Paʻale P. Pālati

(1807–57)

Paʻale Paaka Pālati, ca. 1850–1857, laʻitā fakakuongamuʻa, Church History Library, PH 100.

Naʻe fanauʻi ʻa Paʻale P. Pālati ʻi Pealingitoni, Niu ʻIoke. Naʻá ne mali mo Fengifuli Halesī ʻi he 1827. Naʻá ne papitaiso ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi Sepitema 1830 pea naʻe fakanofo ai pē ia ko e kaumātuʻa ʻi he ʻaho tatau. ʻI he ngaahi taʻu ʻe tolungofulu hono hokó, naʻá ne ngāue fakafaifekau tuʻo lahi ai ʻi he ʻIunaiteti Siteití, Kānata, ʻIngilani, mo Silei (vakai, Tokāteline mo e Ngaahi Fuakava 50:37; 52:26. ʻI he 1830, naʻá ne papitaiso mo ha kau faifekau kehe ha niʻihi fakafoʻituitui ʻe toko 130 ʻi Ketilani, ʻOhaiō, lolotonga ha ngāue fakafaifekau ki he kau Leimaná (Kakai Tuʻufonua ʻo ʻAmeliká) (vakai, Tokāteline mo e Ngaahi Fuakava 32). Lolotonga ʻene ngāue fakafaifekau ki ʻIngilani ʻi he 1840, naʻá ne hoko ai ko e fuofua ʻētita ʻo e Latter-day Saints’ Millennial Star. Naʻá ne tokangaʻi ʻa e Misiona Pilitāniá ʻi he 1841–1842.

ʻI he 1830 tupú, naʻe nofo ʻa Pālati mo e Kāingalotú ʻi Ketilani pea ʻi Mīsuli. Naʻá ne kau atu ʻi he fononga ‘a e ʻApitanga ‘o ʻIsilelí ki Mīsuli ʻi he 1834 (Tokāteline mo e Ngaahi Fuakava 103). Naʻe fakanofo ia ko ha mēmipa ʻo e Kōlomu ʻo e Kau ʻAposetolo ʻe Toko Hongofulu Mā Uá ʻi he 1835. Hili e mālōlō hono ʻuluaki uaifí, naʻá ne mali leva mo Mele ʻAna Folosi Seteone ʻi he 1837. Lolotonga e ngaahi fakatanga ʻi Mīsulí, naʻe tuku pōpula ia ʻi ha fale fakapōpula ʻe ua ʻi Mīsuli ʻi he 1838–1839. ʻI he kamataʻanga ʻo e 1843, naʻá ne nofo ʻi Nāvū, ʻIlinoisi.

Naʻe hiki ʻa Pālati mo e Kāingalotú ki ʻIutā ʻi he 1847. Naʻe fakapoongi ia lolotonga ʻene ngāue fakafaifekau ʻi ʻĀkenisā.

Ngaahi Fakamoʻoni Fakafolofola ʻi he Tokāteline mo e Ngaahi Fuakavá

Tokāteline mo e Ngaahi Fuakava 32, 34, 49, 50, 52, 97, 103, 124

Fakamatala Lahi Ange

Ngaahi moʻoniʻi meʻa mo e maʻuʻanga fakamatala fakapiokālafi, The Joseph Smith Papers (Ko e Ngaahi Pepa ʻa Siosefa Sāmitá)

Kau Māʻoniʻoní, voliume 1, Ko e Fuka ʻo e Moʻoní

Revelations In Context (Puipuituʻa ʻo e Ngaahi Fakahaá)

• A Mission to the Lamanites (Ko Ha Misiona ki he Kau Leimaná)

• “Go to the Ohio” (ʻAlu ki ʻOhaiō)

• Religious Enthusiasm among Early Ohio Converts (Kakai ne Nau Malangaʻi ʻEnau Tui Fakalotú ʻi he Kau Fuofua Ului ʻi ʻOhaioó)

• A Mission to Canada (Ko Ha Ngāue Fakafaifekau ki Kānata)

Parley P. Pratt ʻi he Church History Biographical Database

Vakai, Parley P. Pratt ʻi he FamilySearch