Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: Viena Siekisi, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Viena Siekisi, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Viena Siekisi
(1787–1884)
Viena Siekisi, ca. 1867, faitā ʻa Edward Martin, Church History Library, PH 5962.
Naʻe fanauʻi ʻa Viena Siekisi ʻi Pevalī, Masasūseti. Naʻe papitaiso ia ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi he 1831. Naʻá ne hiki ki Ketilani, ʻOhaiō ʻi he aʻu ki he 1832. Naʻe fakatapui ʻe Siekisi ha paʻanga lahi ki he Siasí. ʻI he ʻaho 8 ʻo Māʻasi 1833, naʻe fakafou mai ʻia Siosefa Sāmita ha fakahā ʻo fekau ai ʻa Siekisi ke ne hiki mei Ketilani ki he Vāhenga Siakisoní, Mīsuli (Tokāteline mo e Ngaahi Fuakava 90:28–31). ʻI he aʻu ki Siulai 1833, naʻá ne hiki ki Mīsuli. ʻI he taʻu hono hokó, naʻá ne tokoni ki he kāingalotu naʻe puke ʻi he fononga ʻa e ʻApitanga ʻo ʻIsilelí. Naʻá ne mali mo Taniela Siela ʻi he 1839 nai peá ne hiki ki Nāvū, ʻIlinoisi ʻi he aʻu ki he 1842. Naʻá ne fononga mo e Kāingalotu kehé ki he Vahefonua ʻIutaá ʻi he 1847. Ko e taha ia ʻo e ongo fafine ʻoku hā hona hingoá ʻi he Tokāteline mo e Ngaahi Fuakavá, ko e tokotaha ʻe tahá ko ʻEma Sāmita.
Ngaahi Fakamoʻoni Fakafolofola ʻi he Tokāteline mo e Ngaahi Fuakavá