Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: ʻOasoni Pālati, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
ʻOasoni Pālati, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
ʻOasoni Pālati
(1811–81)
ʻOasoni Pālati, laʻitā, Church History Library, PH 4258.
Naʻe fanauʻi ʻa ʻOasoni Pālati ʻi Hatifooti, Niu ʻIoke. Naʻe papitaiso ia ʻe hono tokoua ko Paʻalé ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi Sepitema 1830. Naʻe fakanofo ia ʻi Tīsema ko ha kaumātuʻa pea naʻe fili ia ke ngāue fakafaifekau ki Kolesivili, Niu ʻIoke. Naʻá ne hiki ʻi he 1831 ki Ketilani, ʻOhaiō. Hili hono uiuiʻi ia ʻi ha fakahā (Tokāteline mo e Ngaahi Fuakava 52:26; 75:13; 103:40), naʻá ne hoko atu ai pē ʻo fakahoko ha ngaahi ngāue fakafaifekau ki Mīsuli, ki he fakahahake ʻo e ʻIunaiteti Siteití (tuʻo ua), pea ki he Konga ki ʻOlunga ʻo Kānatá, pea mo Pilitānia Lahi.
ʻI he 1834, naʻe kau atu ʻa ʻOasoni Pālati ki he fononga ‘a e ʻApitanga ‘o ʻIsilelí ki Mīsulí. ʻI he taʻu hono hokó, naʻe fakanofo ia ko ha mēmipa ʻo e Kōlomu ʻo e Kau ʻAposetolo ʻe Toko Hongofulu Mā Uá. ʻI he 1836 naʻá ne mali ai mo Sala Malinitā Peiti. Lolotonga e nofo ʻa Pālati ʻi Nāvū, ʻIlinoisi ʻi ʻAokosi 1842, naʻe tuʻusi ai ia mei he Siasí, ka naʻe toe papitaiso mai ia ʻi Sānuali pē ʻo e taʻu hono hokó pea naʻe toe fakanofo ia ki hono lakanga kimuʻa ʻi he Kōlomu ʻo e Toko Hongofulu Mā Uá.
Naʻe hoko ʻa Pālati ko ha mēmipa ʻo e kulupu paionia Pilikihami ʻIongí ʻi he taimi naʻe hikifonua ai e Kāingalotú ki ʻIutā ʻi he 1847 (vakai, Tokāteline mo e Ngaahi Fuakava 136:13). Naʻá ne tokangaʻi ʻa e Siasí ʻi Pilitānia Lahi mei he 1848 ki he 1849 pea mei he 1856 ki he 1857. Naʻe fokotuʻu ia ko e faihisitōlia ʻa e Siasí ʻi he 1874. Naʻá ne kaunga lahi ki hono toe vakaiʻi ʻo e pulusinga 1876 ʻo e Tokāteline mo e Ngaahi Fuakavá.
Ngaahi Fakamoʻoni Fakafolofola ʻi he Tokāteline mo e Ngaahi Fuakavá