Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: Huila Palatiuini, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Huila Palatiuini, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Huila Palatiuini
(1793–1887)
Naʻe fanauʻi ʻa Huila Palatiuini ʻi Niu ʻIoke. Naʻá ne mali mo Mele Poota ʻi he 1812, hili iá naʻá ne kau atu ki he Tau ʻo e 1812. Naʻá ne hiki ʻi he 1830 ki ʻOhaiō, pea ʻi Sānuali 1831 naʻá ne papitaiso ai ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. ʻI he aʻu ki Sune 1831 naʻe fakanofo ia ko ha kaumātuʻa pea hili iá naʻe fakanofo ia ko ha taulaʻeiki lahi. ʻI he māhina ko iá naʻe ui ia ʻi ha fakahā ke ngāue fakafaifekau ki Mīsuli (Tokāteline mo e Ngaahi Fuakava 52:31), hili iá naʻá ne hiki ki he Vāhenga Siakisoní, Mīsuli. Naʻá ne hoko ko e kaumātuʻa ke ne tokangaʻi ha kolo ʻo e Siasí ʻi ai ʻi he 1832 pea naʻá ne ʻalu ki he ngaahi fakataha ʻa e kau taulaʻeiki lahí ʻi he Vāhenga Siakisoní ʻi he 1832 mo e 1833. Naʻe hiki ʻa Palatiuini mo e Kāingalotú ki he Vāhenga Lií, Vahefonua ʻAiouaá ʻi he 1840 pea hoko atu ai ki he Vāhenga Potauatamií, ʻAiouā ʻi he 1850.
ʻI he 1850 tupú, naʻe kau ʻa Palatiuini ki ha ngaahi siasi kehekehe ʻo ne tala ʻokú ne hoko atu ʻi he mafai naʻe maʻu ʻe he Palōfita ko Siosefa Sāmitá, pea naʻe iku ʻo ne kau ki he Siasi Fokotuʻutuʻu Foʻou ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi he faʻahitaʻu fakatōlau ʻo e 1859.
Ngaahi Fakamoʻoni Fakafolofola ʻi he Tokāteline mo e Ngaahi Fuakavá