Toni Kālosi Sāmita

(1816–41)

Ko ha tokoua ʻo Siosefa Sāmita ko e Siʻí, naʻe fāʻeleʻi ʻa Toni Kālosi Sāmita ʻi Noauisi, Veamoni ʻi he 1816. ʻI Sune 1830, naʻe papitaiso ia ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi he Anovai Seneká, Niu ʻIoke. ʻI ʻAokosi ʻo e taʻu ko iá, naʻá ne ʻalu ai mo ʻene tamai ko Siosefa Sāmita ko e Lahí, ʻo ngāue fakafaifekau ki he fāmili ʻo ʻene kui tangata ko ʻAsaeli Sāmitá ʻi he Vāhenga. Seni Loaueiní, Niu ʻIoke. ʻI Mē 1831, naʻe hiki ʻa Toni Kālosi ki Ketilani, ʻOhaiō, ʻa ia naʻá ne ngāue ai ʻi he fale paaki ʻi Ketilaní. Naʻá ne mali mo ʻAkanesi Molitoni Kolopiliti ʻi he 1835. ʻI he taʻu hono hokó, naʻe fakanofo ia ko ha taulaʻeiki lahi, naʻe fili ia ke hoko ko ha palesiteni ʻo e kōlomu ʻo e kau taulaʻeiki lahi ʻi Ketilaní, peá ne ngāue fakafaifekau ki Penisilivēnia mo Niu ʻIoke. ʻI he 1838, naʻá ne ngāue fakafaifekau ki Vesīnia, Penisilivēnia mo ʻOhaiō pea toe ngāue ki Kenitaki mo Tenesī. ʻI he 1839 naʻe tuli ai ia mo ha Kāingalotu kehe mei Mīsuli pea naʻe fakamālohiʻi ke nau nofo ʻi Kōmeesi, ʻIlinoisi, ʻa ia naʻe fakahingoa kimui ko Nāvuú, ʻa ia naʻe fokotuʻu ai ʻa Sāmita ko e palesiteni ʻo e kau taulaʻeiki lahí. Mei he 1839 ki he 1841, naʻá ne tokoni ki hono ʻētita mo paaki ʻa e nusipepa ʻa e Siasí ko e Times and Seasons. Naʻá ne toe ngāue foki ʻi ha ngaahi lakanga fakapuleʻanga ʻi he koló. Naʻá ne mālōlō ‘i Nāvū ʻi he 1841.

Ngaahi Fakamoʻoni Fakafolofola ʻi he Tokāteline mo e Ngaahi Fuakavá

Tokāteline mo e Ngaahi Fuakava 124

Fakamatala Lahi Ange

Ngaahi moʻoni meʻa mo e maʻuʻanga fakamatala fakapiokālafi, The Joseph Smith Papers (Ko e Ngaahi Pepa ʻa Siosefa Sāmitá)

Kau Māʻoniʻoní, voliume 1, Ko e Fuka ʻo e Moʻoní

Don Carlos Smith ʻi he Church History Biographical Database

Vakai, Don Carlos Smith ʻi he FamilySearch