Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: Feletiliki G. Uiliamisi, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Feletiliki G. Uiliamisi, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Feletiliki G. Uiliamisi
(1787–1842)
Feletiliki G. Uiliamisi, fakafuofua ki he 1836, vali lolo ʻi he laʻi-lā, Church History Museum.
Naʻe fāʻeleʻi ʻa Feletiliki G. Uiliamisi ʻi Sāfila, Konetikati. Naʻá ne mali mo Lepeka Suani ʻi he 1815, pea ʻi he 1830 naʻá ne hiki ai ki Ketilani, ʻOhaiō, ʻo papitaiso ai ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní pea fakanofo ia ko ha kaumātuʻa. Naʻá ne kau fakataha leva mo ʻŌliva Kautele ʻi ha ngāue fakafaifekau ki Mīsuli. Naʻe fakanofo ʻa Uiliamisi ko ha taulaʻeiki lahi ʻi he 1831 pea hoko kimui ko ha kalake mo ha tangata tohi kia Siosefa Samita (vakai, Tokāteline mo e Ngaahi Fuakava 90:19). ʻI he 1833, naʻe kau atu ʻa Uiliamisi ki he fakataha ʻa e Akoʻanga ʻo e Kau Palōfitá, naʻá ne hoko ko ha mēmipa ʻo e Kautaha Uouangatahá (Tokāteline mo e Ngaahi Fuakava 92:1–2), pea kamata hoko ko ha ʻasisiteni ki he palesitení pe tokoni ʻi he kau palesitenisī ʻo e Siasí (Tokāteline mo e Ngaahi Fuakava 81:1; 90:6; 102:3). Naʻá ne kau ʻi he fononga ʻa e ʻApitanga ʻo ʻIsilelí ki Mīsuli ʻi he 1834. Naʻe ngāue ʻa Uiliamisi ʻi he kōmiti pulusi naʻá ne paaki ʻa e Tokāteline mo e Ngaahi Fuakavá mo e A Collection of Sacred Hymns (Ko ha Fakatahatahaʻi ʻo e Ngaahi Himi Toputapú) ʻa ʻEma Sāmitá ʻi he 1835. Naʻá ne hoko ko ha tokotaha maʻu sitoka ʻi he Sōsaieti Maluʻi ʻo Ketilaní. ʻI he 1837, naʻe fili ai ʻe ha fakataha lahi ʻa e Siasí ke toʻo ʻa Uiliamisi mei he kau palesitenisī ʻo e Siasí pea fetongi ia ʻaki ʻa Hailame Sāmita. Naʻe tuʻusi ia [mei he Siasí] ʻi Māʻasi 1839 ka naʻe toe fakafoki mai ia ki he Siasí ʻi he hili ha taʻu mei ai. Naʻá ne mālōlō ʻi Kuinisī, ʻIlinoisi, ʻi ʻOkatopa 1842.
Ngaahi Fakamoʻoni Fakafolofola ʻi he Tokāteline mo e Ngaahi Fuakavá
Tokāteline mo e Ngaahi Fuakava 56, 64, 81, 90, 92, 93, 102, 103, 104