Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá: Sione C. Pēneti, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Sione C. Pēneti, Ngaahi Maʻuʻanga Fakamatala Fakahisitōlia ʻo e Tokāteline mo e Ngaahi Fuakavá (2025)
Sione C. Pēneti
(1804–67)
Sione C. Pēneti, 1842, tā tongitongi ʻa Oliver Pelton mei ha tā fakatātā ʻa Alvan Clark, Church History Library, PH 1700 5100.
Naʻe fāʻeleʻi ʻa Sione C. Pēneti ʻi Feaheiveni, Masasūseti. Naʻá ne mali mo Mele A. Paaka ʻi he 1826, pea ʻi he 1840 naʻá ne hiki ai ki Nāvū, ʻIlinoisi, ʻa ia naʻá ne papitaiso ai ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. Naʻá ne tokoni ki hono tohi fakaangaanga mo fakapapauʻi ʻa e aleapau ki he kolo Nāvuú ʻi he taʻu tatau pē ko iá. ʻI he 1841–42, naʻá ne ngāue ko ha tokoni palesiteni ʻi he Kau Palesitenisī ʻUluakí peá ne maʻu ha ngaahi lakanga māʻolunga fakapuleʻanga mo fakasōsiale kehekehe. ʻI he 1842, naʻe tuʻusi ai ʻa Pēneti [mei he Siasí] ko e tono, naʻe toʻo ia mei hono ngaahi lakanga lahi fakapuleʻanga mo fakasōsiale, pea naʻá ne vete mo hono uaifí. Hili hono tukuange ia mei he Siasí, naʻá ne tukuakiʻi fakahāhā ʻa Siosefa Sāmita ki he tono mo e palaniʻi ʻo e feinga fakapoongi ʻa e kōvana mālōlō ʻo Mīsuli ko Lilipeni W. Pōkesí ʻi Mē 1842. Naʻe toe teke foki ʻe Pēneti ʻa e kau ʻofisiale ʻi Mīsuli mo ʻIlinoisí ke fakafoʻou ʻa e fakaʻilo ʻo Siosefa Sāmita mei he 1838 ki he talisoné, ʻa ia naʻe iku ai ki hono puke pōpula ʻo Siosefa Sāmita ʻi Sune ʻo e 1843. Naʻe mali ʻa Pēneti mo Sela Laita ʻi he 1843. Naʻá ne fengāueʻaki mo e ngaahi siasi kehe naʻe mapaki mei he Siasí ʻi he vahaʻa ʻo e 1843 mo e 1847.
Ngaahi Fakamoʻoni Fakafolofola ʻi he Tokāteline mo e Ngaahi Fuakavá