ʻEtuate Pātilisi

(1793–1840)

ʻEtuate Patilisi, 1884, tā fakatātā ʻe H.B. Hall mo e Sons, Church History Library, PH 729.

Naʻe fāʻeleʻi ʻa ʻEtuate Pātilisi ʻi Pitifila, Masasūseti. Naʻá ne mali mo Litia Kilisipē ʻi he 1819. Naʻe papitaiso ʻa Pātilisi ʻe Siosefa Sāmita ʻi Tīsema 1830 pea naʻe fakanofo ia ʻe Sitenei Likitoni ko ha kaumātuʻa hili ha ʻaho ʻe fā mei ai. ʻI Fēpueli 1831, ʻi Ketilani, ʻOhaiō, naʻe fokotuʻu ai ʻa Pātilisi ko e fuofua pīsope ʻi he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní pea naʻe ʻoange kiate ia ʻa e fatongia ke fakahoko ʻa e fono ʻo e fakatapuí ʻi he lotolotonga ʻo e Kāingalotú (Tokāteline mo e Ngaahi Fuakava 41; 42:30–36; 51). Naʻá ne hokohoko atu ko ha pīsope ʻo aʻu ki heʻene mālōloó.

ʻI he faʻahitaʻu māfana ʻo e 1831, naʻe fononga ai ʻa Pātilisi mo Siosefa Sāmita ki he Vāhenga Siakisoní ʻi Mīsuli, ʻa ia naʻá ne tokoni ai ki hono tokangaʻi ʻo e nofoʻanga ʻo e Kāingalotu naʻe hiki maí ʻaki hono fakatau mai mo tokangaʻi ʻo e ngaahi fatongia tauhi ʻo e kelekelé. ʻI ʻEpeleli 1832, naʻe fili ai ia ko ha mēmipa ʻo e Kautaha Uouangatahá. ʻI he taimi naʻe fakamamahiʻi ai ʻe he kau fakatangá ʻa e Kāingalotu ʻi Mīsulí ʻi Siulai 1833, naʻe vali ʻaki ia ʻa e valitaá mo fakapipiki kiate ia ʻa e fulufuluʻi moá. Naʻá ne hola mo hono fāmilí mei he Vāhenga Siakisoní ki he Vāhenga Keleí ʻi Mīsuli, pea kimui ange ki he feituʻu naʻe hoko ko e Vāhenga Kalatiuelá, ʻi Mīsuli. Naʻá ne hoko foki ko ha faifekau ʻi he 1835 ki Mīsuli, ʻIlinoisi, ʻInitiana mo ʻOhaiō pea hoko atu ki Niu ʻIoke mo Niu ʻIngilani. ʻI he faʻahitaʻu fakatōlau ʻo e 1838, naʻe tuku pōpula ia ʻi he fale fakapōpula ʻi Lisimoni, Mīsulí. ʻI he 1839, naʻe tuli ai ia mei Mīsuli fakataha mo e toenga ʻo e Kāingalotú peá ne hiki ai ki Kōmeesi, ʻIlinoisi, ʻa ia naʻe toe fakahingoa kimui ko Nāvuú.

Ngaahi Fakamoʻoni Fakafolofola ʻi he Tokāteline mo e Ngaahi Fuakavá

Tokāteline mo e Ngaahi Fuakava 35, 36, 41, 42, 50, 51, 52, 57, 58, 60, 64, 82, 115, 124

Fakamatala Lahi Ange

Ngaahi moʻoni meʻa mo e maʻuʻanga fakamatala fakapiokālafi, The Joseph Smith Papers (Ko e Ngaahi Pepa ʻa Siosefa Sāmitá)

Kau Māʻoniʻoní, voliume 1, Ko e Fuka ʻo e Moʻoní

Revelations In Context (Puipuituʻa ʻo e Ngaahi Fakahaá)

• “Go to the Ohio” (ʻAlu ki ʻOhaiō)

• “A Bishop unto the Church (Ko ha Pīsope ki he Siasí)”

• Newel K. Whitney and the United Firm (Ko Niueli K. Uitenī pea mo e Kautaha Uouangatahá)

• Within the Walls of Liberty Jail (ʻI Loto ʻi he Ngaahi Holisi ʻo e Fale Fakapōpula Lipetií)

Edward Partridge ʻi he Church History Biographical Database

Vakai, Edward Partridge ʻi he FamilySearch