Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: Sēpeti Kolitilini, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Sēpeti Kolitilini, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Sēpeti Kolitilini
(1804–87)
Sēpeti Kolitilini, ca. 1865, laʻitā ʻo ha tā fakatātā malala, Church History Library, PH 1700 3734.
Naʻe fanauʻi ʻa Sēpeti Kolitilini ʻi ʻŌviti, Niu ʻIoke ʻi he 1804. Naʻá ne mali mo Sūlia Ane Sēningi ʻi ʻOkatopa ʻo e 1828. Naʻe papitaiso ia ʻi Sānuali 1831 ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní pea naʻe fakanofo ia ko ha kaumātuʻa. Naʻe uiuʻi ia ʻi ha fakahā ʻi Sune 1831 ke ʻalu ʻo ngāue fakafaifekau mo Līvai Henikoka (Tokāteline mo e Ngaahi Fuakavá 52:29). Naʻá ne ngāue ko e faifekau malanga ki Mīsuli, ʻIlinoisi, ʻInitiana, Misikeni, mo ʻOhaiō lolotonga e 1831 mo e 1832. ʻI he taʻu hono hokó, naʻá ne kau ki he ngaahi fuofua fakatahaʻanga ‘o e Akoʻanga ʻo e Kau Palōfitá ʻi Ketilani, ʻOhaioó. Lolotonga ha taha ʻo e ngaahi fuofua fakatahaʻanga ko ʻení, naʻá ne mamata ai mo ha niʻihi kehe kia Sīsū Kalaisi mo ha kau ʻāngelo; naʻe toe manatuʻi ʻe Kolitilini kimui ange naʻa nau mamata ki he Tamai Hēvaní. Hili ha ngāue fakafaifekau ki he fakahahake ʻo e ʻIunaiteti Siteití mo Kānata, naʻe laka atu ʻa Kolitilini mei ʻOhaiō ki Mīsuli ko ha konga ia ʻo e ʻApitanga ʻo ʻIsilelí ʻi he 1834. ʻI heʻene foki ki Ketilaní, naʻe ui ia ke ne hoko ko e palesiteni ʻo e Kōlomu ʻUluaki ʻo e Kau Fitungofulú ʻi Fēpueli 1835 ka naʻe toe vahe ia ki he kōlomu ʻo e kau taulaʻeiki lahí ʻi ʻEpeleli ʻo e 1837. ʻI Fēpueli 1843, ko e ‘osi ia ha taʻu ʻe ua mei he mālōlō hono ʻuluaki uaifí, naʻe mali ʻa Kolitilini mo Mele Moti. ‘I he aʻu ki Suné, naʻá ne nofo ʻi Nāvū, ʻIlinoisi. ʻI he 1847, naʻá ne hiki mo e Kāingalotú ki he Teleʻa Sōlekí ʻi he Vahefonua ʻIutā.
Ngaahi Fakamoʻoni Fakafolofola ʻi he Tokāteline mo e Ngaahi Fuakavá