Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: Sālesi C. Lisi, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Sālesi C. Lisi, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Sālesi C. Lisi
(1809–83)
Sālesi C. Lisi, fakafuofua ki he 1870, laʻitā meia Charles R. Savage, Church History Library, PH 7189.
Naʻe fāʻeleʻi ʻa Sālesi C. Lisi ʻi he Vāhenga Kemipelá, Kenitaki. Naʻe papitaiso ia ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi ʻEpeleli 1832 pea naʻe fakanofo ia ko ha kaumātuʻa ʻi he māhina hono hokó. Naʻá ne kau ʻi he fononga ʻa e ʻApitanga ʻo ʻIsilelí ki Mīsulí ʻi he 1834. ʻI he ngaahi taʻu kimui aí, naʻá ne ngāue fakafaifekau ki ʻIlinoisi, naʻe fakanofo ia ko ha taulaʻeiki lahi, peá ne hoko ko e palesiteni ʻo e kōlomu ʻo e kau taulaʻeiki lahí ʻi Mīsulí. Naʻá ne mali mo Sela Tiʻāmoni Pea ʻi he 1838. ʻI he 1839, naʻá ne hiki ki Kōmeesi, ʻIlinoisi, ʻa ia naʻe toki fakahingoa kimui ko Nāvuú, pea naʻe fakanofo ai ia ko ha mēmipa ʻo e fakataha alēlea māʻolunga ʻo e siteiki Nāvuú. Kimui angé naʻá ne ngāue ʻi he kau palesitenisī fakasiteiki ʻo Nāvuú pea pehē ki ha ngaahi lakanga fakapuleʻanga kehekehe. ʻI he 1842–44 naʻá ne ngāue fakafaifekau ki ʻIlinoisi mo Misikeni, pea naʻá ne kau ai ki he Fakataha Alēlea ʻo e Toko Nimangofulú. ʻI he taʻu hono hokó, naʻe fili ai ia ko ha talāsiti ʻo e kolo ʻo Nāvuú. ʻI he 1846, naʻe ngāue ʻa Lisi ko e kaumātuʻa pule ʻi Mauni Pisikā, Vahefonua ʻAiouaá. Naʻá ne hiki ki he Teleʻa Sōlekí, ʻi he Vahefonua ʻIutaá ʻi he 1847 pea naʻe fakanofo ia ko ha mēmipa ʻo e Kōlomu ʻo e Kau ʻAposetolo ʻe Toko Hongofulu Mā Uá ʻe Pilikihami ʻIongi ʻi he 1849. Naʻá ne fakahoko ha ngaahi ngāue fakafaifekau lahi kimui ange ai peá ne ngāue ʻi he kōmiti langa ʻa e temipale ʻi Lōkaní, ʻi he Vahefonua ʻIutaá.
Ngaahi Fakamoʻoni Fakafolofola ʻi he Tokāteline mo e Ngaahi Fuakavá