Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: Uiliami E. Makelelini, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Uiliami E. Makalelini, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Uiliami E. Makalelini
(1806–83)
Uiliami E. Makalelini, 1867, laʻitā, Church History Library, PH 1700 3737.
Naʻe fanauʻi ʻa Uiliami E. Makalelini ʻi he Vāhenga Sāmitá, Tenesī ʻi he 1806. Naʻá ne papitaiso ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi he Vāhenga Siakisoní, Mīsuli ʻi he faʻahitaʻu māfana ʻo e 1831, pea naʻá ne fononga leva ki Hailame, ʻOhaiō ʻa ia naʻá ne fuofua fetaulaki ai mo Siosefa Sāmitá. ʻI heʻene ʻi aí, naʻe tala-kae-tohi ai ʻe Siosefa Sāmita ha fakahā naʻá ne tali e ngaahi fehuʻi ʻe nima ʻa Makaleliní (Tokāteline mo e Ngaahi Fuakava 66), pea pehē foki ki ha fakahā kehe ʻe taha naʻe fakahoko mai ai e folofola ʻa e ʻEikí kia Makalelini, ʻOasoni Haiti, Luke Sionisoni, mo Laimani Sionisoni (Tokāteline mo e Ngaahi Fuakava 68). Hili haʻane ngāue fakafaifekau malanga nounou ʻe ua, naʻá ne hiki mo hono uaifi ko ʻEmeline Milá ki Tauʻatāina, Mīsuli. ʻI Tīsema 1832,naʻe tuʻusi ai ʻa Makalelini mei he Siasí ʻi ha ngaahi ʻuhinga taʻeʻiloa. Neongo ia, ka naʻe vave pē hono toe papitaiso fakafoki mai iá pea naʻe uiuiʻi ia ke ʻalu fakataha mo Paʻale P. Pālati ʻo ngāue fakafaifekau ki Mīsuli mo ʻIlinoisi. Naʻe fakanofo ʻa Makalelini ʻi ʻEpeleli 1835 ko ha mēmipa ʻo e Kōlomu ʻo e Kau ʻAposetolo ʻe Toko Hongofulu Mā Uá. Naʻe toe tuʻusi ia mei he Siasí ʻi he 1838, ʻi he hili iá naʻá ne feohi holo mo e ngaahi kulupu kehekehe naʻe tataki ʻe ha kakai fakafoʻituitui naʻa nau mavahe mei he Siasí.
Ngaahi Fakamoʻoni Fakafolofola ʻi he Tokāteline mo e Ngaahi Fuakavá