Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: Sione Sāmita, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Sione Sāmita, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Sione Sāmita
(1781–1854)
Sione Sāmita, laʻitā, Church History Library, PH 4820.
Naʻe fāʻeleʻi ʻa Sione Sāmita, ko ha tehina ʻo Siosefa Sāmita ko e Lahí, ʻi Telifila (kimui ange ko Menisesitā), Niu Hamisea, ʻi he 1781. Naʻá ne mali mo Kalālisa Laimani ʻi he 1815. ʻI Sānuali 1832, naʻe papitaiso ia ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní pea fakanofo ia ko ha kaumātuʻa. Mei he 1833 ki he 1838, naʻá ne nofo ʻi Ketilani, ʻOhaiō, ʻo ne hoko ai ko ha mēmipa ʻo e fuofua fakataha alēleaʻanga māʻolunga ʻa e Siasí (Tokāteline mo e Ngaahi Fuakava 102:3). Naʻá ne hoko kimui ange ko e palesiteni ʻo e fakataha alēleaʻanga māʻolungá mo ha tokotaha maʻu sitoka ʻo e Sōsaieti Maluʻi ʻo Ketilaní. ʻI he 1836, naʻá ne ʻalu mo Siosefa Sāmita ko e Lahí ʻi ha ngāue fakafaifekau ki he fakahahake ʻo e ʻIunaiteti Siteití. Naʻá ne hiki ki Hihifo Mamaʻo, Mīsuli ʻi ʻEpeleli 1838, pea ʻi he laka hake ʻi ha māhina ʻe ua mei ai, naʻe fokotuʻu ia ko e palesiteni ʻo e siteiki ʻi ʻĀtama-ʻOnitai-ʻĀmani, Mīsulí. Hili ʻa hono tuli ʻo e Kāingalotú mei Mīsulí, naʻá ne hiki Nāvū, ʻIlinoisi, ʻi Sune 1839. ʻI ʻOkatopa ʻo e taʻu ko iá, naʻá ne hiki ki he Vāhenga Lií, Vahefonua ʻAiouaá ke hoko ko ha palesiteni fakakolo [ʻa e Siasí] ʻi ai. ʻI he 1844, naʻe fakanofo ʻa Sāmita ko ha pēteliake pea fokotuʻu ia ko e palesiteni ʻo e siteiki Nāvuú. Naʻá ne hiki mo e Kāingalotú ki he Teleʻa Sōlekí ʻi he Vahefonua ʻIutaá ʻi he 1846–1847, ʻa ia ne fakanofo ai ia ko e pēteliake ʻo e Siasí ʻi he ʻaho 1 ʻo Sānuali 1849.
Ngaahi Fakamoʻoni Fakafolofola ʻi he Tokāteline mo e Ngaahi Fuakavá