Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: Līvai Hanakoki, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Līvai Hanakoki, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Līvai Hanakoki
(1803–82)
Līvai Hanakoki, fakafuofua ki he 1860–1866, laʻitā meia Edward Martin, Church History Library,, PH 5962.
Naʻe fāʻeleʻi ʻa Līvai Hanakoki ʻi Sipilingifila, Masasūseti. Naʻe papitaiso ia ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi Ketilani, ʻOhaiō ʻi Nōvema ʻo e 1830 peá ne mali mo Kalālisa Liiti ʻi Māʻasi ʻo e taʻu hono hokó. Naʻá ne ngāue fakafaifekau ki Mīsuli ʻi he faʻahitaʻu māfana ʻo e 1831 hili hono ui ia ʻi he fakahā ke fai ia (vakai, Tokāteline mo e Ngaahi Fuakava 52:29), pea naʻe fokotuʻu ia ke ngāue ʻi Mīsuli, ʻOhaiō, mo Vesīnia ʻi Sānuali 1832. Naʻe kau atu ʻa Hanakoki ki he fakataha ʻa e Akoʻanga ʻo e Kau Palōfitá, ʻa ia naʻe fakahoko ʻi Ketilani ʻi Sānuali 1833. ʻI he taʻu hono hokó, naʻá ne kau ʻi he fononga ʻa e ʻApitanga ʻo ʻIsilelí ki Mīsulí. Naʻe fakanofo ia ko ha Fitungofulu ʻi Fēpueli 1835, pea naʻe fokotuʻu ia ko ha Palesiteni ʻo e Kau Fitungofulú ʻi he hili ha taimi nounou mei ai. Naʻá ne hiki ki Mīsuli ʻi he 1838; ʻi Sānuali 1839, naʻá ne kau ai ki ha kōmiti ʻi Hihifo Mamaʻo, Mīsuli, ʻa ia naʻe ngāue ke tokangaʻi ʻa e hiki ʻo e Kāingalotú mei Mīsulí. ʻI he 1839, naʻá ne hiki ki Kōmeesi, ʻIlinoisi, ʻa ia naʻe fakahingoa kimui ko Nāvuú. ʻI he 1846–1847, naʻe ngāue ai ʻa Hanakoki ʻi he Patalione Māmongá, ko e Taki Māʻolunga pē ʻe toko taha naʻe kau ʻi he laká. Naʻá ne aʻu ki he Teleʻa Sōlekí ʻi he Vahefonua ‘Iutaá ʻi he 1847.
Ngaahi Fakamoʻoni Fakafolofola ʻi he Tokāteline mo e Ngaahi Fuakavá