Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: Sione Teila, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Sione Teila, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Sione Teila
(1808–87)
Sione Teila, fakafuofua ki he 1870, laʻitā meia Charles R. Savage, Church History Library, PH 7189.
Naʻe fāʻeleʻi ʻa Sione Teila ʻi Milinitope, ʻIngilani ʻi he 1808. ʻOku fakafuofua ko e 1832 naʻe hiki ai ʻa Teila ki ʻIoke Taunisipi, Ngaahi Feituʻu ʻo Kānata ki ʻOlungá, peá ne mali ai mo Lenola Kēnoni ʻi he 1833. ʻI Mē 1836, naʻe papitaiso ʻa Teila ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní pea fakanofo ia ko ha kaumātuʻa. Hili ha taimi nounou mei ai, naʻe ui ia ke ne tokangaʻi ʻa e ngaahi kolo ʻo e Siasí ʻi he Ngaahi Feituʻu ʻo Kānata ki ʻOlungá. ʻI Siulai ʻo e 1838, naʻe ui ia ke ne fakakakato ha tuʻunga naʻe ʻatā ʻi he Kōlomu ʻo e Kau ʻAposetolo ʻe Toko Hongofulu Mā Uá (Tokāteline mo e Ngaahi Fuakava 118:6). Naʻá ne ngāue fakafaifekau ki ʻIngilani mei he 1839 ki he 1841. Naʻá ne hiki leva ki Nāvū, ʻIlinoisi, ʻa ia naʻá ne ʻētita ai ʻi he nusipepa ʻa e Siasí ko e Times and Seasons (Taimí mo e Faʻahitaʻú) pea naʻá ne mēmipa ʻi he Fakataha Alēlea ʻo e Toko Nimangofulú. Naʻá ne ʻi ai he taimi naʻe fakapoongi ai ʻa Siosefa mo Hailame Sāmitá ʻi he Fale Fakapōpula Kātesí ʻi Sune ʻo e 1844 (Tokāteline mo e Ngaahi Fuakava 135:2). Hili ha ngāue fakafaifekau ʻe taha ʻa Teila ki ʻIngilaní, naʻá ne hiki ki he Teleʻa Sōlekí ʻi he Vahefonua ‘Iutaá ʻi he 1847. Naʻá ne ngāue fakafaifekau ki Falanisē mo Siamane mei he 1849 ki he 1852. ʻI he 1854, naʻe fokotuʻu ia ke ne tokangaʻi ʻa e ngaahi kolo ʻo e Siasí ʻi he fakahahake ʻo e ʻIunaiteti Siteití. ʻI he foki mai ʻa Teila ki he Vahefonua ‘Iutaá ʻi he 1857, naʻá ne maʻu ha ngaahi lakanga fakapuleʻanga kehekehe fakataha mo ʻene ngāue ko ha ʻAposetoló. Hili ʻa e mālōlō ʻa Pilikihami ʻIongi ʻi he 1877, naʻe ngāue ʻa Teila ko e Palesiteni hono tolu ʻo e Siasí ʻo aʻu ki heʻene mālōlō ʻi Keisivila, Vahefonua ‘Iutaá ʻi he 1887.
Ngaahi Fakamoʻoni Fakafolofola ʻi he Tokāteline mo e Ngaahi Fuakavá