Sitenei Likitoni

(1793–1876)

Sitenei Likitoni, ca. 1873, tā naʻe ʻai ʻe Irving Saunders, tataú mei he Fox and Symons Studio, Church History Library, PH 4192.

Naʻe fanauʻi ʻa Sitenei Likitoni ʻi Seni. Kelea, Penisilivēnia ʻi he 1793. Naʻá ne mali mo Fīpē Polokisi ʻi he 1820. Naʻá ne hoko ko ha tangata malanga ʻi he Siasi Papitaiso foʻoú kimuʻa peá ne toki kau mai ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi he Vāhenga Keaunga, ʻOhaioó ʻi Nōvema 1830. Naʻá ne hoko leva ko ha tangata tohi ʻa Siosefa Sāmita pea naʻe fili ke na fononga ki Mīsuli ʻi he 1831 (Tokāteline mo e Ngaahi Fuakava 52:3). Naʻe ui ʻa Likitoni ʻi he 1832 ke hoko ko e taha ʻo e ongo tokoni ʻa Siosefa Sāmitá pea naʻe toe fili foki ke hoko ko ha mēmipa ʻo e Kautaha Uouangatahá (Tokāteline mo e Ngaahi Fuakava 82:11). ʻI he 1833, ʻi he hoko ʻa Likitoni mo Feletiliki G. Uiliamisi ko e ongo tokoni ʻa Siosefa Sāmita ʻi he kau palesitenisī ʻo e lakanga fakataulaʻeiki māʻolungá, naʻe “lau ʻa kinaua ʻokú na tuʻunga tatau” mo Siosefa Sāmita “ʻi he maʻu ʻo e ngaahi kī ʻo e puleʻanga fakaʻosi ko ʻení” (Tokāteline mo e Ngaahi Fuakava 90:6). Naʻe fakahū pilīsone ʻa Likitoni mo Siosefa Sāmita pea mo ha Kāingalotu kehe ʻi he fale fakapōpula Lipetií, Mīsuli mei Tīsema 1838 ki Fēpueli 1839, pea toki tukuange ia. Naʻá ne ʻalu fakataha mo Siosefa Sāmita ʻi he 1839 ki Uāsingatoni DC ke feinga ke fakatonutonu mo e puleʻangá ʻa e mamahi ʻa e Kāingalotú ʻi hono ngaohikovia kinautolu ʻi Mīsulí, ka naʻe ʻikai ke ola lelei ʻa e feingá. Naʻe kau atu ʻa Likitoni kimui ange mo e Kāingalotú ʻi honau nofoʻanga foʻou ʻi Nāvū, ʻIlinoisí. Hili hono fakapoongi ʻo Siosefa Sāmitá, naʻe pehē ʻe Likitoni ʻoku ʻi ai ʻene totonu ke tataki ʻa e Siasí. Naʻe faifai pea tuʻusi ia mei he Siasí ʻi he 1844 peá ne kamataʻi leva hono siasi pē ʻoʻona ʻi Pitisipeeki, Penisilivēnia.

Ngaahi Fakamoʻoni Fakafolofola ʻi he Tokāteline mo e Ngaahi Fuakavá

Tokāteline mo e Ngaahi Fuakava 35, 36, 37, 40, 41, 42, 44, 49, 52, 53, 55, 58, 60, 61, 63, 70, 71, 73, 76, 78, 82, 90, 93, 100, 102, 103, 104, 111, 112, 115, 124

Fakamatala Lahi Ange

Ngaahi moʻoniʻi meʻa mo e maʻuʻanga fakamatala fakapiokālafi, The Joseph Smith Papers (Ko e Ngaahi Pepa ʻa Siosefa Sāmitá)

Tefito ʻi he Hisitōlia ʻo e Siasí: Sitenei Likitoni

Kau Māʻoniʻoní, voliume 1, Ko e Fuka ʻo e Moʻoní

Revelations In Context (Puipuituʻa ʻo e Ngaahi Fakahaá)

• A Mission to the Lamanites (Ko Ha Misiona ki he Kau Leimaná)

• “Go to the Ohio” (ʻAlu ki ʻOhaiō)

• Joseph Smith’s Bible Translation (Liliu ʻe Siosefa Sāmita ʻa e Tohi Tapú)

• Newel K. Whitney and the United Firm (Ko Niueli K. Uitenī pea mo e Kautaha Uouangatahá)

• Ezra Booth and Isaac Morley (ʻĒsela Puuti mo ʻAisake Moalī)

• “The Vision” (Ko e Meʻa-hā-mai)

• A Mission to Canada (Ko Ha Ngāue Fakafaifekau ki Kānata)

• Within the Walls of Liberty Jail (ʻI Loto ʻi he Ngaahi Holisi ʻo e Fale Fakapōpula Lipetií)

Sidney Rigdon ʻi he Church History Biographical Database

Vakai, Sidney Rigdon ʻi he FamilySearch