Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: ‘Aisake Kalani, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
‘Aisake Kalani, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
ʻAisake Kalani
(1791–1858)
ʻAisake Kalani, kimuʻa ʻi he 1858, laʻitā, Church History Library, PH 1700 2639.
Naʻe fāʻeleʻi ʻa ʻAisake Kalani ʻi he Vāhenga Somasetí, Penisilivēnia. Naʻá ne mali mo Nanisē Hālisi ʻi he 1811 ka ʻi he aʻu ki he 1816 naʻá ne toe mali mo Makeleta Naiti, hili iá naʻá ne mali leva mo Hena Kini ʻi he 1826, pea kimui ange naʻá ne mali mo ʻIlisapeti Uilikoki ʻi he 1833. ʻI he 1837 naʻá ne mapeʻi ʻa e ʻuluaki kolo ʻo Kiokaki, Vāhenga Uisikonisiní (kimui ange ʻi he Vahefonua ʻAiouaá). ʻI he lolotonga ʻo e faʻahitaʻu momoko ʻo e 1838–1839, naʻá ne hiki ki Kōmeesi, ʻIlinoisi, ʻa ia naʻe fakahingoa kimui ko Nāvuú. Lolotonga ʻene nofo aí, naʻá ne fakatau mai ha kelekele ʻi he Konga Fonua maʻá e Kau ʻInitia ʻAmelika konga ʻIulopé (Half-Breed Tract) ʻi he Vāhenga Lií, Vahefonua ʻAiouaá. ʻI he 1839, naʻá ne fakatau atu ha ʻeka ʻe tahamano hivaafe ʻo ʻene kelekelé ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. Naʻá ne fakatau atu foki mo ha ʻū konga kelekele ʻi Kōmeesi ki he Siasí. Naʻe papitaiso ʻa Kalani ki he Siasí pea fakanofo ia ko ha kaumātuʻa ʻe Siosefa Sāmita ʻi Siulai 1839. ʻI Sānuali 1841, naʻe fakahinohinoʻi ʻa Kalani ʻe ha maʻu fakahā ke ne kumi ha sitoka ke tokoni ki hono langa ʻo e Fale Nāvuú (Tokāteline mo e Ngaahi Fuakava 124:78–79). ʻI he fakafuofua ki he 1842, naʻe tokoni ʻa Kalani, ʻi heʻene hoko ko e fakafofonga kuo fakamafaiʻi maʻá e Siasí, ke aleaʻi ha ngaahi fefakatauʻaki kelekele pau ke lavemonū ai ʻa e Kāingalotu ne nau hiki ki Nāvū mei he fakahahake ʻo e ʻIunaiteti Siteití. Naʻá ne mavahe mei he Siasí ʻi he fakafuofua ki he 1842.
Ngaahi Fakamoʻoni Fakafolofola ʻi he Tokāteline mo e Ngaahi Fuakavá