Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: Lōpeti D. Fositā, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Lōpeti D. Fositā, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Lōpeti D. Fositā
(1811–78)
Naʻe fanauʻi ʻa Lōpeti D. Fositā ʻi Polonisitoni, Nōfemitonisaea, ʻIngilani ʻi he 1811. Naʻá ne mali mo Sala Fini ʻi he Vāhenga Mētiná, ʻOhaiō ʻi he 1837. Naʻe papitaiso ʻa Fositā ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi ha taimi kimuʻa ʻi ʻOkatopa 1839, ʻi he taimi naʻe fakanofo ai ia ko ha kaumātuʻa ʻi Kōmeesi, ʻIlinoisi, ʻa ia naʻe fakahingoa kimui ange ko Nāvuú. Mei ʻOkatopa 1839 ki Fēpueli 1840, naʻá ne fononga fakataha ai mo Siosefa Sāmita mo ha niʻihi kehe ki Uāsingatoni, D.C., ke fekumi ki ha fakatonutonu ʻo e fakamamahi naʻe fai ki he Kāingalotú ʻi Mīsulí. Naʻe fakahinohinoʻi ʻa Fositā ʻi ha fakahā ʻi Sānuali 1841 ke langa ha fale maʻa Siosefa Sāmita pea mo fakatau mai ha sitoka ki hono langa ʻo e Fale Nāvuú (Tokāteline mo e Ngaahi Fuakava 124:115–117). ʻI he faʻahitaʻu failau ʻo e 1844, naʻe tuʻusi ai ʻa Fositā mei he Siasí,. Naʻá ne hoko leva ko e taha ʻo e kau faipulusi ʻo e nusipepa fakaanga ko e Nauvoo Expositor pea naʻe ui ia ko ha ʻaposetolo ʻi ha siasi foʻou naʻe fokotuʻu ʻe Uiliami Lao. Naʻá ne fakafepakiʻi fefeka ʻa Siosefa Sāmita ʻo aʻu ki hono fakapoongi ʻo e palōfitá ʻi Sune 1844.
Ngaahi Fakamoʻoni Fakafolofola ʻi he Tokāteline mo e Ngaahi Fuakavá