Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: Līmani Kopelī, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Līmani Kopelī, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Līmani Kopelī
(fakafuofua ki he 1781–1862)
Naʻe fāʻeleʻi ʻa Līmani Kopelī ʻi Konetikati. ʻI ha taimi hili ʻa e 1800, naʻá ne kau ki he Sōsaieti Fakatahataha ʻo e Kakai Tui ki he Hā ʻAnga Ua Mai ʻa Kalaisí, ʻa ia ne angamaheni ʻaki ko e Kau Sieká. ʻI ha taimi kimuʻa ʻi he 1820, naʻá ne hiki mo hono uaifi ko Seli Kūleí, ki Tomasoni Taunisipi, ʻOhaiō. ʻI he aʻu ki he 1831, naʻe ʻosi papitaiso ʻa Kopelī ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. ʻI Mē ʻo e taʻu ko iá, naʻe ui ia ʻi ha fakahā ke ʻalu fakataha mo Sitenei Likitoni mo Paʻale P. Pālati ke malanga ʻaki ʻa e ongoongoleleí ki ha kulupu ʻo e kau Sieká ʻi ʻOhaiō (Tokāteline mo e Ngaahi Fuakava 49). Naʻe fakangofua ʻe Kopelī ʻa e Kāingalotu mei Kolesivili, Niu ʻIoké ke nau nofo ʻi hono kelekele ʻi ʻOhaioó, ka ʻi Sune 1831, naʻá ne fakataʻeʻaongaʻi ai ʻa e aleapau ko ʻení (Tokāteline mo e Ngaahi Fuakava 54:4–5). ʻI he taimi naʻe hiki ai ʻa e tokolahi ʻo e Kāingalotú mei ʻOhaiō ki Mīsuli ʻi he 1838, naʻe fili ʻa Kopelī ke nofo ʻi ʻOhaiō. Naʻá ne kau ki he Siasi ʻo Kalaisi ʻa Sēmisi Pulusitaá ʻi he 1849, pea naʻá ne kau kimui ange ki he Siasi ʻo Kalaisi ʻa ʻOsitini Koulesí.
Ngaahi Fakamoʻoni Fakafolofola ʻi he Tokāteline mo e Ngaahi Fuakavá