Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: ʻIlasitasi Sinoú, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
ʻIlasitasi Sinou, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
ʻIlasitasi Sinou
(1818–88)
ʻIlasitasi Sinou, fakafuofua ki he 1870, laʻitā meia Charles R. Savage, Church History Library, PH 7189.
Naʻe fāʻeleʻi ʻa ʻIlasitasi Sinou ʻi Seni. Sonisipuli, Veamoni ʻi he 1818. Naʻe papitaiso ia ʻi Fēpueli 1833 ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi Sālesitoni, Veamoni. Lolotonga e taʻu 1834 ki he 1835, naʻá ne ngāue fakafaifekau ai ki Veamoni, Niu ʻIoke mo Niu Hamisea. ʻI Tīsema 1835, naʻá ne hiki ai ki Ketilani, ʻOhaiō, ʻa ia naʻe fakanofo ia ai ko ha Fitungofulu pea naʻá ne maʻu sitoka ʻi he Kautaha Maluʻi ʻo Ketilaní. Lolotonga ʻo e taʻu 1836 ki he 1837, naʻá ne ngāue fakafaifekau ai ki Penisilivēnia, ʻOhaiō mo Melileni. Hili ʻene kau fakataha mo e Kāingalotu ʻo e Siasí ʻi Mīsulí, naʻá ne mali mo ʻAtimesia Pemani ʻi Tīsema 1838. ʻI he vahaʻa ʻo e taʻu 1840 mo e 1843, naʻe ngāue fakafaifekau malanga ai ʻa Sinou ki Penisilivēnia, Niu Sēsī mo Masasūseti. ʻI he 1844, naʻá ne kau fakataha mo e Kāingalotu ʻi Nāvū, ʻIlinoisí, ʻa ia naʻá ne hoko ai ko ha mēmipa ʻo e Fakataha Alēlea ʻo e Toko Nimangofulú. Naʻe uiuiʻi ʻa Sinou ʻi he 1847 ʻi ha maʻu fakahā ke fokotuʻu ha kulupu ʻo ha kau paioniá ke nau fononga ki he Teleʻa Sōlekí, ʻi he Vahefonua ʻIutaá (Tokāteline mo e Ngaahi Fuakava 136:12). ʻI he 1849, naʻe fakanofo ia ko ha mēmipa ʻo e Kōlomu ʻo e Kau ʻAposetolo ʻe Toko Hongofulu Mā Uá. ʻI he taʻu pē hono hokó, naʻá ne fokotuʻu ai ʻa e misiona ʻa e Siasí ʻi Sikenitinēviá. ‘I he 1861, naʻá ne fokotuʻu ʻa Seni. Siaosi ʻi he Vahefonua ‘Iutaá.
Ngaahi Fakamoʻoni Fakafolofola ʻi he Tokāteline mo e Ngaahi Fuakavá