Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: Solomone Hanakoki, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Solomone Hanakoki, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Solomone Hanakoki
(1793 pe 1794–1847)
Naʻe fanauʻi ʻa Solomone Hanakoki ʻi Sipilingifila, Masasūseti. Naʻá ne mali mo ʻAlatia ʻĀtama ʻi he 1815. Naʻe papitaiso ia ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi ʻOhaiō ʻi Nōvema 1830. ʻI he aʻu ki Sune ʻo e taʻu hono hokó, naʻe fakanofo ia ko ha kaumātuʻa pea hoko atu leva ki hono fakanofo ia ko ha taulaʻeiki lahi, pea hili ia naʻe fili ia ʻi ha fakahā ke ngāue fakafaifekau ki Mīsuli (Tokāteline mo e Ngaahi Fuakava 52:27). ʻI he aʻu ki he 1833, naʻá ne nofo ʻi he Vāhenga Siakisoní, Mīsuli. Naʻe ui ia ki he fakataha alēlea māʻolunga ʻo Saioné ʻi he Vāhenga Keleí, Mīsuli ʻi he 1834, pea naʻá ne ngāue fakafaifekau ki he fakahahake ʻo e ʻIunaiteti Siteití ʻi he faʻahitaʻu fakatōlau ko iá. Naʻe mālōlō ʻa e uaifi ʻo Hanakokí ʻi he 1836. Naʻá ne mali mo Fīpē ʻĀtama ʻi Sune ʻo e taʻu ko iá peá na hiki ki he Vāhenga Kalatiuelá, Mīsuli ʻi he aʻu ki Tīsemá. Naʻá ne hoko ko ha mēmipa ʻo e fakataha alēlea māʻolunga ʻo Saioné ʻi Hihifo Mamaʻo, Mīsuli mei he 1837 ki he 1839. Naʻe tuli fakataha ia mo e Kāingalotu kehé mei Mīsuli ʻi he faʻahitaʻu failau ʻo e 1839 pea naʻá ne hiki leva ki ʻIlinoisi. Naʻe ui ia ai ʻi he 1843 ko ha mēmipa ʻo e fakataha alēlea māʻolunga ʻo Limá. Naʻá ne tokangaʻi ʻa e kolo ʻo e siasí ʻi ʻIelalome (Nofoʻanga Moalī, kimui ange ʻi Tioka), ʻIlinoisi fakafuofua ki he 1844. Naʻá ne mālōlō ʻo ofi ki Kaunisila Palafu, ʻAiouā.
Ngaahi Fakamoʻoni Fakafolofola ʻi he Tokāteline mo e Ngaahi Fuakavá