Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: Leinolitisi Kahuni, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Leinolitisi Kahuni, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Leinolitisi Kahuni
(1790–1861)
Leinolitisi Kahuni, kimuʻa ʻi he 1861, tā valivali, Church History Library, PH 1700 1717.
Naʻe fanauʻi ʻa Leinolitisi Kahuni ʻi Kemipilisi, Niu ʻIoke. Naʻá ne mali mo Fiesia Sitili ʻi he 1810. Naʻá ne hiki ʻo ofi ki Ketilani, ʻOhaiō ʻi he 1825. Naʻá ne papitaiso ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi he 1830 pea naʻe fakanofo ia ko ha kaumātuʻa pea mo ha taulaʻeiki lahi ʻi Sune 1831. Hili ha ʻaho ʻe ua mei ai, naʻe fokotuʻu ia ʻi ha fakahā ke ʻalu ʻo ngāue fakafaifekau ki Mīsuli (Tokāteline mo e Ngaahi Fuakava 52:30). Naʻá ne fononga ʻo foki ki Ketilani mo Siosefa Sāmita hili hono fakatapui ʻe he palōfitá ʻa Tauʻatāina, Mīsuli ki hono fokotuʻu ʻo Saioné (vakai, Tokāteline mo e Ngaahi Fuakava 61:35). Naʻá ne hoko ko ha tokoni kia Pīsope Niueli K. Uitenī ʻi Ketilani ʻi he kamataʻanga ʻo e 1832. ʻI he taʻu hono hokó, naʻe fili ia ke ngāue fakafaifekau ki Uoasoa, Niu ʻIoke.
ʻI Ketilaní, naʻe tokoni ai ʻa Kahuni ki hono tokangaʻi ʻa e langa ʻo e Temipale Ketilaní (Tokāteline mo e Ngaahi Fuakava 94:13–15), naʻá ne maʻu ʻinasi ʻi he Sosaieti Malu ʻo Ketilaní, pea naʻá ne fua fatongia ʻi he kau palesitenisī fakasiteiki ʻo Ketilaní. ʻI he 1838, naʻá ne hiki ki Mīsuli, ʻo ne hoko ai ko ha tokoni ʻi he kau palesitenisī fakasiteiki ʻo ʻĀtama-ʻonitai-ʻĀmaní.
Naʻe hola ʻa Kahuni mo e Kāingalotú mei Mīsuli, pea iku ʻo ne hiki ki Nāvū, ʻIlinoisi, ʻo ne ngāue ai ʻi kōmiti langa temipale ʻa Nāvuú pea naʻe fakahhū ia ki he Fakataha Alēlea ʻo e Toko Nimangofulú. Naʻá ne hiki ki he Teleʻa Sōlekí ʻi he Vahefonua ʻIutaá ʻi he 1848.
Ngaahi Fakamoʻoni Fakafolofola ʻi he Tokāteline mo e Ngaahi Fuakavá