Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: Pea Likisi, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Pea Likisi, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Pea Likisi
(1811–60)
Ko Pea Likisí, ko ha mataotao ia ʻi he ʻakaú (botanist) mo ha toketā, naʻe fanauʻi ia ʻi ʻOkisifooti, Konetikati. Naʻe papitaiso ia ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní pea fakanofo ia ko ha kaumātuʻa ʻi ha taimi kimuʻa he ʻaho 3 ʻo Sune 1831. Kimui ange ʻi he taʻu ko iá, naʻe fakanofo ia ko ha taulaʻeiki lahi ʻi ʻOleinisi, ʻOhaiō. ʻI Sānuali 1832, naʻe ui ia ʻi he maʻu fakahā ke ne ngāue fakafaifekau ki he fakatonga ʻo e ʻIunaiteti Siteití (Tokāteline mo e Ngaahi Fuakava 75:17). Naʻe tuʻusi ia [mei he Siasí] ʻi Fēpueli 1833, ka naʻe toe fakafoki mai ia ʻi he hili ha taimi nounou mei ai. ʻI he 1834, naʻá ne laka atu mei ʻOhaiō ki Mīsuli ko ha konga ʻo e ʻApitanga ʻo ʻIsilelí pea ʻi he taʻu tatau pē ko iá naʻá ne mali ai mo Lovina S. Uiliamisi ʻi he Vāhenga Keaunga, ʻOhaioó. ʻI he 1835 naʻe ʻalu ai ʻa Likisi mo Siosefa ʻIongi ʻi ha ngāue fakafaifekau ki Niu ʻIoke mo Masasūseti. Naʻe hiki ʻa Likisi ki he Vāhenga Kalatiuela, Mīsulí, ʻi he 1836 pea hiki ki Kuinisī, ʻIlinoisi ʻi he 1839. Naʻe tuʻusi ia [mei he Siasí] ʻi Kuinisī ʻi Māʻasi ʻo e 1839, ka naʻe toe papitaiso fakafoki mai ia kimui ange. Ne mālōlō ʻa Lovina ʻi he 1846 pea mali ʻa Likisi mo ʻIunisi M. Sitouni ʻi he 1851. Naʻe tanu ia ʻi Kuinisī.
Ngaahi Fakamoʻoni Fakafolofola ʻi he Tokāteline mo e Ngaahi Fuakavá