Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: Tēvita Uitemā, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Tēvita Uitemā, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Tēvita Uitemā
(1805–88)
Tēvita Uitemā, fakafuofua ki he 1865, laʻitā meia Jacob T. Hicks, hiki tatau meia Charles W. Carter, Church History Library, PH 5176.
Naʻe fāʻeleʻi ʻa Tēvita Uitemā ofi ki Helisipoki, Penisilivēnia. Naʻá ne fakahoko ha fatongia mahuʻinga ʻi hono tokoniʻi ʻo Siosefa Sāmita ke ne fakakakato hono liliu ʻo e Tohi ʻa Molomoná. Hili hono papitaiso ia ʻi Sune 1829, naʻe hoko ʻa Uitemā ko e taha ʻo e Kau Fakamoʻoni ʻe Toko Tolu ʻo e Tohi ʻa Molomoná, pea naʻá ne ʻi ai kimui ʻi he taimi naʻe fokotuʻu fakalao ai ʻa e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi he ʻaho 6 ʻo ʻEpeleli 1830. Naʻe ʻi ai ha ngaahi fakahā kimuʻa naʻe fakataumuʻa honau konga kia Uitemā (Tokāteline mo e Ngaahi Fuakava 14; 17; 18; 30). Naʻá ne mali mo Sūlia ʻAna Soli ʻi he 1831. ʻI he taʻu tatau pē ko iá naʻá na hiki ai ki Ketilani, ʻOhaiō, pea hoko atu ki he Vāhenga Siakisoní, Mīsuli (Tokāteline mo e Ngaahi Fuakava 52:25). ʻI Siulai 1834, naʻe fokotuʻu ai ʻa Uitemā ko e palesiteni ʻo e Siasí ʻi Mīsuli, ka naʻe toʻo meiate ia ʻa e lakanga ko iá ʻi Fēpueli ʻo e 1838. Naʻe tuʻusi ia mei he Siasí ʻi ʻEpeleli ʻo e taʻu ko iá pea toki tuli ia mei Hihifo Mamaʻo, Mīsuli ʻi Sune. ʻI he ngaahi taʻu kimui aí naʻá ne kau taimi nounou ki he siasi naʻe fokotuʻu ʻe he ʻaposetolo mālōlō ko Uiliami E. Makaleliní, pea ʻi he 1875 naʻe fokotuʻu ai ʻe Uitemā ʻa e Siasi ʻo Kalaisí (Whitmerite).
Ngaahi Fakamoʻoni Fakafolofola ʻi he Tokāteline mo e Ngaahi Fuakavá