Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: ʻĒlone Sionisoni, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
ʻĒlone Sionisoni, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
ʻĒlone Sionisoni
(1806–77)
ʻĒlone Sionisoni, fakafuofua ki he 1850 nai, laʻitā penikala
Naʻe fāʻeleʻi ʻa ʻĒlone Sionisoni ʻi Hātemi, Konetiketi, ʻi he 1806. Naʻá ne mali mo Poli Selua Kelisī ʻi he 1827 ʻi Niu Heiveni, Konetikati. ʻI ʻEpeleli 1836, naʻe papitaiso ʻa Sionisoni ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. ʻI he taʻu hono hokó, naʻá ne hiki ki Ketilani, ʻOhaiō, ʻa ia ne fakanofo ai ia ko ha kaumātuʻa. ʻI he 1838, naʻá ne hiki ki Hihifo Mamaʻo, Mīsuli, ʻa ia naʻe fakanofo ai ia ko ha fitungofulu. ʻI Maʻasi 1839, naʻe hiki ai ʻa Sionisoni ki Kōmeesi, ʻIlinoisi, ʻa ia naʻe fakahingoa kimui ko Nāvū, ʻa ia naʻe fakanofo ai ia ko ha taulaʻeiki lahi pea fokotuʻu ki he fakataha alēlea māʻolungá (vakai, Tokāteline mo e Ngaahi Fuakava 124:132). Naʻá ne ngāue foki ʻi hono langa ʻo e Temipale Nāvuú. ʻI Mē 1846, naʻá ne hiki ki Kāteni Kolouvi, Vahefonua ʻAiouaá, ʻa ia naʻá ne fua fatongia ai ʻi he kau pīsopelikí. Naʻe ngāue fakafaifekau ʻa Sionisoni ʻi he konga kimui ʻo e 1840 tupú ki ʻAiouā, ʻInitiana, ʻIlinoisi, mo Niu ʻIngilani. ʻI Sepitema 1850, naʻá ne hiki ki he Vahefonua ʻIutaá, ʻo ne ngāue ai ʻi ha ngaahi lakanga fakalotu mo fakapuleʻanga kehekehe, kau ai ʻene hoko ko e fuofua pīsope ʻo Sipilingivilá.
Ngaahi Fakamoʻoni Fakafolofola ʻi he Tokāteline mo e Ngaahi Fuakavá