ʻi ai he taimi naʻe fokotuʻu fakaʻofisiale ai ʻa e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi he ʻaho 6 ʻo ʻEpeleli 1830. Ko e konga lahi ʻo e ngaahi fakahā he kamatá naʻe fakapatonu kakato ia pe ko hano konga kia Kautele (Tokāteline mo e Ngaahi Fuakava 18; 23:1–2; 24; 26). ʻI Sepitema 1830, naʻe uiuiʻi ia ʻi ha fakahā ke ne “ʻalu atu ki he kau Leimaná [Kakai Tuʻufonua ʻo ʻAmeliká] ʻo malanga ʻaki ʻeku ongoongoleleí kiate kinautolu” (Tokāteline mo e Ngaahi Fuakava 28:8; vakai foki, Tokāteline mo e Ngaahi Fuakava 32). Naʻe talangofua ʻa Kautele ki he fakahā ko ʻení, lolotonga e faʻahitaʻu momoko ʻo e 1830–1831, ʻo ne tataki atu ha kulupu ʻo ha kau faifekau ki Kenisasi ʻo onopōní. Naʻe meimei taʻu ʻe ua ʻene nofo ʻi he Vāhenga Siakisoni, Mīsulí, ʻo ne tokoni ai ki hono tokangaʻi ʻa e ngaahi ngāue ʻa e Siasí ki he falepākí (Tokāteline mo e Ngaahi Fuakava 57:13; vakai foki, vahe 69). ʻI Tīsema 1832, naʻá ne mali ai mo ʻElisapeti ʻAna Uitemā, ko ha ʻofefine ʻo Pita Uitemā ko e Lahí mo Mele Masolomana Uitemā. Naʻá na hiki ki Ketilani, ʻOhaiō ʻi Sepitema 1833, ʻa ia ne fokotuʻu ai ʻa Kautele ko e ʻasisiteni ki he palesiteni ʻo e Siasí, peá ne ngāue ʻi he fakataha alēlea māʻolunga ʻa Ketilaní (Tokāteline mo e Ngaahi Fuakava 102:3), pea tokoni ki hono ʻētita ʻo e ngaahi makasini lahi ʻa e Siasí. Naʻe hiki ʻa Kautele mo hono fāmilí ki Hihifo Mamaʻo, Mīsuli ʻi he 1837, ka naʻe tuʻusi pea tukuange ia mei he Siasí ʻi he taʻu hono hokó. ʻI he 1848, naʻe fai ʻe Kautele ha kole pea naʻe tali ke papitaiso fakafoki mai ia ki he Siasí ʻi Kanesivila, ʻAiouā.

Ngaahi Fakamoʻoni Fakafolofola ʻi he Tokāteline mo e Ngaahi Fuakavá

Tokāteline mo e Ngaahi Fuakava 6, 7, 8, 9, 13, 17, 18, 20, 21, 23, 24, 25, 26, 27, 28, 30, 32, 35, 37, 47, 52, 53, 55, 57, 58, 60, 61, 66, 68, 69, 70, 102, 104, 106, 110, 111, 124

Fakamatala Lahi Ange

Ngaahi moʻoniʻi meʻa mo e maʻuʻanga fakamatala fakapiokālafi, The Joseph Smith Papers (Ko e Ngaahi Pepa ʻa Siosefa Sāmitá)

Tefito ʻi he Hisitōlia ʻo e Siasí: ʻŌliva Kautele

Kau Māʻoniʻoní, voliume 1, Ko e Fuka ʻo e Moʻoní

Revelations In Context (Puipuituʻa ʻo e Ngaahi Fakahaá)

• Oliver Cowdery’s Gift (Ko e Meʻafoaki ʻa ʻŌliva Kautelé)

• The Experience of the Three Witnesses (Ko e Aʻusia ʻa e Kau Fakamoʻoni ʻe Toko Tolú)

• Build Up My Church” (“Langa Hake Hoku Siasí”)

• A Mission to the Lamanites (Ko Ha Misiona ki he Kau Leimaná)

• “All Things Must Be Done in Order” (Kuo Pau ke Fai ʻa e Ngaahi Meʻa Kotoa Pē ʻi he Maau)

• Joseph Smith’s Bible Translation (Liliu ʻe Siosefa Sāmita ʻa e Tohi Tapú)

• William McLellin’s Five Questions (Ko e Ngaahi Fehuʻi ʻe Nima ʻa Uiliami E. Makaleliní)

• Newel K. Whitney and the United Firm (Ko Niueli K. Uitenī pea mo e Kautaha Uouangatahá)

• Far West and Adam-ondi-Ahman (Hihifo Mamaʻo mo ʻĀtama-ʻonitai-ʻĀmani)

Oliver Cowdery ʻi he Church History Biographical Database

Vakai, Oliver Cowdery ʻi he FamilySearch