Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: Uiliami Mākisi, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Uiliami Mākisi, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Uiliami Mākisi
(1792–1872)
Uiliami Mākisi, kimuʻa ʻi he 1872, laʻitā.
Naʻe fanauʻi ʻa Uiliami Mākisi ʻi Lutileni, Veamoni ʻi he 1792. Naʻá ne mali mo Lōsana R. Lōpinisoni ʻi he 1813. ʻI he aʻu ki ʻEpeleli 1835, naʻe papitaiso ai ʻa Mākisi ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi Potiesi, Niu ʻIoke. ʻI he aʻu ki Sepitema 1837, naʻá ne hiki ki Ketilani, ʻOhaiō ʻo ne ngāue ai ʻi he fakataha alēlea māʻolunga ʻa Ketilaní pea naʻá ne hoko ko e palesiteni ʻo e siteiki Ketilaní. Naʻe ui ia ʻi ha fakahā ʻi Siulai 1838, ke ne tokangaʻi ʻa e Siasí ʻi Hihifo Mamaʻo, Mīsuli (Tokāteline mo e Ngaahi Fuakava 117:10), ka naʻe vave hono tuli ʻo e Kāingalotú mei he siteiti ko iá. Hili haʻane kiʻi ʻeva nounou ki Kuinisī, ʻIlinoisi, naʻá ne hiki leva ki Nāvū, ʻIlinoisi, ʻa ia naʻá ne hoko ai ko ha palesiteni fakasiteiki pea mo ha mēmipa ʻo e Fakataha Alēlea ʻo e Toko Nimangofulú. Naʻe fakahinohinoʻi ia ʻi ha fakahā ʻi he 1841 ke ne fakatau mai ha ʻinasi ki hono langa ʻo e Fale Nāvuú (Tokāeline mo e Ngaahi Fuakava 124:80). Hili hono fakapoongi ʻo Siosefa Sāmitá, naʻe mavahe ʻa Mākisi mei Nāvū peá ne hoko ko ha tokoni ʻi he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui ni ʻa Sēmisi J. Sitālingí. ʻI he vahaʻa ʻo e taʻu 1852 mo e 1855, naʻá ne kau ki ha ngaahi siasi kehekehe ʻoku nau tala ʻoku nau tukuʻau mai mei he Palōfita ko Siosefa Sāmitá. Naʻá ne papitaiso ʻi Sune 1859 ki he Siasi Fokotuʻutuʻu Foʻou ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi ʻAmapoi, ʻIlinoisi.
Ngaahi Fakamoʻoni Fakafolofola ʻi he Tokāteline mo e Ngaahi Fuakavá