Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: Hiipa C. Kimipolo, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Hiipa C. Kimipolo, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Hiipa C. Kimipolo
(1801–68)
Hiipa C. Kimipolo, laʻitā ʻo ha tā fakakuongamuʻa, Church History Library, PH 2853.
Naʻe fāʻeleʻi ʻa Hiipa C. Kimipolo ʻi Selitoni, Veamoni. Naʻá ne mali mo Vilate Muli ʻi he 1822. Naʻe papitaiso ia ʻi he 1832 ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní pea fakanofo ia ko ha kaumātuʻa. ʻI he 1833 naʻá ne hiki ki Ketilani, ʻOhaiō pea ʻi he 1834 naʻá ne kau ʻi he fononga ʻa e ʻApitanga ʻo ʻIsilelí ki Mīsulí. Naʻe fakanofo ia ko ha mēmipa ʻo e Kōlomu ʻo e Kau ʻAposetolo ʻe Toko Hongofulu Mā Uá ʻi he 1835.
ʻI he vahaʻa ʻo e 1836 mo e 1843, naʻá ne fakahoko ha ngāue fakafaifekau ʻe tolu ki he fakahahake ʻo e ʻIunaiteti Siteití. Naʻá ne tokangaʻi foki ʻa e ʻuluaki misiona ki Pilitānia Lahí ʻi he 1837–38 peá ne toe foki ki ai ko ha faifekau ʻi he 1839–41. Naʻá ne tokoni ke tokangaʻi hono ʻave ʻo e Kāingalotú mei Mīsulí ʻi he 1838–39 . Hili ʻene mavahe mei Mīsulí, naʻá ne iku ʻo hiki ki Kōmeesi, ʻIlinoisi, ʻa ia naʻe toe fakahingoa foʻou kimui ko Nāvuú.
ʻI Nāvuú, naʻe ngāue ʻa Kimipolo ʻi he Temipale Nāvuú mo ngāue ʻi he Fakataha Alēlea ʻo e Toko Nimangofulú. ʻI he 1846– 47 naʻe hiki ʻa Kimipolo ki he feituʻu naʻe hoko ko e Vahefonua ‘Iutaá. Naʻe hikinimaʻi ia ko e Tokoni ʻUluaki kia Pilikihami ʻIongi ʻi he Kau Palesitenisī ʻUluakí ʻi Tīsema 1847.
Ngaahi Fakamoʻoni Fakafolofola ʻi he Tokāteline mo e Ngaahi Fuakavá