Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: Laimani Uaiti, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Laimani Uaiti, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Laimani Uaiti
(1796–1858)
Naʻe fāʻeleʻi ʻa Laimani Uaiti ʻi Feafila, Niu ʻIoke. Naʻá ne mali mo Haliote Penitoni ʻi he 1823. ʻI Nōvema 1830, naʻe papitaiso ia ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní pea fakanofo ia ko ha kaumātuʻa. Lolotonga ʻa e 1831 mo e 1832, naʻá ne ngāue fakafaifekau ai ki Mīsuli, ʻOhaiō mo Vesīnia (vakai, Tokāteline mo e Ngaahi Fuakava 52:3, 7). ʻI Nōvema 1833, naʻe tuli ia mo e Kāingalotu kehe mei he Vāhenga Siakisoni, Mīsulí. ʻI he taʻu hono hokó, naʻá ne tokoni ki hono ʻomi ha kau ngāue tokoni ke tokoni mo kau ʻi he fononga ʻa e ʻApitanga ʻo ʻIsilelí (vakai, Tokāteline mo e Ngaahi Fuakava 103:30). Naʻá ne hiki ki he Vāhenga Kalatiuela, Mīsulí ʻi he 1837 pea ki ʻĀtama-ʻOnitai-ʻĀmani, Mīsuli, ʻa ia naʻá ne ngāue ai ʻi he kau palesitenisī fakasiteikí ʻi he 1838. ʻI he lolotonga ʻo e 1838 mo e 1839, naʻe tuku pōpula fakataha ia mo Siosefa Sāmita ʻi he ngaahi feituʻu kehekehe ʻi Mīsuli. Naʻe iku ʻo hiki ʻa Uaiti ki Nāvū, ʻIlinoisi ʻo ne hoko ai ko ha mēmipa ʻo e Kōlomu ʻo e Kau ʻAposetolo ʻe Toko Hongofulu Mā Uá. ʻI he vahaʻa ʻo e 1841 mo e 1844, naʻá ne fakahoko ha ngaahi ngāue fakafaifekau kehekehe ʻi he ʻIunaiteti Siteití (vakai, Tokāteline mo e Ngaahi Fuakava 124:18). Naʻe fakakau ia ki he Fakataha Alēlea ʻo e Toko Nimangofulú ʻi Mē 1844, ka naʻe fakafisingaʻi ia mei he fakataha alēleá ʻi Fēpueli 1845. ʻI Nōvemá ʻo e taʻu ko iá, naʻá ne taki ai ha kulupu ʻo e Kāingalotú mei he Vahefonua Uisikonisiní ki he Lepapulika ʻo Tekisisí. Naʻe tuʻusi ʻa Uaiti [mei he Siasí] ʻi he 1848.
Ngaahi Fakamoʻoni Fakafolofola ʻi he Tokāteline mo e Ngaahi Fuakavá