Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: Uiliami Sāmita, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Uiliami Sāmita, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Uiliami Sāmita
(1811–93)
Uiliami Sāmita, ca. 1862, laʻitā, Church History Library, PH 1706.
Ko Uiliami Sāmitá ko ha tehina ia ʻo Siosefa Sāmita ko e Siʻi, pea naʻe fanauʻi ia ʻi Loilitoni, Veamoni. Naʻá ne papitaiso ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi he 1830 pea naʻe fakanofo ia ko ha akonaki ʻi he konga kimui ʻo e taʻu ko iá. Naʻá ne hiki ki Ketilani, ʻOhaiō ʻi he 1831. Naʻe fakanofo ia ʻi he 1832 ko ha kaumātuʻa pea naʻá ne ngāue fakafaifekau ki Penisilivēnia. Naʻá ne kau atu ki he Akoʻanga ʻo e Kau Palōftiá ʻi he 1833, pea naʻá ne mali mo Kalolaine Kalānite pea naʻe fakanofo ia ko ha taulaʻeiki lahi. Naʻá ne kau ʻi he fononga ʻa e ʻApitanga ʻo ʻIsilelí ki Mīsulí ʻi he 1834 pea naʻe fakanofo ia ko ha mēmipa ʻo e Kōlomu ʻo e Kau ʻAposetolo ʻe Toko Hongofulu Mā Uá ʻi he 1835. ʻI he hili ha taʻu ʻe tolu mei ai, naʻá ne hiki ki Mīsuli. Naʻe fakamavahe ʻa Uiliami ʻi Mē ʻo e 1839 ka naʻe toe fakafoki pē ki he Kōlomu ʻo e Toko Hongofulu Mā Uá ʻi he konga kimui ʻo e māhina ko iá. ʻI he konga kimuʻa ʻo e 1840 tupú ʻi Nāvū, ʻIlinoisi, naʻa ne ʻētitaʻi ʻa e nusipepa ʻa e koló ko e Wasp, maʻu ha ngaahi ngāue fakapuleʻanga, pea naʻá ne hoko ko ha mēmipa ʻo e Fakataha Alēlea ʻo e Toko Nimangofulú. Naʻe mālōlō hono uaifí ʻi he 1845, pea naʻe fakanofo ia ko e Pēteliake ʻo e Siasí, naʻá ne mali mo Mele Sēini Lōlini pea naʻe tuʻusi ia mei he Siasí. Hili iá, naʻá ne fengāueʻaki mo ha ngaahi siasi kehekehe naʻa nau mavahe mei he Siasí.
Ngaahi Fakamoʻoni Fakafolofola ʻi he Tokāteline mo e Ngaahi Fuakavá